၂၀၀၉ ကုန်လို့ ၂၀၁၀ ကိုတောင် ၀င်လာပေါ့…

၂၀၀၉ ကုန်ပြီး ၂၀၁၀ တောင် ၀င်လာတော့ မှာပါလား...... ၂၀၀၉ကို ဘာနဲ့နှုတ်ဆက် မလဲလို့ ကိုယ့်ကိုယ်ကို ပြန်မေးကြည့်တော့ ဘာအဖြေမှ ထွက်မလာဘူး။ ၂၀၁၀ ကိုရော ဘာနဲ့ကြိုဆိုရမလဲ………..

၂၀၀၉ မှာ ကိုယ်ဘာတွေ လုပ်ခဲ့သလဲ လို့ ကိုယ့်ကိုယ်ကို ပြန်ဆန်းစစ် ကြည့်တယ်။ ၂၀၀၉ မှာ ၀မ်းသာစရာတွေ၊ ၀မ်းနည်းစရာတွေ အများကြီးနဲ့ ကြုံတွေ့ခဲ့ ရတယ်။ ဝေးကွာနေတာ ကြာပြီဖြစ်တဲ့ အကို အကြီးဆုံး ကို ပြန်တွေ့လိုက် ရလို့ အရမ်း ၀မ်းသာခဲ့ရတယ်။ သိပ်ချစ်ရတဲ့ ဖေကြီးနဲ့မေကြီး ပြီးတော့ ညီမလေးနဲ့ ဝေးကွာ ခဲ့ရတယ်။ ကျွန်မ ဘ၀ အတွက်တော့ အကြီးမားဆုံး ၀မ်းနည်းမှု ပဲပေါ့။ ဘယ်တော့ ပြန်ဆုံနိုင်ကြမလဲ လို့ စဉ်းစားရင်း နေ့ပေါင်း များစွာ ကျော်ဖြတ်ခဲ့ ရတယ်။

ကျွန်မ အတွက်တော့ အရမ်းကြာ သလိုပဲ ခံစား နေရတယ်။ မိဘတွေ နဲ့တော့ ဝေးကွာခြင်း ဆိုတဲ့ ခံစားမှုကို ပထမဆုံး… ကြုံတွေ့လိုက် ရတာပေါ့။ ပြီးတော့ စိတ်ထဲ မွန်းကျပ်လာရင် ရေးဖို့ ဘလော့လေး တခု လုပ်ဖြစ်တယ်။ ကုသိုလ် ကောင်းမှုကတော့ နေ့စဉ် ဘုရားရှီခိုးတာပဲ ရှိတယ်။ တခြားသူ အားလုံးကို မေတ္တာနဲ့ ဆက်ဆံနိုင်အောင် ကြိုးစားခဲ့တယ်။ သည်းခံစရာ ရှိရင် အစွမ်းကုန် သည်းခံ နိုင်အောင် ကြိုးစားခဲ့တယ်။ တခြား ချို့တဲ့သူ တွေကို..... ကူညီနိုင်ဖို့ စိတ်ထဲ ရှိသလို မဖြစ်ခဲ့ သေးဘူး။ အကျဉ်းထောင် အသီးသီး ထဲက နိုင်ငံရေး ယုံကြည်ချက် ကြောင့် ဘ၀ တွေကို ပေးဆပ် နေကြတဲ့ အကျဉ်းကျ ရဲဘော်တွေ ကို မေ့မရခဲ့ဘူး။ သိပ်ချစ်ရတဲ့ သူငယ်ချင်းတွေ ကိုလည်း သတိရ စိတ်နဲ့ လွမ်းနေရတုန်း ပေါ့။ ဘယ်အချိန်လောက် အထိ လွမ်းနေရ အုံးမယ် ဆိုတာ ဘယ်သူမှခန့်မှန်းလို့မရ ပါဘူးလေ………. အဲလို ဆိုတော့ အလွမ်း တွေနဲ့ပဲ နှုတ်ဆက် လိုက်ပါတယ် ၂၀၀၉ရေ………….

၂၀၁၀ ကိုတော့ ရောက်လာခဲ့ပြီ။ မထူးခြားတဲ့ လုပ်ရိုးလုပ်စဉ် တွေကိုပဲ လုပ်နေရမယ် ထင်တယ်။ ၂၀၁၀ မှာ ရွေးကောက်ပွဲ ကလည်း ဘယ်အချိန်မှန်း မသိသေးတော့……`၂၀၀၈ဖွဲ့စည်းပုံအခြေခံဥပဒေ´ တုန်းကလိုပဲ ပြီးသွားမှာလား…… ဒါဆိုရင်တော့ မြန်မာပြည်ကြီး စစ်ကျွန်အောက် မှာ ပြားပြား ၀ပ်နေရအုံး မှာပေါ့။ ဒါကြောင့် မြန်မာပြည်သူတွေ အားလုံး မကြောက်မရွံ့ … ရဲရဲရင့်ရင့်နဲ့ ညီညီညွတ်ညွတ် ရင်ဆိုင်ပြီး အံတု နိုင်ခဲ့မယ် ဆိုရင် တမျိုးတဖုံ ပြောင်းလဲ သွားနိုင်မယ် လို့ ယုံကြည်တယ်လေ....

အဲဒီအခါမှာ ကျမ အနေနဲ့ နှမ်းတစေ့ အနေနဲ့ပဲဖြစ်ဖြစ် ပါဝင်နိုင်ဖို့ မျှော်လင့်မိ ပါတယ်… ဒါမှလည်း အကျဉ်းထောင် ထဲမှာ အကျဉ်းကျနေတဲ့ သူတွေ အတွက် မျှော်လင့်ခြင်း ဆိုတာ ဖြစ်လာ မှာပေါ့။ ၂၀၁၀ မှာ မြန်မာပြည်ကြီး လွတ်လပ်မှု၊ တရားမျှတမှု၊ ငြိမ်းချမ်းမှု၊ အနာဂတ် အလင်းရောင် တွေနဲ့ ရောင်နီ ထွန်းလင်းလာမဲ့ အချိန် ကိုမျှော်လင့်ရင်း… ၂၀၁၀ကို နွေးထွေးစွာနဲ့ ကြိုဆိုလိုက်ပါရစေတော့………….

နှစ်သစ်မှာ မင်္ဂလာ အပေါင်းနဲ့ ပြည့်ဝကြပါစေလို့ နှုတ်ခွန်းဆက် မေတ္တာ ပို့သ လိုက်ပါတယ်........

နှစ်သစ်ကူးနေ့သမိုင်းအကျဉ်း

လူ့သမိုင်းတွင် ပြက္ခဒိန်နှင့် ပတ်သက်၍ ပုံစံဟောင်း၊ ပုံစံသစ်နေ့ စွဲများဖြင့် ပြုစုခဲ့ကြသော(ဂျူလီယန်ပြက္ခဒိန်) နှင့် (လူနီဆိုလာပြက္ခဒိန်) ဟူ၍ရှိခဲ့သည်။ ပြက္ခဒိန်များအနက် ရောမပြက္ခဒိန်ဟောင်းတွင် နှစ်သစ်ကူးနေ့ကို မတ်လ(၁)ရက်နေ့ ဖြစ်ကြောင်း သတ်မှတ်ခဲ့ကြသည်။ နှောင်းကာလ တစ်ခုရောက်မှ ဇန်နဝါရီ(၁)ရက်ကို အများဆန္ဒ မရှိခဲ့ကြသော်လည်း ထိုနေ့ကို ပြဌာန်းခဲ့ကြကြောင်း သမိုင်းတွင် ရှိခဲ့ပြန်သည်။ ခုနှစ်မှာ ဘီစီ၁၅၃ ဖြစ်သည်။ သမိုင်းခေတ် တခေတ် ဖြစ်ခဲ့သော ‘ခေတ်လယ်’ဟု ခေါ်တွင်သည့် ခေတ်တလျှောက်လုံး ယေရှုခရစ်ကို အမှတ်တရ အဖြစ် အထိမ်းအမှတ် ဖြစ်အောင်ဟု ဆိုကာ မတ်လကဲ့သို့ နေ့နှင့်လ တူညီသည့် ကာလကို ပျော်ပွဲရွှင်ပွဲ အခမ်းအနားများ ကျင်းပ ခဲ့ကြပြန်သည်။ (၇)ရာစုနှစ်များက ဘာသာရေး ကိုးကွယ်မှု မရှိသူများကြား နှစ်သစ်ကူးနေ့တွင် လက်ဆောင် အပြန်အလှန် လဲလှယ်ရေး ဓလေ့ထုံးစံ ကိုပြုလုပ်လာ ကြသည်။ သို့ရာတွင် ယင်းထုံးစံကို သူတော်စင် အဲလီဂျီးယပ်(စ်) ဆိုသူက ကန့်ကွက်ခဲ့သည်။ ဂရီဂိုရီယန် ပြက္ခဒိန် အတည်မပြုခင်၊ အနောက်ဥရောပနိုင်ငံအများစုတွင် ဇန်နဝါရီ(၁)ရက်ကို နှစ်သစ်ကူးနေ့အဖြစ် တရားဝင် ပြုလုပ်ခဲ့ကြသည်။ ဂရီဂိုရီယန် ပြက္ခဒိန် အတည်ပြုသည်အထိ မတ်လ၂၅ရက် ကိုတရားဝင် ကျင်းပခဲ့ကြရာက နှစ်သစ်ကူးနေ့ အဖြစ် ပါကျင်းပခဲ့ကြသည်။ ထိုကျင်းပသည့် ခုနှစ်မှာ ၁၇၅၂ခု ဖြစ်သည်။

ရိုးရာခရစ်ယန် ဘာသာဝင် တချို့၏ ယုံကြည်မှုများ အရ ခရစ်စမတ် ပွဲတော်အပြီး ရှစ်ရက်မြောက်နေ့ သည် နှစ်သစ်ကူးနေ့ဖြစ်ပြီး၊ ယင်းနှစ်ရက် တို့သည် ဘာသာရေး ယုံကြည်မှုများနှင့် ဆက်စပ်မှု ရှိသည်ဟု ဆိုသည်။ အကြောင်းမှာ ကမ္ဘာ့နိုင်ငံ အများစုတွင် အသုံးပြုကြသော အနောက်နိုင်ငံ ပြက္ခဒိန်သည် (အေဒီ)ကို အခြေခံ သောကြောင့်ဖြစ်သည်။ ထို့ပြင် မြောက်ကမ္ဘာခြမ်းတွင် နှစ်တနှစ်၏ အတိုဆုံးနေ့ဖြစ်ပြီး တောင်ကမ္ဘာခြမ်း၏ အရှည်ဆုံးနေ့ ဖြစ်သောကြောင့်ဟု အဆိုရှိသည်။

တနှစ်တာအတွင်း ကုန်ဆုံးခဲ့သည့် အဖြစ်အပျက်များ၏ နိဂုံးကို ရေဒီယို၊ တယ်လီဗေးရှင်း နှင့် သတင်းစာ များတွင် ပြောဆိုရေးသား ပြသလေ့ရှိသဖြင့် နှစ်ဟောင်းမှ နှစ်သစ်သို့ ကူးပြောင်းခြင်းနေ့ အဖြစ် ဇန်န၀ါရီလ(၁)ရက်နေ့ ကို အများက လက်ခံ လာကြသဖြင့် `နှစ်သစ်ကူးနေ့´ဟု သတ်မှတ်ခဲ့ကြ ပေသည်။ တနှစ်တာ အတွင်း ထူးခြားသော နိုင်ငံရေး အဖြစ်အပျက်များ၊ သဘာဝ ဘေးအန္တရာယ်များ၊ တေးဂီတနှင့် အနုပညာ ဆိုင်ရာ လုပ်ငန်းများ၊ ထူးခြားသည့် ပုဂ္ဂိုလ်များ ကွယ်လွန်သွားသည့်ကိစ္စရပ်များကို ပြန်လည် သုံးသပ်ပြသဖြင့် နှစ်သစ်ကူးနေ့ ကို ဇန်န၀ါရီ(၁)ရက်နေ့အား အများက လက်ခံ အတည်ပြု လာခဲ့ကြသည်။

ခရစ်ယာန် ဘာသာဝင်နိုင်ငံ အများအပြားသည် ဇန်န၀ါရီ(၁)ရက်နေ့ ကို နှစ်သစ်ကူးနေ့ အဖြစ် သတ်မှတ် ကြခြင်းမှာ အဆင့်ဆင့် ပြောင်းလဲခဲ့ကြသော ပြက္ခဒိန်ကြောင့် ဟု စာပေများတွင် ရေးသား လာကြသည်။ ပြက္ခဒိန် ဆိုသည်မှာ နေ့များ၊ ရက်သတ္တပတ်များ၊ လများစုပေါင်း ထားခြင်းကို ဆိုလိုကြသည်။ ယနေ့သုံးစွဲ နေကြသည့် ပြက္ခဒိန်အရ တနှစ်တွင် ၃၆၅ရက် (သို့) ရက်သတ္တပတ် ၅၂ပတ် (သို့) လ၁၂လ ဟု သတ်မှတ်ကြသည်။ သို့ရာတွင် ၄နှစ်တကြိမ် ၁ရက်တိုးသဖြင့် ၃၆၆ရက် ဟု သတ်မှတ်ကြသည်။ အများ လက်ခံသည့် ပြက္ခဒိန်တခု ဖြစ်မြောက်အောင် လုပ်ရသည့် ကိစ္စမှာ လွယ်ကူသည့်ကိစ္စမဟုတ်ပေ။ နေ့ တနေ့ သတ်မှတ်သည့် ကိစ္စမှာ လွယ်ကူသော်လည်း နှစ်တနှစ် သတ်မှတ်ရသည့် ကိစ္စမှာ မလွယ်ကူပေ။ ဤတွင် ပြက္ခဒိန် အကြောင်း အနည်းငယ် သိရန် လိုပေမည်။ လွန်ခဲ့သည့် နှစ်ပေါင်း ၆၀၀၀ ကျော်ကျော်က အီဂျစ် နိုင်ငံတွင် ပထမဆုံး ပြက္ခဒိန်ကို အသုံးပြု ခဲ့ကြသည်။ အီဂျစ် ဘုန်းတော်ကြီးများသည် ရက်၊လ၊နှစ် တို့ကို တိတိကျကျ သိရှိရန် လုပ်ကိုင် ခဲ့ကြသော်လည်း ထိုစဉ်က နှစ်သစ်ကူးနေ့ကို မသတ်မှတ် နိုင်ခဲ့ကြပေ။ ဤပြက္ခဒိန်ကို တချို့  ယနေ့တိုင် သုံးစွဲ နေကြဆဲဖြစ်သည်။

နှစ်ထောင်ပေါင်း များစွာ ကြာပြီးနောက် ခရစ်တော် မွေးဖွားသည့် နှစ်၏ နောက်ပိုင်းနှစ်များ ဟူ၍၄င်း၊ ရှေ့ပိုင်းနှစ် များဟူ၍၄င်း သတ်မှတ် လာခဲ့ကြသည်။ ခရစ်မမွေးခင် နှစ်များကို ဘီစီဟု၊ ခရစ် မွေးဖွားပြီးနှစ်များကိုအေဒီ ဟုခေါ်ဆိုသည်။ ၁၆ ရာစုတွင် ရိုမန်ကက်သလစ်ဘုရားကျောင်းတွင် ၁၃ ယောက်မြောက် ပုပ်ရဟန်းမင်းကြီး ဂရီဂိုရီသည် တိကျ မှန်ကန်သည့် ပြက္ခဒိန်တခုကို သတ်မှတ်ခဲ့ရာ ထိုပြက္ခဒိန်ကို ဂရီဂိုရီယန် ပြက္ခဒိန် ဟုခေါ်ဆို ခဲ့ကြသည်။

သို့ရာတွင် ပရိုတက်စတင့် ဘာသာဝင်များက အထက်ပါ ပြက္ခဒိန်ကို လက်မခံကြချေ။ မည်သို့ပင် ဖြစ်စေ နိုင်ငံတိုင်း တွင် အသုံးပြုလျက် ရှိသော ယနေ့ကာလ ပြက္ခဒိန်မှာ ဂရီဂိုရီယန် ပြက္ခဒိန် ဖြစ်လာခဲ့သဖြင့် နောက်ထပ် အသစ် ပြောင်းလဲ လာစရာ အကြောင်းမရှိတော့ချေ။ ထို့ကြောင့် တနှစ်တွင် ၁၂လရှိရာ ပထမ ဆုံး လဟု သတ်မှတ်ခဲ့သော ဇန်န၀ါရီလ (၁)ရက်နေ့ သည် နှစ်သစ်ကူးနေ့ တနေ့ဖြစ်လာကြောင်း သမိုင်းက သက်သေ ထူခဲ့ပြီ။ ဘာသာရေး အရ နှစ်သစ်ကူးနေ့များ ကွဲပြားမှုများ ရှိကြသော်လည်း နိုင်ငံ အများစု လက်ခံလျက် ရှိနေသည်မှာ………………………

ဇန်န၀ါရီလ(၁)ရက် နေ့ သည် နှစ်သစ်ကူးနေ့ ။ ။

Ref: http://en.wikipedia.org မှ ဘာသာပြန်ဆိုထားသည်။

ရေပူစမ်းသို့…

တက်ခဲ့ကြတဲ့ကျောက်တောင်ကြီး

ရေပူစမ်း(ကြက်ဥ၊ ငုံးဥပြုတ်လို့ရတဲ့နေရာလေး)

အလုပ်ပိတ်ရက်မှာ မိတ်ဆွေတွေနဲ့ (မယ်ကစာ)ရေပူစမ်းကို သွားဖြစ်ခဲ့တယ်။ ကျမတို့လည်း ရေပူစမ်း သွားချင်တာရယ် ကျောက်တောင်ကြီးပေါ် တက်ပြီး ဂူထဲ ၀င်ကြည့်ချင်တာရယ်ကြောင့်ပါ။ ရေပူစမ်းရဲ့ ဘေးနားမှာ ကျောက်တောင်ကြီး ရှိတယ်လေ။ အဲဒီကျောက်တောင်ပေါ် အဆုံးအထိ တက်သွားပြီးရင် ဂူပေါက်ကြီး ရှိတယ်။ ကျောက်တောင်ပေါ် အထိကိုပဲ တော်တော် တက်ကြရတယ်။ ကျမတို့လည်း ရေပူစမ်းမှာ ခနပဲနေပြီး ကျောက်တောင်ပေါ် ကိုတက်ခဲ့ကြတယ်။ နားနားပြီး တက်ရတာပေါ့။ ကျမတို့ တလမ်းလုံး စကားတွေ ပြောကြ၊ နောက်ပြောင် ကြနဲ့ပဲ တက်ခဲ့ကြတယ်။ လမ်းပြဌားထားတော့ လမ်းပြကပဲ နားကြပါ… အေးအေးဆေးဆေး တက်ပါတဲ့…….ကျမတို့ထဲက မိတ်ဆွေက လမ်းပြစိတ်ညစ်ပြီး ပြန်သွားရင် ဘယ်လို လုပ်မလဲတဲ့။ (နားကြတာ များနေလို့လေ………) မထင်လိုက်ပါနဲ့ သူပါရောပြီး ပျော်သွား လိမ့်မယ်လို့။ တောင်ပေါ်ကိုတက် နေရတာ ကလည်း ကျိုက်ထီးရိုးကို တက်နေ ရသလိုပဲလေ… (ကျိုက်ထီးရိုးအလွမ်းပြေပါပဲ)။ မောမောနဲ့ပဲတက် လိုက်ကြတာ အပေါ်ဆုံးကို ရောက်သွားပါတယ်။ အဲဒီမှာ ဂူပေါက်ဝက ဆီးကြိုနေတာပေါ့။ ဂူပေါက်ဝမှာ ခန အမော ဖြေကြပြီး လမ်းပြက ဂူထဲကို ၀င်ကြမယ်တဲ့… အဲဒီ ဂူပေါက်ထဲကို ၀င်သွားပြီးတော့မှ တောင်ရဲ့အောက်ဆုံး ထိ တဆင့်ပြီးတဆင့် ဆင်းသွားရတယ်။ တဆင့်ဆင်း သွားလိုက် ဂူဝအကျယ်ကြီး တွေ့လိုက်၊ နောက်တဆင့် ဆင်းသွားလိုက် ဂူပေါက်အကျယ်ကြီး တွေ့လိုက်နဲ့ အဆင့်အားလုံး ၉ဆင့်ကို ဆင်းသွားခဲ့ရတယ်။ အံ့သြစရာ ကောင်းတဲ့ သဘာဝ ကျောက်ဆောင်ကြီး တွေနဲ့ တလက်လက် ဖြစ်နေတဲ့ ကျောက်ဆွယ်တွေ ကျောက်စက်ရည် တွေနဲ့ တချို့ဂူပေါက်ဝ ကျတော့ တိမ်တိုက်တွေလို အဆုတ်လိုက် အဆုတ်လိုက်ကြီးတွေပေါ့။ တချို့ဂူပေါက် တွေမှာတော့ မီးလုံးတွေ ရှိတယ်… လမ်းပြဌားပြီး သွားခဲ့အတွက်တော့ သေသေချာချာ ကြည့်ခဲ့ရတယ်။ ဆင်းရတဲ့ လမ်းတွေက ချောပြီး တယောက်လက် တယောက်ကိုင်ပြီး ဆင်းရတယ်။

အောက်ဘက်ကိုထိုးကျနေတဲ့ကျောက်ဆွယ် ဂူထဲကကျောက်ဆွယ်ကြီး

ဂူဝတခုထဲကတလက်လက်ကျောက်ဆွယ်

ဂူနံရံတွေပေါ့

ပြီးတော့လည်း လမ်းတွေက တော်တော် ကြမ်းတယ်။ လမ်းပြက တဆင့်ပြီးတဆင့် ရောက်တိုင်း ဒါကတော့ ပထမဆင့်၊ ဒါကတော့ ဒုတိယအဆင့်နဲ့…….ပြောသွား လိုက်တာ ကျမတို့မှာ တဆင့်ပြီးတိုင်း တဆင့်ပြီးတိုင်း ရောက်တော့ မှာပါလား ဆိုပြီး ၀မ်းသာ နေလိုက်ကြတာများ… လမ်းခရီးကကြမ်း၊ မှောင်ကလည်း မှောင်နဲ့ ဓါတ်ပုံတွေ ကလည်း ရိုက်လိုက်နဲ့ စိတ်ရှည်တဲ့ လမ်းပြမို့လို့သာပဲ။ ကျမတို့လည်း ဒီလို နေရာမျိုးကို တခါမှ မရောက်ဖူးတော့ ပျော်လိုက်တာများ. လမ်းခရီး ကြမ်းတာတောင် ဘာမှ မဖြစ်သလိုမျိုး…. လမ်းပြ ကလည်း ကျမ တို့ကို ကြည့်ပြီးပြုံးလို့.. သူပါရောပြီး ပျော်နေတာ လို့ထင်ရတယ်… ဟိုးအောက်ဆုံး အဆင့်ရောက်တဲ့ အခါမှာတော့ ရေတွေနဲ့ ပြည့်နေတဲ့ အိုင်ကြီးပေါ့။ အဲဒီ ရေထဲမှာ အသည်းပုံ ရေအိုင်လေး တခုလည်းရှိတယ်။

ဂူရဲ့အောက်ဆုံးအဆင့်ကရေအိုင်မှာဒီလို အသည်းပုံ ရေအိုင်လေးရှိတယ်

ကျမတို့လည်း ရေထဲကို ဆင်းကြတာပေါ့… အဲဒီရေအိုင်မှာ ခနနေပြီးတော့မှ ပြန်တက် လာခဲ့ကြတယ်။ အတက် ခရီး မှာတော့ အဆင်းတုန်းကထက် ပိုမြန် နေတယ်လေ… သဘာဝကြီးရဲ့ ဆန်းကျယ်မှု ကိုတော့ အံ့အား သင့်မိတယ်။

တောင်အောက် ပြန်ဆင်းတော့ အတက် တုန်းကလို မမောတော့ပါဘူး။ ဆင်းတာများ မြန်လိုက်ကြတာ…. တချို့ကလည်း ရေပူကန်မှာ ရေကူးဖို့တာ ဆူနေလေရဲ့…. ကျမတို့လည်း ရေပူစမ်းပြန်ရောက်ပြီး မောမောနဲ့ နားနေ လိုက်တယ်… ရေလည်း မကူး နိုင်တော့ပါဘူး။ သူတို့တွေ ကူးကြတာကိုပဲ ကြည့်ပြီး နေလိုက်တော့တယ်။ ပြီးတော့မှ ကျမတို့လည်း ပြန်လာခဲ့ကြတယ်... အပြန် လမ်းခရီးမှာတော့ အသွားနဲ့မတူ အတွေးပေါင်း များစွာနဲ့ပေါ့... ရေပူစမ်း ကတော့ ဝေး၍..........ဝေး၍.................
(ပျော်ရွှင်စရာကောင်းတဲ့ နေ့ရက်လေးတခုဖြစ်ခဲ့ပါတယ်)

ခရစ်စမတ်အမှတ်တရ

မနက်ဖန်ကျရောက်မဲ့ `ခရစ်စမတ်´နေ့ကို ငယ်ငယ်ထဲကရင်းနှီးပြီးသားဖြစ်နေမဲ့ `Jingle Bell´ တေးနဲ့ဂုဏ်ပြုလိုက်ပါတယ်....ပျော်ရွှင်ချမ်းမြေကြပါစေလို့..... ရင်ခုန်စရာကောင်းမဲ့ ` Happy Holiday´ ဖြစ်ကြပါစေလို့....

Jingle Bell

Dashing through the snow
In a one-horse open sleigh
Through the fields we go
Laughing all the way.
Bells on bob-tail ring
Making spirits bright
What fun it is to ride and sing
A sleighing song tonight.

Jingle bells, jingle bells
Jingle all the way,
Oh what fun it is to ride
In a one-horse open sleigh, O
Jingle bells, jingle bells
Jingle all the way,
Oh what fun it is to ride
In a one-horse open sleigh.

A day or two ago
I thought I'd take a ride
And soon Miss Fanny Bright
Was seated by my side;
The horse was lean and lank
Misfortune seemed his lot,
We ran into a drifted bank
And there we got upsot.

A day or two ago
The story I must tell
I went out on the snow
And on my back I fell;
A gent was riding by
In a one-horse open sleigh
He laughed at me as
I there sprawling laid
But quickly drove away.

Now the ground is white,
Go it while you're young,
Take the girls along
And sing this sleighing song.
Just bet a bob-tailed bay,
Two-forty as his speed,
Hitch him to an open sleigh
and crack! You'll take the lead.

ကျမနဲ့ကြောက်စိတ်

အခုလို ဆောင်းတွင်းမှာ ဆိုရင် ရန်ကုန်မြို့ သုဝဏ္ဏအားကစားကွင်း မှာ မနက် စောစော လူကြီး၊ လူငယ် လမ်းလျှောက်တဲ့သူ၊ ပြေးတဲ့သူ၊ လေ့ကျင့်ခန်း လုပ်တဲ့သူ တွေနဲ့ ပြည့်နေကြပြီ။ လူငယ်တွေ ကတော့ အများအားဖြင့် ကျန်းမာရေး လေ့ကျင့်ခန်း လုပ်တာထက် ဗရုတ်ကျချင်လို့ ဆိုရင် ပိုမှန်ပါတယ်။
အဲဒီအခါ ကျန်းမာရေး အတွက် အမြဲတမ်း လမ်လျှောက် နေကြ လူကြီးတွေ အတွက်တော့ စိတ် အနှောက်အယှက် ဖြစ်ကြ ရတာပေါ့။ လူကြီးတွေက ကစားကွင်းကို ၃ပတ်၊ ၄ပတ် လျှောက်ကြပြီး သွေးပူ လေ့ကျင့်ခန်း လုပ်ကြပြီးမှ ပြန်ကြ ပါတယ်။ တချို့ လူငယ်တွေ ကျတော့ လည်း ကြက်တောင်ရိုက်၊ ဘောလုံးကန် ကြတယ်။

ကျမတို့ ညီအမ လည်း တခါတလေ စိတ်ပါလက်ပါ ထပြီး လျှောက်ကြပါတယ်။ တခါတလေ တော့လည်း ချမ်းချမ်းနဲ့ အစောကြီး မထချင်ပါဘူး။ အဲဒီအခါ လည်း ဖေကြီးက လေ့ကျင့်ခန်း လုပ်ဖို့ နှိုးတာနဲ့ပဲ ထကြရပါတယ်။ ကစားကွင်း ထဲမှာ ခရေပင်တွေ လည်းရှိတော့ ခရေပန်း လုကောက်ကြပြီး အိမ်ရောက်ရင် ဘုရားကို ကပ်ရတာ ကလည်း ပီတိဖြစ်စရာ ပါ။
ကျမတို့ ညီအမ နှစ်ယောက် ဟာ စက်ဘီးလည်း မစီးရဲ၊ မစီးတတ်ကြပါဘူး။ ဖေကြီးက စက်ဘီးစီး တတ်အောင် သင်ရမယ် ဆိုတော့ တော်တော် စဉ်းစားခဲ့ ရပါတယ်။ ဗန္ဓုလသွေး အပြည့် ပါတယ်လေ (ကြောက်စိတ် ကများနေလို့) ....။ ဒီလောက် စီးတတ်စေချင်တာ သင်ကြည့်မယ် ဆိုပြီးပြောတော့ မောင်လေး တယောက်က စသင်ပေး ပါတယ်။ ပထမ ရက်တော့ လက်ကိုင်ရော၊ နောက်ကနေပါ ကိုင်ပေးတော့ ဟန်ကျပန်ကျ စီးနေလိုက်တာ အဆင်ပြေ သွားပါတယ်။ နောက်နေ့ကျတော့ လက်ကိုင်ကို မကိုင်ပေးတော့ ဘူးတဲ့။ နောက်ကနေပဲ ထိန်းပေးတော့မယ်တဲ့။ တော်တော် ရနေပါပြီတဲ့... ပြောတော့ သဘောတွေကျ လို့ပေါ့....။ သူက အနောက်က ထိန်းပေးမှန်း သိတော့ ကြောက်စိတ် မရှိပဲ စီးနေလိုက်တာ လှည့်ကြည့် လိုက်တော့ သူက မရှိတော့ဘူး။

ကိုင်ပေးတဲ့သူ မရှိမှန်းလည်း သိရော ယိုင်ထိုးထိုးနဲ့ နင်းသွားလိုက်တာ `ပုဏ္ဍရိတ်´ ပန်းပင်ခြံဘောင်ရိုး ထဲကို အရှိန် မထိန်းနိုင်ပဲ ထိုးဝင် သွားတော့တယ်။ သင်ပေးတဲ့ သူကတော့ ဟိုးအဝေးကြီး ကနေကြည့်ပြီး ရယ်နေပါတယ်။ အဲဒီ နေ့ကလည်း သင်ပေးတဲ့ မောင်လေးက သူ့ရဲ့မျက်မှန်ကို ပေးထားလို့ ကိုယ့်ရင်ဘတ်မှာ ချိတ်ထားလိုက်တာ... စက်ဘီးရော၊ လူရော မှောက်ပြီး ကျမ မထနိုင်တော့ ပါဘူး။ ကြည့်လိုက်တော့ မျက်မှန်လေး ကလည်း အစိပ်စိပ် အမွှာမွှာ.... ကျမမှာ နာလည်းနာ၊ လူတွေကလည်း ပြုံးစိစိ နဲ့ကြည့်နေတော့ ကြောက်စိတ်ရော၊ ရှက်တဲ့စိတ်ပါ ရောထွေးပြီး နေပါတယ်။ ကျမမှာ သူများ တကာတွေ အလွယ်တကူ စီးနိုင်တဲ့ အလုပ်ကို ကျမ ကြောက်စိတ် ကြောင့် မစီးတတ်ခဲ့ ပါဘူး။ တခါတရံ မှာ လူတွေဟာ ကြောက်စိတ်နဲ့ ကင်းအောင် နေထိုင် တတ်ရင်လည်း ကောင်းပါတယ်။ ကြောက်စိတ် ရှိတိုင်း အရာရာ မအောင်မြင် တော့ပါဘူး။ (ကျမအတွေ့အကြုံအရပေါ့) ... ကြောက်စိတ်ကြောင့် တချို့နေရာ တွေမှာ အဟန့်အတား ဖြစ်နိုင်လာ ပါတယ်။

ကျမ တူမလေး ကိုတော့ ကျမနဲ့ မတူအောင် ငယ်ငယ်လေး ထဲက စက်ဘီးကို စီးတတ်အောင် သင်ပေးခဲ့တယ်။ စစီးခါစတော့ နောက်ဘီး ဘေးနှစ်ဘက်မှာ ခွပြီးဘီးနှစ်ဘီး တပ်ပေးထား ပါတယ်။ တဖြည်းဖြည်းနဲ့ စီးတတ် လာတော့ နောက်က ဘီးနှစ်ဘီး ကိုဖြုတ်ပေးလိုက် တော့လည်း စီးတာများ ကျွမ်းကျင်လို့။ သိပ်မကြာ လိုက်ပါဘူး... လူကြီး စက်ဘီး အကြီးရပ်ထားတာ ကို သူ့ဟာသူ ယူစီးတာ အဆင်ပြေ ချောမွေ့လို့... ကိုယ်က အံ့အားတကြီးနဲ့ သမီးလေး ဘယ်လိုစီးလိုက် တာလဲဆိုတော့ သမီးလည်း ရမလားလို့ တက်စီးကြည့် လိုက်တာ ရသွား တာတဲ့။ ကျမ မစီးတတ်တဲ့ စက်ဘီးကို သူကစီးတတ်လို့ ၀မ်းသာ နေလိုက်တာများ...။ တကယ်တော့ သူ့မှာ ကြောက်စိတ် မရှိလို့ပါ။ ကြောက်စိတ် မရှိတော့ အဟန့်အတား မဖြစ်ဘူးဆိုတာပါ။ ဒါနဲ့ ကျမလည်း ကိုယ့်ကိုကိုယ် အားပြန်တင်းပြီး ဘယ်လို လုပ်ရပါ့ မလဲပေါ့...

တစုံတခု ကို ကြောက်စိတ် ၀င်သွားရင် အဲဒီ တစုံတခုရဲ့  သားကောင် ဖြစ်သွားကြ ရတာ ပါပဲ.......

ကျမလည်း သားကောင် မဖြစ်အောင်တော့ ကြောက်စိတ် ကို ဖယ်ဖို့ ကြိုးစား ရတော့မယ်..........

လွမ်းနေတယ်…….

အခုလို နေမကောင်းတဲ့ အချိန် မှာ အမေ့ကို ပိုလွမ်းတယ်။ စားချင်တာ တွေ ချက်ပေးတယ်။ ဘေးနား ကနေ အကုန်လုံး လုပ်ပေး နေတော့တာပဲ။ ဖေကြီး ကတော့ ဒိုင်ခံပြီး ဆေးတိုက် တာလေ။ ဘယ်နား ညောင်းလဲနဲ့ နှိပ်ပေး နေတော့တာ။ မိဘ ဆိုတော့ အားနာစရာ မလိုရဘူး ပေါ့။ ဒီနေ့တော့ တယောက်တည်း နေမကောင်း ရင်းနဲ့… စိတ်ကတော့ လူနဲ့ တခြားစီ ပါလားလို့….

စိတ်က ဖေကြီးတို့ မေကြီးတို့ ဆီ ရောက်သွားလိုက်၊ အလုပ်ထဲ စိတ်ရောက်သွားလိုက် နဲ့ ဂဏှာ မငြိမ်ပါလား…ဘယ်လို လုပ်ရပါ့ မလဲလို့ တယောက်တည်း စဉ်းစားရင်း ဆေးသောက် ရအုံးမယ် ဆိုတော့ အစားလေး တော့ စားအုံးမှ ဆိုပြီး ခေါက်ဆွဲပြုတ် ထပြုတ်ပြီး စားလိုက်တယ်။ ပြီးတော့ ဆေးသောက်ပြီး ပြန်လှဲ နေလိုက်တယ်။ ခေါင်းက ဘယ်လိုမှ မထူနိုင်ဘူး ဖြစ်နေတယ်။ လူကသာ လှဲနေတာ…

စိတ်ကတော့ လျှောက်ပြေး နေလိုက်တာ … မိုင်ပေါင်း ကုဋေကုဋာ ဆိုတာ လိုပေါ့…. မေကြီးရှိရင် ဒီအချိန်ဆို ဘာလုပ် ပေးနေမလဲ နဲ့လည်း တွေးနေ သေးတယ်။ မိတ်ဆွေ တယောက်က လှမ်းပြောတယ်။ ဝေဒနာ ခံစားနေရတဲ့ အချိန်မှာ တရား ကိုရှုပါတဲ့။ ဝေဒနာ ကို ရှုပါတဲ့.....။ အဲဒီ အချိန်မှာ ဘာဝေဒနာမှ မရှုနိုင်ပဲ စိတ်တွေက ပြေးနေလို့ မနည်း လိုက်ဖမ်း နေရတယ်လေ။ တကယ့် တကယ် ဖြစ်လာတော့ ဘာဝေဒနာမှ မရှုနိုင် ပါလားလို့.....။ ဒါကြောင့် နေကောင်းတဲ့ အချိန်မှာ (လုပ်နိုင်တဲ့အချိန်) မှာ ဘုရား တရား ပိုလုပ်ပါလို့ ပြောကြတာ ကိုး ...။ နေမကောင်းတဲ့အချိန် ဘာမှမလုပ်နိုင်တော့ လို့လေ။

အင်း...... ဘာရယ်လို့ မဟုတ်ပါဘူး။ နေမကောင်းတုန်း လွမ်းနေရတာလေး ချရေး မိတာပါ...။

(ဟိုနေ့က နေမကောင်းတုန်းက ခံစားချက်လေး ပါ...)

၈၈မျိုးဆက်ကျောင်းသားခေါင်းဆောင် `ကိုကိုကြီး´ ရဲ့မွေးနေ့

ဒီဇင်ဘာ (၁၈)ရက် နေ့မှာ ကျရောက် ခဲ့တဲ့ ၈၈မျိုးဆက် ကျောင်းသား ခေါင်းဆောင် `ကိုကိုကြီး´ရဲ့ (၄ဂ)နှစ်မြောက် မွေးနေ့မှာ သူ့ကို ချစ်တဲ့ မိသားစု တွေနဲ့ နိုင်ငံတကာ က ရဲဘော် မိတ်ဆွေတွေ က ဆုမွန်ကောင်း တောင်းလိုက်ပါတယ်။ မွေးနေ့ရှင် ကတော့ မိသားစုတွေနဲ့ ဝေးရာ မိုင်းဆတ်ထောင် မှာ။ တိုင်းပြည် အပေါ်မှာ ကိုယ်ကျိုးစွန့် အနစ်နာ ခံပြီး သက်စွန့်စံဖျား တိုက်ပွဲဝင် နေတာဟာ နောက် မျိုးဆက်သစ် တွေ အနေနဲ့ အတုယူစရာ၊ ဂုဏ်ယူစရာ ဖြစ်ခဲ့ပါတယ်။

ကျောင်းသား ခေါင်းဆောင် `ကိုကိုကြီး´ ရဲ့ `နိုင်ငံရေး အကျဉ်းသား ဆိုတာ ဘာလဲ…ဘယ်သူ တွေလဲ…´နဲ့ အမေနဲ့ ပက်သက်ပြီး ကိုယ်တိုင် ရေးထားတဲ့ ၀တ္ထု`လားရာ´ဆိုတာ ကို ဒီလင့် မှာ ဖတ်ရှုနိုင် ပါတယ်။

(၄၈)နှစ်မြောက် မွေးနေ့မှ စပြီး အကျဉ်းထောင် မှ အမြန်ဆုံး ပြန်လည် လွတ်မြောက်ပြီး စိတ်ချမ်းသာ ကိုယ်ကျန်းမာ နဲ့ တိုင်းပြည် အကျိုးကို စိတ်ထဲမှာ ရှိတဲ့အတိုင်း လုပ်ဆောင် နိုင်ပါစေ။

တောင်းတဲ့ဆုနဲ့ အမြန်ဆုံး ပြည့်ဝ ရပါလို၏..........

အိပ်မက်…..မက်ခဲ့တယ်…..

`ပဲပြုတ်…ပဲပြုတ်…´ဆိုတဲ့ အသံကြောင့် ကျမ လန့်နိုးလာခဲ့တယ်။ ဘေးနားက နာရီ ကိုကြည့်လိုက်တော့ မနက် ၆နာရီ တောင်ထိုးတော့ မှာပဲ။ ဟာ…၇နာရီဆို အတန်းချိန် စတော့မှာ မြန်မြန် ထပြင်ဆင်ပြီး ကျောင်းသွား ရအုံးမယ်။ ညက စာကြည့်တာ အတော် ညဥ့်နက် သွားတာကိုး။ မထချင် ထချင်နဲ့ ထပြီး ရေချိုးပြင်ဆင် ရအုံးမယ်။ ဒီမနက် တော့ မနက်စာ စားဖို့ အချိန် မရတော့ဘူးပဲ။ ဖေကြီးကို မနက်စာ ကျောင်းမှာပဲ စားတော့မယ် ဆိုပြီး ပြောတော့ ဖေကြီးက ဗိုက်ဆာ နေလိမ့်မယ်တဲ့။ နည်းနည်း စားသွား ဆိုတော့ စိတ်ကျေနပ်အောင် နည်းနည်းစား လိုက်ရတယ်။ ပြီးတော့ ကမန်းကတန်း အိမ်က ထွက်လာခဲ့တယ်။ လမ်းရောက်တော့မှ လေအဝေ့တချက် ခပ်ကြမ်းကြမ်း တိုက်လိုက်တဲ့ အခါ စိမ့်ပြီး အေးသွားတယ်။ အဲဒီတော့မှ ကြည့်လိုက်တော့ သြော်…ဒီနေ့ အနွေးထည် ၀တ်မလာမိ ပါလားလို့။

ကားဂိတ်မှာ ကားစောင့်နေရင်း ဟိုကြည့် ဒီကြည့်နဲ့ ကားရောက် လာတော့ ကားပေါ်တက် လိုက်တယ်။ လမ်းတလျှောက်လုံး အအေးဒဏ် ခံစားရင်း စာသင်မဲ့ ဆရာမဆီ ကိုသာ စိတ်က ရောက်နေတယ်။ ၇နာရီ သင်မဲ့ ဆရာမက စာအသင်အပြ အရမ်း ကောင်းတယ်။ စိတ်ကူးရင်းနဲ့ စီးလာလိုက်တာ မြေနီကုန်းကျော် လို့ လှည်းတန်းတောင် ရောက်ခါနီးပြီပဲ။ ကားပေါ်က ဆင်းဖို့ အဆင်သင့် ရပ်နေ လိုက်တယ်။ လှည်းတန်း မှတ်တိုင် ရောက်တော့ ကားပေါ်က ဆင်းပြီး ခပ်သုတ်သုတ် လျှောက်လာရင်း ဒီအချိန်ဆို အတန်းထဲမှာ စာသင်နေလောက် ပြီလို့ တွေးရင်း လျှောက်လာ ခဲ့တယ်။ အတန်းထဲ မသွားခင် စာကြည့်တိုက် ရှေ့မှာ သူငယ်ချင်းတွေ ဆုံနေကြ ဆိုတော့ သူတို့တွေ ငါ့ကို စောင့်နေလောက် ပြီပေါ့။ တမျှော်မျှော်နဲ့ စောင့်နေကြတဲ့ သူတို့က လည်း ကိုယ့်ကို တွေ့တော့ ဘာဖြစ်လို့ နောက်ကျတာ လည်းတဲ့။ ကျမလည်း သူတို့ အမေးကို မဖြေတော့ပဲ လာ…လာ အတန်းထဲ မြန်မြန် သွားကြမယ်ဆိုပြီး ထွက်ခဲ့ကြတယ်။ လမ်းတလမ်းလုံး လည်း ကံ့ကော်ပန်း ရနံတွေ မွှေးပျံ့ နေလိုက်တာ…

အတန်းထဲ ရောက်တော့ ဆရာမက စာသင်နေပါပြီ။ ကျမတို့လည်း ခပ်ရို့ရို့ ၀င်ထိုင်ရင်း စာအုပ် ထုတ်ပြီး မှတ်စုလိုက် ရေးလိုက်တယ်။ ဒီလိုနဲ့ တချိန်ပြီး တချိန် သင်လိုက်တာ နေ့လည် ၁၂နာရီတောင် ထိုးသွားပြီ။ ဗိုက်ထဲ ကလည်း ဆာလိုက်တာ။ ဒီနေ့တော့ ၁နာရီဆို အတန်းချိန် ပြီးပြီ ဆိုတော့ သူငယ်ချင်းတွေ တနေရာရာ သွားဖို့ စိတ်ကူးထား ကြတယ်။ ၁နာရီ ထိုးလို့ စာသင်ချိန်လည်း ပြီးရော သူငယ်ချင်းတွေ ရှစ်မိုင် လမ်းဆုံက (junction 8) ကို သွားခဲ့ကြတယ်။ တလမ်းလုံး စကားတွတ် ထိုးပြီး မတွေ့ရတာ အတော်ကြာ နေကြတဲ့ သူတွေလိုပဲ။ (junction 8) မရောက်ခင် ထမင်းသုပ်ဆိုင် ကောင်းတယ်။ ၀င်စားကြမယ် ဆိုပြီး စားကြတယ်။ ပြီးတော့မှ (junction 8) ကို လာကြပြီး လျှောက်ကြည့်ကြ လိုတာတွေ ၀ယ်ကြတယ်။ (junction 8) ထဲက (J Donut) မှာ အအေးဝင် သောက်လိုက် ကြသေးတယ်။ ပြီး ဘယ်သွားအုံးမလဲ ဆိုတော့ ကျမက စာအုပ်တန်းဘက် ကို သွားချင်တယ် ပြောတော့ အားလုံး ကလည်း တညီတညွတ်တည်း သွားမယ်တဲ့။ အဲဒါနဲ့ (junction 8) ထဲက ပြန်ထွက်လာပြီး ရန်ကုန်မြို့ထဲ ဘက်ကို ကားစီး လာခဲ့ကြတယ်။

စာအုပ်တန်း မှာ တဆိုင်ဝင် တဆိုင်ထွက် နဲ့ စာအုပ်တွေ ကြည့်ရတာ အရမ်း ကောင်းတာပဲ။ နောက်ဆုံး `အမေ့အိမ်´ဆိုင်က ဖတ်ချင်တဲ့ စာအုပ် တချို့  ၀ယ်လာ ခဲ့တယ်။ ပြီးတော့ ဘယ်သွားရင် ကောင်းအုံး မလဲလို့…. တရုတ်တန်း ဘက်ကို သွားကြမယ် ဆိုတော့ အားလုံးက ခေါင်းညိတ် ကြတယ်လေ။ တရုတ်တန်း ဘက်မှာ စားစရာ တွေက အများကြီးလေ။ စာအုပ်တန်း ဘက်က လျှောက်လာရင်း ဆိုင်တန်းတွေ ငေးပြီး လျှောက်လာ လိုက်တာ တရုတ်တန်း ကို ရောက်နေပြီပဲ။ ရောက်တော့ အားလုံး အကြိုက် အရင်ဆုံး ၀က်သား ဒုတ်ထိုး စားကြတယ်။ ဘေးနားမှာ ကြည့်လိုက် တော့ ကော်ပြန့်စိမ်းဆိုင်။ အား… ကော်ပြန့်စိမ်း လည်း စားလိုက် အုံးမယ် ဆိုပြီး စားကြပြန်တယ်။ ပြီးတော့ `ချစ်စရာ´ အအေးဆိုင် ကို လမ်းလျှောက်ကြပြီး ကူလ်ဖီး စားကြတယ်။ သူငယ်ချင်းတွေ ကတော့ ဖါလူဒါ စားတဲ့သူနဲ့ သစ်သီးဖျော်ရည် သောက်တဲ့သူ နဲ့ပေါ့။ ထုံးစံ အတိုင်း သူ့ဟာ ကိုယ်ယူစား ကိုယ့်ဟာ သူယူစားနဲ့ ပျော်စရာ ပေါ့။ အင်း နာရီ ကြည့်လိုက်တော့ ညနေ ၅နာရီ တောင် ထိုးနေပြီပဲ။ ဖေကြီးကို ကြိုပြော ထားရတယ်။ မဟုတ်ရင် ပြန်တာ နောက်ကျလို့ စိတ်ပူ နေအုံးမယ်။ ပြီးတော့မှ လမ်းခွဲပြီး အိမ်ပြန် လာကြတယ်။ ကျန်တဲ့ သူငယ်ချင်းတွေ က လှည်းတန်း နဲ့ အင်းစိန် နဲ့ ကိုးမိုင် နဲ့ပြန်မှာ ဆိုတော့ လမ်းတူကြတယ်။ ကျမ သာ တာမွေဘက် ပြန်မှာ ဆိုတော့ သူတို့နဲ့ မတူ တယောက်တည်း ပြန်လာခဲ့တယ်။

လမ်းတလမ်း လုံးလည်း မနက်ဖန်မှာ လုပ်ရမဲ့ (ပရက်တီကယ်) လက်တွေ့ အကြောင်း စဉ်းစားရင်း အတွေး နယ်ချဲ့  လာခဲ့တာ အိမ်နားကိုတောင် ရောက်ခါနီး လာပြီ။ အင်း… ဒီနေ့တော့ သွားချင်တဲ့ နေရာတွေ သွားလိုက်ရတဲ့ အတွက် စိတ်ချမ်းသာ သွားတယ်။ ဖေကြီးတို့ ကတော့ ထမင်းစားဖို့ စောင့်နေကြမှာ။ အိမ်ရောက်တော့ ဖေကြီးက ပင်ပန်း သွားပြီလားတဲ့။ ပင်ပန်းတာ ပေါ့လို့ ပြန်ပြောတော့ ထမင်းစားကြမယ် တဲ့။ ဆာတော့ မဆာ သေးဘူး။ ဒါပေမဲ့ မစားရင် လည်း စိတ်မကောင်းမှာ စိုးလို့ ၀င်စား လိုက်တယ်။ ထမင်းစားပြီး ခန နားတုန်း ၀ယ်လာတဲ့စာအုပ်တွေ ဖတ်ကြည့်လိုက် အုံးမယ် ဆိုပြီး ဖတ်လိုက်တာ။

တူမလေး က `တီတီကြီး´ သမီး ကျောင်းသွားတော့မယ် `တာ့တာ´ ဆိုတဲ့ အသံကြားမှ ဟင်…. ငါဘယ်ရောက် နေပါလိမ့် လို့ကြည့်လိုက်တော့ …. ကိုယ့်အိမ်၊ ကိုယ့်မြေ မဟုတ်တဲ့ နေရာလေး တခုမှာ အိပ်စက် နေတာပါလား…
အေးစက် နေတဲ့ ပါးပြင်ပေါ် မှာတော့ မျက်ရည်စ တချို့ ……….

ကိုမင်းကိုနိုင်၏ `နောက်ကြည့်မှန်´

ကိုမင်းကိုနိုင် ရဲ့ `နောက်ကြည့်မှန်´၀တ္ထုကို စာရေးသူကို အကြောင်းကြား လို့မရနိုင်ပဲ ကျွန်မ တင်ဖြစ် လိုက်တယ်။ စာရေးသူ ကတော့ ရန်ကုန်မြို့ရဲ့ အလွန် ဝေးကွာ လွန်းတဲ့ အကျဉ်းထောင် မှာ သူ့ရဲ့ဘ၀ ကို ပေးဆပ်ရင်း အကျဉ်းထောင် ခန်းထဲမှာ တယောက်တည်း ဘာတွေများတွေးနေလိမ့်မလဲလို့ စဉ်းစား ကြည့်မိတယ်။ တော်လှန်ရေး လုပ်ရင်း အနုပညာ ၀ါသနာ ပါတဲ့သူ တယောက် အနေနဲ့ ရေးတဲ့ ၀တ္ထု မို့လို့လည်း စိတ်ဝင်စား မိတယ် လို့ပြောရမယ်... ဘယ်လိုပဲ ဖြစ်ဖြစ် ကိုမင်းကိုနိုင် ၀တ္ထုလေး ဖေါ်ပြမိတဲ့ အတွက် ခွင့်ပြုဖို့ ဒီကနေ အထပ်ထပ် တောင်းပန် နေမိတယ်...

ဖတ်တဲ့သူ အားလုံး စာနာ နားလည် နိုင်ပါစေလို့.....
" Rear View Mirror " by Ko Min Ko Naing

ဖြစ်ချင်တိုင်းမဖြစ်ကြရ…..

ယနေ့ မြန်မာပြည်က လူတွေဟာ ကိုယ်ဖြစ်ချင်တာနဲ့ လုပ်နေရတာ နဲ့ တထပ်တည်း ကျဖို့ ခက်ခဲ ပါတယ်။ ဘာကြောင့်လဲ ဆိုတော့ စနစ် ကြောင့်ပါပဲ။ ကွန်ပြူတာ နဲ့ ဘွဲ့ရတဲ့ သူတွေက လည်း စာရင်းကိုင် လုပ်လိုလုပ်၊ သချာင်္နဲ့ ဘွဲ့ရတဲ့ သူတွေက လည်း ကွန်ပြူတာ နဲ့လုပ်လို လုပ်နဲ့ တခြားစီ ဖြစ်နေကြ တယ်နော်။


ယနေ့ ဘွဲ့ရ လူငယ် တွေကလည်း နိုင်ငံခြား ထွက်ပြီး အလုပ်လုပ် နေတဲ့ အခြေအနေ ရောက်နေ ကြရတာကိုး။ အဲဒီတော့ ရတဲ့ ဘွဲ့နဲ့ လုပ်ရတဲ့ အလုပ်နဲ့ မတူနိုင် တော့ဘူးလေ။ သူငယ်ချင်းထဲက တယောက်က ဓါတုဗေဒ (ဂုဏ်ထူးတန်း) နဲ့ ဘွဲ့ရပြီး ခေါင်းလျှော်တဲ့ ဆိုင်ဖွင့်ပြီး ခေါင်းလျှော် နေရတယ်။ ဒါဟာ ဘယ်လိုမှ မအပ်ဆက် ပါဘူး။ ဒါပေမဲ့ လည်း လတ်တလော စီးပွားရေး အရ လုပ်နေရ တာပဲလေ။ ၀ါသနာ ပါချင် မှလည်း ပါနိုင်တယ်။


အမှန်မှာ တော့ ဓါတုဗေဒ နဲ့ ဘွဲ့ရတဲ့ သူတယောက် ဟာ သူနဲ့ သက်ဆိုင်တဲ့ ရေသန့် တို့လို… စက်ရုံမှာလို… သုတေသန တွေမှာ ဓါတ်ခွဲခန်း တွေမှာလို… ရှိသင့်တာပေါ့။ ကိုယ့်ရဲ့ ပညာနဲ့ ကိုယ်လုပ်နေရတဲ့ အလုပ် တခြားစီ ပါလားလို့ တွေးမိလိုက် တဲ့အခါ… အရာ အားလုံးကို လိုက်လျော ညီထွေအောင် လုပ်နေရတဲ့ အခါ တွေမှာ တိုးတက်မှု မရှိနိုင်ဘူး လို့ ထင်တယ်လေ။ ကိုယ်လည်းပဲ ဒီလိုပဲ ၀ါသနာ ပါတာနဲ့ ရတဲ့ ဘွဲ့နဲ့ လုပ်ရတဲ့ အလုပ်နဲ့ တခြားစီ ပါပဲ။


ဒါပေမဲ့ ရတဲ့ ဘွဲ့နဲ့လည်း နောင်တချိန် အကျိုးပြုနိုင် အောင် အခု လုပ်နေရတဲ့ အလုပ် နဲ့လည်း အဆင်ပြေ အောင် နေရတာ ပါပဲ။ သူငယ်ချင်း အများစု ကတော့ တက္ကသိုလ် ဆရာမ အဖြစ် ရပ်တည်ကျတော့ သူတို့ ကတော့ လိုက်လျော ညီထွေ ရှိတာပေါ့။ သူဌေး မဖြစ်ပေမဲ့ ကိုယ်ရတဲ့ ဘွဲ့နဲ့စာပြန်သင် ရတော့ အကျိုးရှိ တာပေါ့။ အများကြီး လည်း တိုးတက် နိုင်တယ်လေ။


ဆယ်တန်း အောင်ပြီးရင် ဘာ ဆက်တက်မလဲ…….ဘွဲ့ရပြီး ဘာလုပ်မလဲ လို့ စဉ်းစားကြတယ်….. အဲဒီတော့ မိဘ တွေက လည်း ဆေးလိုင်း၊ အင်ဂျင်နီယာလိုင်း ၀င်စေချင် ကြတယ်။ ဒါတွေနဲ့ ဘွဲ့ရပြီးရင် အဆင်ပြေနိုင် တယ်လေ။ အဲဒီတော့ ၀ါသနာ မပါနဲ့ပဲလည်း မိဘတွေက ဆရာဝန်လိုင်း တက်စေချင်ကြလို့ တက်ခဲ့ကြရ… တက်နေကြရတဲ့ သူတွေလည်း အများကြီးရှိတယ်။ ၀ါသနာ မပါပဲ တက်ကြရတော့ လည်း ထူးချွန်သင့် သလောက် မထူးချွန်နိုင် ကြဘူးလို့ ထင်တယ်။ တချို့ ကျတော့ လည်း ဘွဲ့ရရင်ပြီးရော တက်လိုက်တာပဲ။


ပြီးမှ ကြုံတဲ့ အလုပ် ၀င်လုပ် ကြတယ်။ ဘာတွေများ လာသလဲ ဆိုတော့ ပုဂ္ဂလိက သင်တန်းတွေ အများကြီး ဖွင့်လာ ကြတယ်။ ဒါကလည်း အများစု ကတော့ ပိုက်ဆံရှိ သားသမီးတွေပဲ တက်နိုင်တဲ့ သင်တန်း တွေလေ။ အဲဒီအခါ ပိုက်ဆံ ရှိတဲ့ သူတွေ ကိုတော့ အဲဒီ သင်တန်း တွေမှာပဲ အများဆုံး တွေ့ရတတ်တယ်။ ပြီးတော့ နိုင်ငံခြား စာမေးပွဲတွေဖြေ၊ နိုင်ငံခြားမှာ ပညာတွေ သင်လို့ အလားအလာ ကောင်းသွား တာပေါ့။ တစတစ ကိုယ့်နိုင်ငံရဲ့ အပြင်ဘက် ကို ရောက်သွားရ တာပဲလေ။


ဖြစ်ချင်တာ မဖြစ်ကြရတဲ့ အခြေအနေမှာ လုပ်နေကြရတဲ့ အလုပ်ကိုပဲ အစွမ်းကုန် ကြိုးစားပြီး နေသွားမယ် ဆိုရင် ပျော်ရွှင်မှု၊ စိတ်ချမ်းသာမှု ကိုတော့ မလွဲမသွေ ရနေမှာပါ။

စိတ်ဆိုတဲ့စိတ်

လူတွေရဲ့ စိတ်ဟာ နေရာ ဒေသ၊ အချိန် အခါ၊ အသက် အရွယ်၊ ပတ်ဝန်းကျင် ကိုလိုက်ပြီး ပြောင်းလဲ သွားတယ်လို့ ထင်တယ်။ ဒါကလည်း လူတိုင်း အတွက်တော့ ဖြစ်ချင်မှ ဖြစ်မယ်။ တချို့လည်း ဖြစ်ကောင်း ဖြစ်နိုင်တယ်။ ဒါတွေကို ကြည့်ပြီး ကိုယ်က ဘယ်လို နေထိုင်ရမလဲ ဆိုတဲ့ အသိစိတ် ကလေးတော့ ရသွား ပါတယ်။ နေရာ ဒေသ ကို လိုက်ပြီး ပြောင်းလဲတယ် ဆိုတာ ကတော့ အပြည့်အ၀ မမှန်ဘူးလို့ ထင်တယ်။

စကားပုံ ကလည်း `ရောမကို ရောက်ရင် ရောမလိုကျင့်´ ဆိုတာ ကလည်း ရှိသေးတယ်။ ပတ်ဝန်းကျင် ကိုလိုက်ပြီး ပြောင်းတယ် ဆိုတာ ကလည်း ဖြစ်နိုင် ပါတယ်။ ဒါပေမဲ့ တသားတည်း ဖြစ်သွားလောက် အောင် ဘယ်လို အရာ တွေကများ ဖြစ်သွား တာလဲ။ `သဲကုန်းဆရာတော် အသျှင် ဥာဏိဿရ´ ဟောဖူးတယ်။ ကိုယ့်နိုင်ငံရဲ့ တန်ဖိုးရှိတဲ့ ပတ္တမြား ဟာ ဘယ်နိုင်ငံ ကို ရောက်ရောက် အရောင် မပြောင်းသွား သလိုပဲ လူတွေလည်း ဘယ်နိုင်ငံပဲ ရောက်ရောက် အရောင် မပြောင်းသင့် ဘူးတဲ့။ စိတ် ဆိုတာကလည်း ပြောင်းလဲတဲ့ သဘော ရှိလေတော့ အတိအကျ ပြောဖို့တော့ ခက်ပါလိမ့်မယ်။

တချို့ ကျတော့ လည်း စိတ်က အမြဲပြောင်းလဲ နေတယ်။ အခု ကောင်းလိုက်၊ အခု မကောင်းလိုက်နဲ့၊ အဲဒါမျိုး ကျတော့ ဆက်ဆံရ ခက်တယ် နော်။ သူက စိတ်ကောင်းဝင် နေတာလား၊ စိတ်မကောင်းတာလား ဆိုတာ သိမှ မသိနိုင်ပဲ။ ကိုယ်ကိုယ်တိုင် ကတော့ ပြောင်းလဲ နေတာ သတိ ထားမိချင်မှ ထားမိမယ်။ ကျွန်မ ရှေ့မှာ စိတ်ကောင်းလိုက်၊ တော်ကြာ တမျိုးဖြစ်ပြီး စိတ်မကောင်းလိုက် လူမျိုး တွေ့ခဲ့ဖူးတယ်။ စိတ်ကောင်း ၀င်တုန်းတော့ အရမ်း ကောင်းတာပဲ။ တော်ကြာ သူ့ဟာနဲ့သူ စိတ်မကောင်းပြီး ဆက်ဆံတာ တမျိုး ဖြစ်နေပြန် တယ်။ အဲလို လူမျိုးရဲ့ စိတ်ကို လည်း နားလည်နိုင်အောင် ကြိုးစားခဲ့ ပါတယ်။ တခါတလေ ကျတော့လည်း ကိုယ့် ဘက်ကချည်း တဘက်သတ် နားလည် နေရသလို ဖြစ်နေတယ်။ စိတ်ပြောင်းလာမလား စိတ်ပြောင်းလာ မလား နဲ့စောင့်နေရင်း မပြောင်းလဲတဲ့ သူတွေလည်း ရှိတယ်။

စိတ်ကိုဖြူစင်အောင် ထားတတ်ခြင်းဟာ တပါးသူရဲ့ စိတ်ကိုလည်း ပြောင်းလဲ သွားစေ နိုင်တယ်လို့ ကျွန်မ ထင်တယ်။ တချို့ ကျတော့ လည်း ကိုယ့်ဘက်က ရမယ်ဆိုရင် ဘယ်လို လူမျိုးကို မဆို အောက်ကျို့ခံပြီး ပေါင်းဖို့ ၀န် မလေးပြန်ဘူး။ ကျွန်မ ကတော့ လူတမျိုး၊ ကျွန်မ စိတ်မပါရင် ဘယ်လို လူမျိုးကိုမဆို ဆက်ဆံဖို့ ခက်တယ်။ ကျွန်မ မျက်နှာမှာ အထင်းသား ပေါ်နေတတ်တယ်။ ကိုယ့်အတွက် ဘာပဲရမယ် ပြောပြော ကျွန်မ စိတ်မ၀င် စားဘူး။ အဲဒါကြောင့်လည်း ကျွန်မမှာ တော်ရုံ အပေါင်းအသင်း မရှိဘူး။ ကျွန်မရဲ့ အပေါင်းအသင်း တွေက ကျွန်မ စိတ်နဲ့ တော်တော်လေး တူတဲ့သူ တွေပါ။ အရေးကြီးတာ ကတော့ ကိုယ့်ကြောင့် သူတပါး စိတ်ကို မထိခိုက် စေဖို့ပါ။ ကျွန်မလည်း ကိုယ့်ကြောင့် သူတပါးရဲ့စိတ် ထိခိုက် နစ်နာမဲ့ အလုပ်မျိုး ဘယ်တော့မှ မလုပ်မိအောင် နေပါတယ်။ ကျွန်မ ကတော့ တပါးသူကြောင့် စိတ် ထိခိုက်စရာ တွေကြုံခဲ့ရဖူးတယ်။ အဲဒီ အခါလည်း နေထိုင်တတ် အောင် ကိုယ့်စိတ်ကို ဆုံးမပြီးနေခဲ့ ရတယ်။ ဘယ်လိုပဲဖြစ်ဖြစ် သူ့ဘက် ကိုယ့်ဘက် ကိုယ်ချင်းစာစိတ် ကလေးထားပြီး အားလုံးကို ဆက်ဆံနိုင် မယ်ဆိုရင် ကမ္ဘာကြီးပေါ်က လူသားတွေ အားလုံး စိတ်ချမ်းသာ ကြမှာပါ။ လူသားတွေ အားလုံး စိတ်ချမ်းသာရင် ကမ္ဘာကြီးလည်း သာယာ လှပနေမှာ မလွဲဧကန် ပါပဲ။

စိတ်ထဲ ပေါ်လာတာလေး ရေးလိုက်တာပါ။ တခါတလေ စိတ်ထဲအခန့်မသင့်တဲ့ အခါပေါ့။

ငယ်ငယ်ကဖတ်ဖူးခဲ့တဲ့ ကောသလမင်းကြီးအိပ်မက်(၁၆)ချက်

ကျွန်မ ငယ်ငယ်က အဖွားက အရုပ်လေးတွေနဲ့ စာအုပ်တအုပ် ကို ဖတ်ဖို့ ပေးပါတယ်။ သမီး ဖတ်ကြည့်တဲ့။ ကြည့်လိုက်တော့ ကောသလမင်းကြီး၏ အိပ်မက် (၁၆)ချက် စာအုပ်လေး ဖြစ်နေတယ်။ အဲဒီတုန်း ကတော့ ဖတ်သာ ဖတ်ကြည့်ခဲ့တယ်။ အခု ကြီးလာမှ ကောသလမင်းကြီး အိပ်မက် တွေက မှန်နေပါလား လို့ သိတော့တယ်။ ကောသလမင်းကြီး ကို မြတ်စွာဘုရားရှင် က အခု အရှင်မင်းကြီး လက်ထက် မှာ ဖြစ်မှာ မဟုတ်ဘူးတဲ့။

မင်းဆိုး မင်းညစ် တွေ လက်ထက်မှာ ဖြစ်မှာတဲ့။ အခု အချိန်မှာ တော့ မှန်နေပါပြီ။ ပညာမတတ်တဲ့ သူတွေကလည်း နေရာတွေရ၊ ရာထူးတွေရနဲ့၊ ပညာတတ်တဲ့ သူတွေကို ပြန်အမိန့်ပေးတဲ့ အခြေအနေကို ရောက်နေရပြီ။ အသက်ကြီးတဲ့ သူတွေကလည်း အသက်ငယ်တဲ့ သူတွေကို ရှိခိုးနေရပြီ။ အခုမှပဲ ငယ်ငယ်တုန်းက ဖတ်ခဲ့တဲ့ ကောသလမင်းကြီး အိပ်မက် က တကယ် ဖြစ်နေပြန် ပါပေါ့ လို့ တွေးမိရင်း သိပြီးသား သူတွေရော မသိသေးတဲ့သူ တွေပါ ဖတ်လို့ရအောင် တင်ပေး လိုက်ပါတယ်။ သိပြီးသား သူတွေ တော့ နားလည်ပေး ပါနော်။

ကောသလမင်းကြီး၏ အိပ်မက် (၁၆) ချက်

မြတ်စွာဘုရားရှင် သက်တော်ထင်ရှားရှိစဉ်အခါက ကောသလမင်းကြီးဟာ ထူးဆန်းတဲ့ အိပ်မက် (၁၆)ခုကို ဆက်တိုက်မြင်မက်သတဲ့။ အဲ့ဒီလို ထူးဆန်းတဲ့အိပ်မက်တွေ မြင်မက်ပြီးတဲ့နောက် ကောသလမင်းကြီး ဟာ အထိတ်တလန့် ရှိတာနဲ့ ဘုရားရှင်ဆီ သွားရောက်ကာ အိပ်မက်တွေရဲ့ အနက် အဓိပ္ပာယ်ကို မေးလျှောက်တဲ့အခါ မြတ်စွာဘုရားရှင်က မင်းကြီးရဲ့အိပ်မက်တွေဟာ နောင်သာသနာတော် မှေးမှိန်ကွယ်ပျောက်လာတဲ့အချိန်မှာ ဖြစ်ပေါ်လာမယ့် အခြေအနေတွေလို့ အောက်ပါအတိုင်း ကြိုတင် ဟောပြော ရှင်းလင်းပြခဲ့ပါတယ်။

---------------------------

(၁) အရပ်လေးမျက်နှာမှ လေးခုသော နွားလား ဥဿဘတို့သည် လာလတ်၍ မင်းရင်ပြင်၌ ဝှေ့မည်ဟု တွန်မြည် ကြုံးဝါးလျက် မဝှေ့ပဲသာလျှင် ဖဲလေကုန်သည်ဟု မြင်မက်ပါသည်။
နောင်အခါ တရားမစောင့်သော မင်းတို့ လက်ထက်၌ အရပ်လေးမျက်နှာမှ မိုးတို့သည် ရွာအံသကဲ့သို့ ထစ်ကြိုးလျက် မရွာပဲသာလျှင် ပျောက်ပျက် ကုန်လတ္တံ့။ ထိုအခါ ကောက်ပဲသီးနှံတို့ ပျက်ဆီး၍ လူတို့၌ အစာရေစာ ရှားပါး ငတ်မွတ်ခြင်း ဖြစ်လတ္တံ့။

------------------

(၂) နုနယ်သေးငယ်စွာသော အပင်တို့သည် ပွင့်ကြ သီးကြသည်ကို မြင်မက်ပါသည်။
နောင်အခါ ဆုတ်ယုတ်သောကာလ လူတို့ အသက်တမ်း တိုသော ကာလ၌ ယောင်္ကျား မိန်းမတို့သည် ထက်သန် ပြင်းသော ရာဂ ရှိကုန်သည် ဖြစ်၍ ငယ်ရွယ်စဉ် အခါ၌ပင် အိမ်ထောင်ပြုခြင်း၊ သားမွေးခြင်း တို့ကို ပြုကုန်လတ္တံ့။

------------------------

(၃) နွားမကြီးတို့သည် မိမိတို့ မွေးစဖြစ်သော နွားမငယ်တို့၏ နို့ကို စို့သည်ဟု မြင်မက်ပါသည်။
နောင်အခါ ကြီးသောသူတို့အား အရိုအသေပြုခြင်း ပျောက်ကွယ်သော ကာလ၌ အမိအဖ၊ ယောက္ခမ စသူတို့သည် ကိုးကွယ်ရာ မရှိကုန်သည် ဖြစ်သဖြင့် မိမိတို့၏ သားသမီး၊ သားမက်၊ ချွေးမ စသူတို့ထံ၌ ကပ်ရပ်၍ ငြိုငြင် ညှိုးငယ်စွာ အသက်မွေးရကုန်လတ္တံ့။

---------------------------

(၄) လှည်းတို့၌ ဝန်ကို ဆောင်နိုင်သော နွားကြီးတို့ကို မကမူ၍ နွားငယ်တို့ကိုသာ ကစေကုန်၏။ နွားငယ်တို့လည်း ဝန်ကို မနိုင်၍ လှည်းတို့ကိုလည်း ဆွဲခြင်းငှာ မတတ်နိုင်သည်ကို မြင်မက်ပါသည်။
နောင် တရားမစောင့်သော မင်းတို့ လက်ထက်၌ အသက်ကြီး ဝါကြီး ပညာရှိကုန်သော သူတို့အား အမတ်၊ တရားသူကြီး စသော ရာထူးစည်းစိမ်တို့၌ မခန့်ထားမူ၍ အသက်၊ ဝါ၊ ပညာ ငယ်ကုန်သော လူငယ်တို့အားသာ ခန့်ထားကြလတ္တံ့။ ထိုအခါ အခွင့်အရေးမသိ၊ မတော် မမှန်ဖြစ်၍ အမှု မပြီး၊ အကျိုးမပြီး ရှိသောအခါ လူငယ်တို့သည် မိမိတို့၏ ရာထူး စည်းစိမ်ကို စွန့်ကြလတ္တံ့။ လူကြီးတို့သည်လည်း ငါတို့မှာ ပြင်ပကသာ ဖြစ်၏ဟု လျစ်လျှုပြု၍ နေကြလကုန်လတ္တံ့။ သို့ဖြစ်၍ တရားမစောင့် အမှုမပြီးကြသည်နှင့် မင်းနှင့်တကွ တိုင်းပြည်ပါ ဆုတ်ယုတ် ပျက်ဆီးကြလတ္တံ့။

---------------------------

(၅) ခံတွင်း နှစ်ခုရှိသော မြင်းသည် ကျွေးလာသော မုယောစပါး စသည်တို့ကို ခံတွင်းနှစ်ခုဖြင့်ပင် စားသည်ဟု မြင်မက်ပါသည်။
နောင် တရားမစောင့်သော မင်းတို့လက်ထက်၌ တရားမစောင့်သော တရားသူကြီးတို့သည် နှစ်ဖက်သော အမှုသည်တို့မှ ပေးသော တံစိုးလက်ဆောင်တို့ကို စား၍ အမှုတို့ကို မမှန်မကန် ဆုံးဖြတ်ကြကုန်လတ္တံ့။

-----------------------------

(၆) အဖိုးတသိန်း ထိုက်သော ရွှေခွက်ကို မြေခွေးဖိုအား ကျင်ငယ်စွန့်ရန် ပေး၏။ မြေခွေးလည်း ထိုရွှေခွက်၌ ကျင်ငယ်စွန့်သည်ဟု မြင်မက်ပါသည်။
နောင် တရားမစောင့်သော မင်းတို့ လက်ထက်၌ အမျိုးမြတ်သော သူတို့သည် အချီးအမြှောက် မခံရ၊ ဆင်းရဲကြ၍ အမျိုးယုတ်သော သူတို့ အစိုးတရ ကြွယ်ဝ ချမ်းသာကြလတ္တံ့။ ထိုအခါ အမျိုးမြတ်တို့ အသက် မွေးခြင်းငှာ မတတ်နိုင်ကုန်သည် ဖြစ်၍ မိမိတို့ သမီးတို့ကို အမျိုးယုတ်တို့အား ပေး၍ အသက်မွေး ကြကုန်လတ္တံ့။

-----------------------------

(၇) တယောက်သော ယောင်္ကျားသည် အင်းပျဉ်၌ ထိုင်လျက် လွန်ကို ကျစ်၍ ခြေရင်း၌ ထား၏။ ထို အင်းပျဉ်အောက်၌ရှိသော ဆာလောင်သော မြေခွေးမသည် ထိုယောင်္ကျား မသိစဉ်လျှင် ထိုလွန်ကို စား၏ ဟု မြင်မက်ပါသည်။
နောင်အခါ မိန်းမတို့သည် အစားအသောက်၊ အဝတ်၊ အနေအထိုင် စသည်တို့၌ လော်လည်ခြင်း ရှိ၍ မိမိတို့ လင်ယောင်္ကျားသည် ဆင်းရဲငြိုငြင်စွာ ရှာဖွေ စုဆောင်းအပ်သော ဥစ္စာ ပစ္စည်းတို့ကို အဝတ်အစား၊ အစားအသောက် တို့၌ လည်းကောင်း၊ သောက်စား ကစားခြင်းတို့၌ လည်းကောင်း၊ အပျော်အပါးတို့၌ လည်းကောင်း၊ သဘောက် လင်ငယ်ထားခြင်း တို့၌ လည်းကောင်း အရမ်းမဲ့လျှင် ဖြုန်းတီးလေလတ္တံ့။ ခွေးမသည် မသိ စဉ်းစား သကဲ့သို့ အိမ်သူ မိန်းမတို့သည် ဤသို့ တိတ်တဆိတ် ဖြုန်းတီး ခိုးစားကြလတ္တံ့။

-----------------------------

(၈) ရေမရှိသော အိုးတို့ဖြင့် ခြံရံအပ်သော ရေပြည့်အိုးကြီး တလုံးကို မြင်ရ၏။ လူတို့သည် အရပ် ၈ မျက်နှာမှ ရေကို ယူလာကြ၍ ထိုရေပြည့်အိုးကြီး အတွင်းသို့သာလျှင် လောင်းထည့် ကြ၏။ လောင်းထည့်သော ရေတို့သည် ပြည့်လျှံ၍ ကျကုန်၏။ ဤသို့လျှင် အဖန် တလဲလဲ ရေပြည့်အိုးသို့သာ လောင်းလျှက် ရေမရှိသော အခြံအရံ အိုးတို့ အတွင်းသို့ကား မည်သူမျှ မလောင်း မထည့်ပဲ နေသည်ကို မြင်မက်ပါသည်။
နောင်အခါ မကောင်းသော မင်းတို့ လက်ထက်၌ မင်းနှင့်တကွ လူတို့ တရားပျက်ကွက်၊ သြဇာညံ့ဖျင်း၊ ဆင်းရဲခြင်းသို့ ရောက်ကြကုန်လတ္တံ့။ ထိုအခါ မင်းအစိုးရတို့သည် ဆင်းရဲသားတို့အား မင်း၏ အကျိုးစီးပွား အတွက်ကိုသာ လုပ်ကိုင်စေအံ။ ဆောင်ရွက် စေအံ။ ထမ်းရွက်စေအံ။ သို့ဖြစ်ရကား မင်းတို့၌သာ ပြည့်စုံ အကျိုးခံစားကြရ၍ ဆင်းရဲသားတို့မှာ ရေမရှိသော အိုးတို့ပမာ တစုံတရာ မရှိ ငတ်မွတ် ခေါင်းပါးခြင်းသို့ ရောက်ကုန်လတ္တံ့။

-------------------------------

(၉) နက်ရှိုင်း ကျယ်ဝန်းသော ရေကန်ကြီး တခုတွင် သတ္တဝါတို့ ဆင်း၍ ရေသောက်ကြ၏။ ကန်၏ အလယ် ရေနက်ရာ၌ ရေသည် နောက်၍ ကန်နားဝန်းကျင် ရေတိမ်ရာ သတ္တဝါတို့ နင်းရာ၌ ရေသည် ကြည်လင်၏ဟု မြင်မက်ပါသည်။
နောင်အခါ တရားမစောင့်သော မင်းတို့သည် မတရား အုပ်စိုးခြင်း၊ တံစိုးစားခြင်း၊ လော်လည်ခြင်း၊ သနားညှာတာ ဂရုဏာ မဲ့ခြင်း၊ ကြမ်းကြုတ် ရက်စက်ခြင်းတို့ ရှိလျှက် လူတို့အပေါ်၌ အထူးထူး အပြားပြားသော အချင်းအရာဖြင့် အခွန်အတုတ်တို့ကို ခွဲခန့် ကောက်ယူလတ္တံ့။ ထိုအခါ လူတို့မှာ တစ်စုံတစ်ရာ မပေးဆောင်နိုင် ပင်ပန်းဆင်းရဲလျက် မြို့ကြီးရပ်ကြီးတို့၌ မနေနိုင်ပဲ ရပ်စွန် ပြည်နားသို့ သွားရောက်နေကြရသည် ဖြစ်လတ္တံ့။ ကန်အလယ်တွင်နောက်၍ ကန်ဘေးတွင် ကြည်သကဲ့သို့ မြို့လယ်ရွာလယ်၌ တိတ်ဆိတ်၍ ရပ်စွန်ပြည်နား၌ လူစည်ကားလတ္တံ့။

-----------------------------

(၁၀) တစ်လုံးတည်းသော အိုးဖြင့် တချိန်တည်းချက်သော ထမင်းသည် အချို့ပျော့၏၊ အချို့ မနပ်၊ အချို့နပ်၏။ ဤသို့ မြင်မက်ပါသည်။
နောင် တရား မစောင့်သော မင်းတို့ လက်ထက်၌ မိုးကွက်ကြား ရွာလတ္တံ့။ ထိုအခါ အချို့နေရာ၌ မိုးရွာလွန်း၍ ကောက်ပဲသီးနှံ ပျက်အံ။ အချို့နေရာ၌ မရွာ၍ ပျက်အံ။ အချို့နေရာ တွင်ကား မိုးမှန်၍ ကောင်းအံ။ ဤသို့လျှင် ထမင်းအိုးတွင် မြင်သော ထမင်းကဲ့သို့ ကောက်ပဲသီးနှံ သုံးထွေ ပြားလတ္တံ့။

------------------------------

(၁၁) အဖိုးတသိန်းထိုက်သော စန္ဒကူးနှစ်ကို ယက်တက်ပုပ်ရည်ဖြင့် ရောင်းစားသည်ကို မြင်မက်ပါသည်။
နောင်အခါ ငါဘုရား၏ သာသနာတော် ဆုတ်ယုတ်သော ကာလတွင် လော်လည်၍ လာဘ်လာဘကို မက်မော ကုန်သော ရဟန်းအလဇ္ဇီ လူအလဇ္ဇီတို့သည် ဆွမ်း၊ ဆေး၊ ကျောင်း၊ သင်္ကန်း ဥစ္စာပစ္စည်း စသည် တို့ကို အလိုရှိကုန်သည် ဖြစ်၍ လမ်းခရီးဆုံ၊ အိမ်ဝ၊ အိမ်ကြို အိမ်ကြားတို့၌ ငါဘုရား၏ တရားတော်ကို ဟောကြားလတ္တံ့။ နိဗ္ဗာန် အလို့ငှာ ဟောတော် မူအပ်သော အလွန် မွန်မြတ်သော တရားတော်ကို တစ်ပဲ၊ တစ်မူး၊ တစ်ကျပ် စသည်တို့ အကျိုးငှာ ရောင်းစား ဟောပြော ကြသည် ဖြစ်၍ တသိန်းထိုက်သော စန္ဒာကူးနှစ်ကို ယက်တက်ပုပ်ရည်ဖြင့် ရောင်းစား သကဲ့သို့ ဖြစ်ကုန်လတ္တံ့။

--------------------------------

(၁၂) ဘူးတောင်းတို့သည် ရေ၌ နစ်သည်ဟု မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ကိုသာ ရာထူး စည်းစိမ် ပေးသည် ဖြစ်၍ အမျိုးယုတ်တို့ တန်ခိုး အာဏာ ကြီးမား ထင်ပေါ် အရာရာတွင် တွင်ကျယ်လျက် ၄င်းတို့ စကားသာလျှင် ဘုးတောင်း နစ်သကဲသို့ နစ်၍ တည်ကုန်လတ္တံ့။

-----------------------------

(၁၃) ကျောက်ဖျာကြီး ရေတွင်ပေါ်သည်ဟု မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ တော်မှန် လိမ္မာ ပညာရှိသော သူတို့၏ စကားသည် မည်သည့် အရာ၌ မဆို လေးသော ကျောက်ဖျာ ရေတွင် ပေါ်သကဲ့သို့ နစ်တည် ခြင်းမရှိ၊ မခိုင်မမြဲ ရှိကြကုန် လတ္တံ့။

-------------------------------

(၁၄) ဖားငယ်မ တို့သည် ကြီးစွာသော မြွေဟောက်ကြီးများကို စားမြိုသည်ဟု မြင်မက်ပါသည်။
နောင်အခါ လူတို့သည် ပြင်းသော ရာဂ ရှိကုန်သည် ဖြစ်၍ ကိလေသာ အလိုသို့ လိုက်လျက် ငယ်ရွယ်ကုန်သော မယားတို့၏ အလိုသို့ လုံးဝ လိုက်ကြကုန် လတ္တံ့။ အလုပ်အကိုင်မှု၊ ဥစ္စာ ပစ္စည်းမှု၊ ကျေးကျွန်မှု၊ စီမံခန့်ခွဲမှု စသော အရပ်ရပ်တို့၌ လင်ပေါ်တွင် လွှမ်းမိုး အုပ်စိုးခြင်းကို ပြုကြမည် ဖြစ်ရကား ဖားငယ်မသည် အဆိပ်လျင်သော မြွေကို စားမျိုသကဲ့သို့ ဖြစ်ကုန်လတ္တံ့။

-------------------------

(၁၅) မည်းနက် ရုပ်သွင်၊ အဆင်း ဆိုးဝါးသော ကျီးတို့ကို ရွှေ၏ အဆင်းနှင့် တူသော ရွှေဟင်္သာ တို့က ခြံရံ နေကြသည်ကို မြင်မက်ပါသည်။
နောင်အခါ အားနည်းသော မင်းတို့ လက်ထက်၌ ထိုမင်းတို့သည် ဆင်စီး မြင်းစီး စသော အတတ်တို့၌ မလိမ္မာ၍ စစ်ထိုးခြင်း၌ မရဲရင့်ဘဲ ဖြစ်ကြကုန်လတ္တံ့။ ထိုအခါ တိုင်းပြည် နိုင်ငံ ဆုံးရှုံးမည်ကို စိုး၍ တူသော ဇာတ်ရှိသော သူကောင်းသား တို့အား အစိုးရခြင်းကို မပေးမူ၍ မိမိတို့ထံ၌ ခစား ကြကုန်သော အမျိုး ယုတ်သော ကျေးကျွန်တို့အားသာ ပေးကုန်လတ္တံ့။ သို့ဖြစ်၍ အမျိုးကောင်းသားတို့ ကိုးကွယ်ရာ မရှိပဲ အစိုးရခြင်း၌ တည်ကုန်သော အမျိုးယုတ်တို့ထံ၌ ခစားကြကုန် လတ္တံ့။

-------------------------------

(၁၆) ဆိတ်တို့သည် သစ်ကို သတ်စားကြသဖြင့် သစ်တို့သည် ကြောက်လန့်လျက် ဆိတ်တို့ကို အဝေးမှ မြင်လျှင်ပင် တောချုံရှိရာသို့ ပြေးကြသည်ကို မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ အစိုးရ ကုန်သည် ဖြစ်၍ အမျိုးမြတ်သူတို့ မထင်ရှား ဖြစ်လတ္တံ့။ အမျိုးယုတ် သူတို့မှာ မင်းကျွမ်းဝင်သည် ဖြစ်၍ တရားရုံးတို့၌ သြဇာအာဏာ လွှမ်းမိုးလျက် အမျိုးမြတ်သူတို့၏ ဘိုးဘပိုင် လယ်မြေ ဥစ္စာ အရပ်ရပ်တို့ကို ငါတို့ လယ်မြေဥစ္စာ ဖြစ်သည်ဟု သိမ်းယူကြ၍ တရားတဘောင် ဖြစ်လျှင် တန်ခိုးမဲ့သူတို့အား ဖိနှိပ်ပုတ်ခတ် ခြိမ်းခြောက် နှင်ထုတ်လျက် အနိုင်ကျင့် ကြကုန်လတ္တံ့။ ထိုအခါ အမျိုးမြတ်သူတို့ ကြောက်လန့် စက်ဆုတ်ကုန်သည် ဖြစ်၍ လယ်ယာ ဥစ္စာတို့ကို ပေးအပ်ကုန်လျက် အိမ်သို့ပြန်၍ အိပ်နေကြကုန်အံ။ ထိုမှ တပါးလည်း အကျင့်သီလရှိသော ရဟန်းတို့သည် အကျင့်သီလမဲ့သော ရဟန်းတို့က ချုပ်ချယ် ဖိနှိပ်ကြလေသဖြင့် တောသို့ ပြေးဝင် ပုန်းအောင်း ကြကုန်လတ္တံ့။ ဤသို့လျှင် အမျိုးကောင်း၊ သူတော်ကောင်း တို့လည်း လွတ်ရာ ကျွတ်ရာ တောတောတောင်တောင် တို့ကို ပြေးပုန်း ကြကုန်လတ္တံ့။

မွေးရပ်မြေမှ

တခါတုန်းက ဒီဇင်ဘာ

(လွမ်းမောစရာ ဘွဲ့နှင်းသဘင်ခန်းမကြီး)

ဒီဇင်ဘာလ ကိုကျွန်မ အရမ်းချစ်တယ်။ ဘာလို့လဲ ဆိုတော့ ကျွန်မကို ချစ်တတ်အောင် လုပ်ခဲ့တဲ့ သူတယောက် ကို တွေ့လိုက်ရလို့ပါ။ ပြီးတော့ ဘ၀မှာ ညီအမ တွေလို အင်မတန် ချစ်ခင်ခဲ့ရတဲ့ သူငယ်ချင်းကောင်း တွေနဲ့ တွေ့ခဲ့ရလို့ ပါပဲ။ ဆောင်းတွင်းရဲ့  ဒီဇင်ဘာလ တလမှာပေါ့….. ကျွန်မတို့ ကျောင်းနှစ်ရှည် ပိတ်ထားပြီး ကျောင်းပြန် ဖွင့်မယ် ဆိုတော့ ကျွန်မ အရမ်းပျော်တာ ပဲလေ။ ဘာဖြစ်လို့လဲ ဆိုတော့ ဂုဏ်ထူးတန်း ကို ရန်ကုန်တက္ကသိုလ်မှာ တက်ခွင့် ရလို့ပါ။ အဲဒီ အချိန်မှာ သူငယ်ချင်း တော်တော် များများနဲ့ ဝေးကွာပြီး သိပ်မရင်နှီးသေး တဲ့ သူငယ်ချင်း တယောက်က ဆက်သွယ်ပြီး ကျောင်းတက်ဖို့ လုပ်ခဲ့ပါတယ်။ ကျောင်းစတက်တဲ့ နေ့မှာ သူငယ်ချင်း နှစ်ယောက် ချိန်းပြီး တက်ရမဲ့ အတန်းကို သွားခဲ့ပါတယ်။

အဲဒီတုန်းက ရန်ကုန်တက္ကသိုလ် ထဲမှာ သူငယ်ချင်း နှစ်ယောက် မျက်စိသူငယ် နားသူငယ်နဲ့ပေါ။့ ကျွန်မတို့ ဓါတုဗေဒမေဂျာ (ဂုဏ်ထူတန်း)မှာ ကျောင်းသား အားလုံး နှစ်ရာကျော် ရှိပါတယ်။ စတက်တဲ့ နေ့မှာပဲ သူ့ကို သတိ ထားလိုက်မိ ပါတယ်။ အနွေးထည် ထူထူဝတ်ထားတဲ့ သူ့ကို အားလုံး ထဲမှာ အမှတ် ထင်ထင် တွေ့လိုက်ရတယ်။ ပြုံးပြီး သူငယ်ချင်းတွေနဲ့ စကားပြောနေတဲ့ သူ့ကို ရင်ထဲမှာ တသက်စာ အမှတ်ရသွားစေတာ ကတော့ မေ့လို့ မရပါဘူး။ အဲဒီလိုနဲ့ ကျောင်းတက်ခဲ့တာ စစပိုင်း သူငယ်ချင်း နှစ်ယောက်ထဲ ရှိတဲ့ ကျွန်မတို့ တော်တော် ပျင်းခဲ့တာ။ နှစ်ယောက်ထဲ ဆိုတော့ ဘယ်မှလဲ မသွားဖြစ် သူငယ်ချင်းတွေ ရလာရင် အရမ်း ကောင်းမှာပဲလို့ ပြောနေ ခဲ့ကြတာ။ နောက်ပိုင်း ကျွန်မ အပါအ၀င် မိန်းကလေး သူငယ်ချင်း ခုနှစ်ယောက်နဲ့ ယောက်ျားလေး သူငယ်ချင်း နှစ်ယောက် ရပြီး ညီအမ မက ချစ်ခင် ခဲ့ကြတာ အခုထိပါပဲ။

တယောက်ရဲ့ အကျိုးကို တယောက်က လိုလားပြီး တိုင်တိုင်ပင်ပင် ချစ်ချစ်ခင်ခင် နဲ့နေကြလို့ တခြား သူတွေရဲ့ တအံ့တသြနဲ့ ချီးမွန်းတာ ကိုလည်း ခံရတဲ့ အထိပါပဲ။ တယောက်က တခုခု လုပ်ချင်တယ်ဆို တယောက်က ဖြည့်ဆည်း ပေးဖို့လဲ ၀န်မလေး ခဲ့ပါဘူး။ ဂုဏ်ထူတန်း ဆိုတော့ စာတွေ ကလည်းများ ပရက်တီကယ် (လက်တွေ့) ချိန်ကလည်း များနဲ့ မနက် ခုနှစ်နာရီ ကစပြီး ကျောင်းတက်ရတာ ညနေ ငါးနာရီမှ ပြီးပါတယ်။ ကျွန်မနဲ့ ပထမဆုံး တွဲတဲ့ သူငယ်ချင်းက လှည်းတန်း(ကမာရွတ်) မှာ နေပါတယ်။ ကျောင်းနဲ့ နီးတော့ သူငယ်ချင်း အားလုံး ရဲ့ဒဏ်ကို အခံရဆုံး ပဲပေါ့။ ကျွန်မတို့တွေ စာမေးပွဲနီးရင် လည်းအားလုံး စုအိပ်ပြီး စာလုပ်ကြရပါတယ်။ အဲဒီ အခါ ဆိုလည်း သူ့အိမ်မှာနေ သူ့အိမ်မှာစားရင်း စိတ် ချမ်းချမ်းသာသာ နဲ့ ဆွေမျိုးရင်း တွေလို နေခဲ့ စားခဲ့ ရပါတယ်။ အဲဒီ သူငယ်ချင်းအိမ် ကလည်း တကယ့် ကို ကျေးဇူးရှင် တွေပါ။ ယောက်ျားလေး နှစ်ယောက် ကလည်း အကိုတွေ လို စောင့်ရှောက်ခဲ့ ချစ်ခင် ခဲ့ကြတယ်။

(ဂျပ်ဆင်ခန်းမကြီးကလည်း အထင်ကရ)

အဲဒီ လိုနဲ့ပဲ ကျွန်မတို့ သူငယ်ချင်းတွေ ကျောင်းမှာဆို နေရာကုန် လျှောက်သွားပြီး မတွေ့ရတဲ့ နေရာ မရှိ သလောက် ပါပဲ။ ဆရာမတွေ ကလည်း သမီးတို့က ရန်ကုန်တက္ကသိုလ် ထဲမှာ တက်ရလို့ အရမ်း ကံကောင်းတဲ့ သူ တွေတဲ့။ ရန်ကုန်တက္ကသိုလ် ထဲမှာ များများသွား ဆိုပြီး ပြောပါတယ်။ ကျွန်မတို့က လည်း ဆရာမ စကားကို မြေ၀ယ်မကျ နားထောင်ပြီး အကုန်လုံးကို လျှောက်သွားတာ ပါပဲ။ စိတ်တူကိုယ်တူနဲ့ ဆိုတော့ ဘာလုပ်လုပ် တတွဲတွဲနဲ့ အရမ်းကို ပျော်စရာ ကောင်းတဲ့နေ့တွေပါ။ သူ့ကို ကြည့်ရတာလည်း သူ့သူငယ်ချင်း တွေနဲ့ အရမ်း ပျော်နေပုံပါပဲ။ သူ့သူငယ်ချင်းတွေ ကလည်း လွတ်လွတ်လပ်လပ် နဲ့ ပျော်ပျော်ရွှင်ရွှင် ပုံစံလေးပါပဲ။ သူ့ကို ကြည့်လိုက်ရင် တော့ အမြဲလိုလို အနွေးထည် ၀တ်ထား တတ်ပါတယ်။

နောက်မှ သိရတာက သူက အားကစားကို လိုက်စားတယ်တဲ့။ အဲဒါကြောင့် အနွေးထည် ကို ၀တ်တာတဲ့။ ဘောလုံး ကန်တာ အရမ်း ကောင်းတယ်လို့ပြောပါတယ်။ ကျွန်မလည်း မယုံတ၀က် နဲ့ ဟုတ်ပါ့မလား လို့ပေါ့။ နောက်ကျမှ ကျောင်းမှာ ဘောလုံးပွဲ လုပ်မှ သူက ဓါတုဗေဒရဲ့ လက်ရွေးစင် တယောက် အဖြစ် ၀င်ကစား တာ ကို တွေ့ရတယ်။ အဲဒီအခါ မှာလည်း ကျွန်မတို့ သူငယ်ချင်း တွေက အမြဲတမ်း အားပေးနေကျပါ။

သူ့သူငယ်ချင်း တွေကလည်း ကျွန်မတို့ သူငယ်ချင်း အုပ်စု ဘောလုံးပွဲကို ရောက်လာတာနဲ့ သူ့ကို `ဟေ့….. မင်းရဲ့အားဆေး ရောက်လာပြီ´ ဆိုပြီး အော်ပါ တော့တယ်။ သူက လည်း အဲဒီ အချိန် ပြုံးပြီး ကြည့်နေ ပါတယ်။ ဘယ်လောက်အရေးကြီးကြီး ဘောလုံးပွဲ ကိုတော့ မရောက်ရောက် အောင် သွားအားပေး ပါတယ်။ အဓိက အသွား ချင်ဆုံး ကတော့ ကျွန်မပါ။ ဘောလုံးပွဲကို အော်ဟစ် အားပေးပြီး နိုင်ရင် တော့ ၀မ်းသာအားရ ပြန်လာ ရတာပေါ့။ ရှုံးတဲ့အခါ မှာတော့ အပြန်လမ်း တလျှောက် ကျွန်မတို့သူငယ်ချင်း အားလုံး စကား မပြောနိုင်ကြပဲ ကိုယ်ရဲ့ မေဂျာ အစား ၀မ်းနည်း နေကြရတာပေါ့။

ကျွန်မတို့မေဂျာကို အမြဲလိုလို အနိုင်ယူတဲ့ ဘောလုံး အသင်းကတော့ `Law (ဥပဒေ) မေဂျာ´ ပါ။ သူတို့နိုင်လို့ ကျွန်မတို့ကို မခံနိုင်အောင် ပြောတဲ့ အခါ ကျွန်မတို့ ကလည်း ပြန်ပြောတာပေါ့။ `အနိုင်အရှုံးက အဓိက မဟုတ်ဘူး၊ ယှဉ်ပြိုင်ခြင်းသာ အဓိက´ ဆိုပြီး မနိုင်နိုင်အောင် ပြောဆိုပါတယ်။ နိုင်တဲ့ အချိန် ဆိုရင်တော့ `ယှဉ်ပြိုင် နိုင်ရမည်´ ဆိုပြီး ပြန်ပြောပါတယ်။ သူဘောလုံး ကန်တာက အရမ်းကြည့်လို့ ကောင်းတယ် လို့ သူငယ်ချင်းတွေ ကို ပြောတော့ သူငယ်ချင်း တွေက အဖြစ်သည်းလွန်းတယ် ဆိုတဲ့ပုံနဲ့ ကျွန်မကို ကြည့်ကြတာပေါ့။ ကျွန်မ ကလည်း ကျွန်မ ပါပဲ လေ။ သူ ဘာလုပ်လုပ် အမြဲကြည့်လို့ ကောင်းနေ တာပဲ။ သူငယ်ချင်းတွေ ကတော့ ကျွန်မကို တခါတလေ အားမလို အားမရ ဖြစ်ကြတယ်။ ဘာဖြစ်လို့ ဒီလောက်တောင် ဖြစ်ရတာလဲ ဆိုတဲ့ ပုံစံနဲ့ပေါ့။

သူ့မွေးနေ့ ရောက်ရင်လည်း ရွှေတိဂုံဘုရား ကိုသွားလို့ သူ့အတွက် ကုသိုလ် ကောင်းမှု လုပ်ပြီး ဆုတွေ တောင်းရတာ အမောပေါ့။ အဲဒီ အခါမှာလည်း သူငယ်ချင်း တွေက ပါရမီဖြည့်ဘက် တွေပဲပေါ့။ ထူးခြားတာ ကတော့ သူ့မွေးနေ့နဲ့ ကျွန်မမွေးနေ့ က တပတ်ပဲ ကွာပါတယ်။ သူနဲ့ ကျွန်မက မွေးရက်လည်း အတူတူပါပဲ။ သူက ကျွန်မထက် တပတ် တိတိ ကြီးတာပေါ့။ အဲဒီအချိန် အတန်း ဘယ်လောက် အရေးကြီးကြီး အတန်းကို ဖျက်ပြီး ဘုရား ကိုတော့ ရောက်အောင် သွားပါတယ်။ သူက အရင်က မွေးနေ့တွေမှာ ဘုရားကို မသွားဖူးဘူးတဲ့။ ကျွန်မတော့ သိပ် မအံ့သြမိ ပါဘူးလေ။ မိခင် မရှိတော့တဲ့ သားတယောက် အတွက်တော့ မေ့ကောင်း မေ့နိုင်ပါမယ်။ မေ့ထား တာ လည်း ဖြစ်နိုင် ပါလိမ့်မယ်။ ကျွန်မ သတိ ပေးမှပဲ ဘုရားကို သွားပါတယ်။ အခုထိလည်း ဝေးနေပေမဲ့ မွေးနေ့မှာ ကုသိုလ် လုပ်ပေးပြီး ဆုတောင်း ပေးပါတယ်။ သူကိုယ်တိုင် တော့ မေ့ကောင်း မေ့နေမှာပါ။

ကျွန်မရဲ့  ခံစားချက် ကတော့ ဘယ်တော့မှ မပြောင်းလဲ ခဲ့ပါဘူး။ ဒီနေ့ထိပါပဲ။ ကျွန်မတို့နှစ်ယောက် ဟာ ဘ၀မှာ အတူ လက်မတွဲခဲ့ရ ပေမဲ့ ချစ်ခြင်း မေတ္တာနဲ့ပဲ လမ်းကွဲခဲ့ ရတာပါ။ ပြန်မဆုံနိုင်တော့ ပေမဲ့ တသတ်တာ ထာဝရ အမှတ် ရနေမှာ ကိုတော့ ရင်ထဲမှာပဲ သိမ်းဆည်းထား လိုက်ပါရစေ။ မဆုံဆည်းခဲ့ပေမဲ့ အမုန်းနဲ့လမ်းခွဲတာ မဟုတ်ပဲ နားလည်မှုတွေနဲ့ လမ်းခွဲခြင်းကသာ အကောင်းဆုံးပဲ မဟုတ်လား။ တကယ်တော့ ကျွန်မတို့နှစ်ယောက်ရဲ့  လမ်းဟာ မတူညီခဲ့ပါဘူး။ မျဉ်းပြိုင်နှစ်ကြောင်း ဟာ ဘယ်တော့မှ မဆုံစည်းနိုင် သလိုပဲပေါ့။ ကျွန်မတို့ master တန်းတက်တဲ့ နှစ်ကုန်မှာတော့ သူနဲ့ သူ့သူငယ်ချင်းတွေ နိုင်ငံခြားကို ထွက်သွား ခဲ့တယ်။

ထွက်ခါနီးမှာ ကျွန်မကို သူသွားမဲ့ အကြောင်းမပြောပြနိုင် လောက်အောင် သူလည်း ခံစား နေရတယ်နဲ့ တူပါတယ်။ နှုတ်လည်း မဆက် နိုင်ပါဘူး။ ကျွန်မ နှုတ်ဆက် တာတောင် သူစကား မပြောနိုင်ပါဘူး။ အဲဒီတုန်းက ခံစားချက် ကတော့ ဘယ်လို ခံစားချက် မျိုးနဲ့မှ မတူပါဘူး။ သူသွားပြီး နောက်နေ့မှာ တော့ စိတ်တွေ ထွေပြားနေတာ နဲ့ မြို့ထဲသွား စာအုပ်ဆိုင် တွေ လျှောက်သွားပြီး စာအုပ်တွေ ၀ယ်လာခဲ့တယ်။ ကျွန်မကို ဆုံးမ လိုက်တဲ့ စာအုပ် ကတော့ ဆရာတော် အရှင်ဆန္ဒာဓိက ရဲ့  (လမ်းခွဲတာ ၀မ်းနည်းစရာလား) စာအုပ်ပါ။ အဲဒီ စာအုပ်ကို ဖတ်ပြီးတဲ့ နောက်မှာတော့ ကျွန်မဟာ စိတ် တည်ငြိမ် လာပြီး တော်တော် နေထိုင်တတ် သွားပါတယ်။

(အခုထိ ကြံ့ ကြံ့ ခံနေတဲ့ သစ်ပုတ်ပင်ကြီး)

အော်………. လူတိုင်း လူတိုင်းဟာ တနေ့မှာ လမ်းခွဲကြရမှာ ပဲတဲ့. ကောင်းသော လမ်းခွဲခြင်းနဲ့ လမ်းခွဲခြင်း ကသာ အကောင်းဆုံး ပါပဲတဲ့။ လူတွေဟာ ဗေဒါပင်လေး တွေပါပဲတဲ့ ကံတရားဆိုတာ ကတော့ လေပါပဲတဲ့။ လေတိုက်တဲ့ အချိန်မှာ ဗေဒါပင်လေး တွေဟာ ဟိုတစု ဒီတစု ဟိုရောက်သွားလိုက် ဒီရောက်လာလိုက် နဲ့ ဟိုဘက်က ဗေဒါပင် အုပ်စုနဲ့ သွားပေါင်း သွားလိုက် တခါ လေတိုက်ရင် ဒီဘက်ကို ရောက်လာလိုက် နဲ့ ဘ၀ကြီးမှာ လည်း ကံတရား အတိုင်း ဟိုလူနဲ့ ဆုံလိုက် နောက်ပြန်ကွဲ သွားလိုက် နောက်ဒီလူနဲ့ ဆုံလိုက် ပြန်ကွဲ သွားလိုက်နဲ့ အားလုံးဟာ ကံတရား အတိုင်း အလိုက်သင့် နေကြရတာပဲတဲ့။ ကျွန်မ အတွက်တော့ အရမ်း အဖိုးတန်တဲ့ အသိ တွေရသွားခဲ့ ပါတယ်။

နောက် စာအုပ်ကတော့ (အနေဝေးပေမဲ့ အဝေးနေမဟုတ်ပါ) တဲ့။ အဲဒီ စာအုပ် ကလည်း အရမ်း ကောင်းပါတယ်။ တယောက်နဲ့ တယောက်ဟာ အနေဝေးတိုင်း အဝေးနေ မဟုတ်ကြပါဘူး။ ရင်ထဲမှာ မေတ္တာနဲ့ နေမယ်ဆိုရင် ဘယ်လောက် ဝေးဝေး မဝေးတော့ ပါဘူး။ မြတ်စွာဘုရားနဲ့ ဝေးပေမဲ့ မြတ်စွာဘုရား ဟောကြားခဲ့တဲ့ တရားတော်တွေ အတိုင်း လိုက်နာ ကျင့်ကြံမယ် ဆိုရင် မြတ်စွာဘုရားနဲ့ နီးနီးလေး ပါပဲတဲ့။ ကျွန်မ အတွက်တော့ သတိတရနဲ့ အမြဲ လိုက်နာ နေမိပါတယ်။

ဒီလိုပါပဲ အချိန် တန်ရင်တော့ အားလုံးဟာ သူ့ကိစ္စ နဲ့သူ သူ့ခရီးကို သွားနေကြတာပေါ့။


ဘာပဲဖြစ်ဖြစ် ကျွန်မ ကတော့ ဘ၀မှာ ညီအမလို၊ အကောင်းဆုံး မိတ်ဆွေ သူငယ်ချင်းတွေ ရခဲ့အတွက် အရမ်း ကံကောင်းခဲ့ ပါတယ်။ ရှေ့ဆက်ပြီးတော့လည်း အတူတူ တိုင်ပင်ဖေါ် တိုင်ပင်ဖက် အဖြစ်နေ သွားကြရမှာပေါ့။ သူနိုင်ငံခြားက ပြန်ရောက်တဲ့ အခါကျတော့လည်း ကျွန်မက တခြား တနိုင်ငံကို ထွက်ခဲ့ရပြန်တယ်။ ကျွန်မရဲ့ ဘ၀မှာ ဆုံဆည်းတယ် ဆိုတာကို မသိ လောက်အောင်ကို ဖြစ်ခဲ့ရတယ်။

အခုတော့ အတူတူ တက်ခဲ့ကြတဲ့ ကျောင်းကြီး(ရန်ကုန်တက္ကသိုလ်) ကို အရမ်း လွမ်းနေတယ်။ အာစီ(RC)ကို လွမ်းတယ်။ ကျောင်းကြီးထဲက ပရက်တီကယ် (လက်တွေ့)ခန်းကိုလည်း လွမ်းတယ်။ ဘွဲ့နှင်းသဘင် ခန်းမကိုလည်း လွမ်းတယ်။ ဂျပ်ဆင် ကိုလည်း လွမ်းတယ်။ သိပ္ပံဆောင်ကြီး ကိုလည်း လွမ်းတယ်။ ပုဂံလမ်း ကိုလည်း လွမ်းတယ်။ စစ်ကိုင်းလမ်း ကို လည်း လွမ်းတယ်။ နေ့တိုင်း ထိုင်ဖြစ်ခဲ့ကြတဲ့ (ကန့်ဂေါ်ရွာ) ဆိုင် ကိုလည်း လွမ်းတယ်။ တခါတရံ ထိုင်ဖြစ်တဲ့ ၀ိဇ္ဖာကန်တင်း ကိုလည်း လွမ်းတယ်။ အီကို ကန်တင်းကိုလည်း လွမ်းတယ်။ အဓိပတိ လမ်းမ ကိုလည်း လွမ်းတယ်။ သစ်ပုပ်ပင်ကြီး ကိုလည်း လွမ်းတယ်။ ကန့်ဂေါ်ပင် ကိုလည်း လွမ်းတယ်။ ရေတမာပင် ကိုလည်း လွမ်းတယ်။ အားကစား ခန်းမကြီးကိုလည်း လွမ်းတယ်။ စူပါရုဖ်ကား( super roof) နဲ့ ဂျစ်ကား( Shan Star) ကိုလည်း လွမ်းတယ်။ လွမ်းတယ်……… လွမ်းတယ်……..အားလုံးဟာ လွမ်းစရာ ကြီးတွေပါပဲ။ ကိုယ့်နိုင်ငံနဲ့ ဝေးနေတဲ့ အချိန် ပိုပြီး လွမ်းနေမိတယ်................။