Sunday, November 15, 2009

အချစ်ရဆုံးညီမလေးမွေးနေ့

ဒီနေ့ဟာ အချစ်ဆုံးညီမလေးရဲ့ မွေးနေ့ပါ။

ညီမလေးရေ ဘာလိုလိုနဲ့ အသက်တနှစ်ထပ်ကြီးသွားပြန်ပြီနော်။ ပိုရင့်ကျက်လာရပြီပေါ့။ အကိုနှစ်ယောက်ရှိတဲ့ မမဘ၀မှာတော့ ညီမလေးတယောက်ရလာကတည်းက အရမ်းဝမ်းသာပြီး အရမ်းချစ်ခဲ့ရပါတယ်။ ဘ၀မှာလည်း အကောင်းဆုံးတွေပဲ ဖြစ်စေချင်ခဲ့တယ်။ အသိဥာဏ် ပညာထက်မြက်ပြီး ရင့်ကျက်တဲ့ သူတယောက် ဖြစ်စေချင်ခဲ့တယ်။ စိတ်အခြေခံကောင်းတဲ့ ညီမလေးကလည်း စိတ်ထားကောင်းတဲ့ သူတယောက် ဖြစ်ခဲ့ပါတယ်။

သူငယ်ချင်းတွေအပေါ်မှာလည်း အင်မတန်မှ အနစ်နာခံ အနွံတာခံလို့ အားလုံးရဲ့ ခင်မင်မှုကိုအများဆုံးရခဲ့ပြီး သူငယ်ချင်းအားလုံးရဲ့ တိုင်ပင်စရာ ဖြစ်ခဲ့တာပေါ့။ သူငယ်ချင်းတွေ တခုခုဖြစ်ပြီဆိုရင်လည်း ညီမလေးကိုပဲ တိုင်ပင်လို့ ညီမလေးကပဲ ဖြေရှင်းပေးခဲ့နိုင်တယ်။

အဲဒီအတွက်ကြောင့်လည်း အားလုံးကညီမလေးကို တခြားသူထက် ချင်ကြခင်ကြတာပေါ့။ အိမ်မှာ အငယ်ဆုံး ဆိုတော့ အားလုံးရဲ့ အလိုလိုက်ခြင်းကိုလည်း ခံရတယ်။ ညီမလေးကို ချစ်ကြခင်ကြရင် မမကလည်း အလိုလို ကျေနပ်နေမိတယ်။ အလိုလိုကို ပျော်နေတာပဲ။

ဖေကြီးမိတ်ဆွေဦးမိုးဟိန်း (ဂျာနယ်ကျော်မမလေးရဲ့သား) က အခုထိ ညီမလေးကို ဖွားသီလရှင်လို့ပဲ ခေါ်ပါတယ်။ ဘာဖြစ်လို့လဲဆိုတော့ ညီမလေးမမွေးခင် ဗိုက်ထဲမှာကတည်းက ဖေကြီးက ဒုလ္ဘရဟန်းဝတ် တရားထိုင်၊ ပြီးတော့လည်း ဆေးလိပ်ကို အပြီးဖြတ်လိုက်လို့ပါပဲ။ နှစ်နှစ်သုံးနှစ်အရွယ်ကျတော့လည်း အဖွားနဲ့အတူတူ ဘုန်းကြီးကျောင်းမှာ ဥပုပ်စောင့်ပါတယ်။ ညနေဆိုရင်တော့ ထမင်းစာလို့ တထိုင်ဥပုပ် ဖြစ်သွားပါတယ်။ ပုဝါလေးသိုင်းပြီး အဖွားနဲ့ ဥပုပ်သွားစောင့်တဲ့ပုံစံက တကယ့်ကို လူကြီးလေး တယောက်လို ပါပဲ။ ငယ်ငယ်ကထဲက ဘုရားတရားကို ကိုင်းရှိုင်းတဲ့ ညီမလေးပါ။ အခုချိန်ထိ ငယ်ငယ်တုန်းက ကလေးလေးလိုပဲ မြင်ယောင်ဆဲပဲ ညီမလေးရေ။


(အရုပ်အရမ်းကြိုက်တဲ့ ညီမလေးအတွက်)

ညီမလေးရဲ့ မွေးနေ့တိုင်းအတူတူ ရှိနေကြပါ။ ဒီနှစ်မှာတော့ အဝေးကို ရောက်နေကြပြီ။ အဝေးကနေပဲ ဆုတွေတောင်းပေးတော့မယ်နော်။

မိဘကိုလည်း အလုပ်အကျွေးပြုနိုင်ပါစေ။ စိတ်ထဲရှိတဲ့အတိုင်း လုပ်ကိုင်နိုင်ပါစေ။ အဖြစ်ချင်ဆုံးဆန္ဒတွေအားလုံး အမြန်ပြည့်ဝပါစေ။ စိတ်ချမ်းသာ ကိုယ်ကျန်းမာနဲ့ လိုရာပြည့်စုံပြီး သာသနာပြုနိုင်သော သူဖြစ်ပါစေ။

မမ

No comments: