တစ္ဆေတစ်ကောင်ရဲ့ည

တိတ်ဆိတ်ညကို ဖြတ်သန်းစဉ်
ခပ်ကြမ်းကြမ်း တိုးဝှေ့လာတဲ့ တစ္ဆေတစ်ကောင်
ငါ့ကိုယ်ကို ဖေါက်ထွင်းလို့
လောကကြီးကို စိမ်ခေါ်ချင်သတဲ့
လောကကြီးထဲက ဘယ်လိုအရာတွေနဲ့
စီးချင်းထိုးချင်ရတာလဲ
ငါ... ခဏတာ မေ့မြော..

တချို့..
မှောင်လွန်းတဲ့ ညလေးထဲ
စီရရီ ထွက်ပေါ်လာတဲ့ လင်းရောင်ခြည်တချို့
လောကကြီးကို အရောင်ပြောင်း
နှလုံးသားကိုယ်စီနဲ့ထွန်းညှိ ထားကြ..
စကြာဝဠာ တစ်ခုလုံး
ဟုန်းဟုန်းတောက်..

တချို့..
ညစ်ကျယ်ကျယ် အတွေးနဲ့
ဝေဖန် လေကန် ပြစ်တင် ရှုံ့ချ ဘေးထွက်
လူ့အန္ဓများနဲ့ ကခုန်မြူးတူး
တန်ဖိုးမဲ့ ခရီးသည်..

တချို့..
မဟုတ်ကို အဟုတ်လုပ်
မရှိကို အရှိလုပ်
လိမ်ညာမှုကို ဖြူစင်ဟန်လုပ်
အတုကို အစစ်လုပ်
ယုတ်မာမှုကို သူတော်ကောင်းဟန်လုပ်
ဟန်လုပ် ခရီးသည်..

တချို့..
ကိုယ်ကျင့်တရားကို ရောင်းစားကြ
အတ္တတွေကို ဖလှယ်ကြ
နှုတ်ခမ်းဖျားထက် အရောင်ပြောင်းကြ
ရင်ခုန်သံချင်း လဲလှယ်ကြ
အသည်းကို အစားထိုးကြ
နှုတ်ထွက်စကားလုံးများ လွှင့်ပစ်လိုက်ကြ
တာဝန်ခံယူရမှုကို စားသုံးလိုက်ကြ
ငရဲသား ခရီးသည်..

တချို့..
အတ္တတိုက်ပွဲတွေကြား
အတ္တကိုယ်စီ ယှဉ်ပြိုင်တဲ့ပွဲမှာ
အတ္တတွေနဲ့ စ
အတ္တတွေနဲ့ပဲ အဆုံးသတ်ရမယ်ဆိုတာ
အတ္တလူသားများ မသိလေရော့သလား
လောက ခရီးသည်..

ခရီးသည်တွေကြားမှ
တစ္ဆေတစ်ကောင်ရဲ့ည..။

အစစ်လား အတုအယောင်လား

လောကဝန်းကျင်အတွင်းတွင် မည်သည့်အရာက အစစ်လား၊ မည်သည့်အရာက အယောင်ဆောင်ထားသောအစစ် (အတုအယောင်) ဟု ထင်ရသည့်အရာလား ဆိုသည်မှာ ဝေခွဲမရနိုင်ခဲ့ပါ။ ထိုအရာကပင် ကျမစိတ်ကို စိန်ခေါ်နေသော အရာဖြစ်ခဲ့သည်ဟု သိလာရပါသည်။ မည်မျှပင် ကျမကို စိန်ခေါ်နေပါစေ ကျမ၏စိတ် မယိမ်းမယိုင်ပဲ မည်မျှကာလထိ ရပ်တည်ထားနိုင်ပါ့မလဲ ဆိုသည်ကိုလည်း ကျမ၏ရှေ့ဆက်ရမည့်ခရီးကို ကြိုတင်မမြင်ရသည့်အတွက် ကျမမသိနိုင်ခဲ့ပါ။ ကျိန်းသေသည်မှာ လူတစ်ယောက်၏ စိတ်အခြေခံသည် အမှန်တကယ် စစ်မှန်ခြင်း၊ အယောင်ဆောင်ထားသော အစစ်ဖြစ်ခြင်း ဆိုသည်ကိုပင် ကျမစိတ်တွင် ကိန်းအောင်းမနေခဲ့ပါ။ 

အထူးသဖြင့် လူသားများ၏ အတွင်းစိတ်သဏ္ဍာန်ထဲတွင် ရှိနေမည့် သဘောထားများ၊ တုံ့ပြန်လာမှုများကို အစစ်အတုဟု ခွဲခြားရလောက်အောင် ကျမစိတ်တွင် ယုံမှားသံသယ ရှိမနေခဲ့ပါ။ မျက်စိနှင့်မြင်နိုင်စွမ်းရှိမည့် အရာများကို အစစ်လား၊ အယောင်ဆောင်ထားသော အစစ်လား ဆိုသည်ကို တိုင်းတာရန် လွယ်ကူနိုင်သော်လည်း စိတ်၏ဖြစ်တည်မှုတစ်ခုကိုဖြင့် အစစ်လား၊ အယောင်ဆောင်ထားသော အစစ်လားဆိုသည်ကို ဘယ်သောအခါမှ သံသယဖြင့် မထင်မှတ်ခဲ့ပါ။ ဒါကိုပင် ကျမကို အယုံလွယ်သူဟု သတ်မှတ်လျှင်လည်း ခံယူရပါမည်။ 

အယောင်ဆောင်ထားသော အစစ်ဆိုသည်မှာလည်း အစစ်အတိုင်းကဲ့သို့ပင် ပုံရိပ်တည်ရှိနေပြီး တချို့အရာများမှာ အစစ်ထက်ပင် ပုံသဏ္ဍာန်ကြီးသယောင်. စစ်မှန်သော သဘောထားရှိသူထက်ပင် ပို၍ စိတ်ထားစစ်စစ် ရှိသယောင် ရှိနေတတ်သည်ကို တွေ့လာရပါသည်။ အချိန်ကာလတစ်ခုကို လွန်မြောက်မှသာလျှင် ထိုအယောင်ဆောင်ထားသော အစစ်ဆိုသည်မှာ ပုံရိပ်ယောင်တစ်ခု ဖြစ်မှန်းမသိ ဖြစ်လာခဲ့လေသည်။ ထိုသူတို့သည် ကြာရှည် အယောင်ဆောင် မထားနိုင်သော သူများဖြစ်ပေလိမ့်မည်။ မည်သို့ပင်ရှိစေ အယောင်ဆောင်ခြင်းဆိုသည်မှာ မည်သည့်အတိုင်းအတာ၊ အချိန်မည်မျှကြာ အထိ ထိန်းထားနိုင်ပါမည်လဲ ဆိုသည်ကိုလည်း ကျမ သိချင်ခဲ့ပါသည်။ သေချာသည်ကတော့ အသက်ရှင်နေထိုင်နေစဉ် ကာလတစ်ခုပတ်လုံး အယောင်ဆောင်ခြင်းကို ထိန်းထားနိုင်ကြသည်လား။ သို့မဟုတ် တစ်ဦးတစ်ယောက်အတွက် ခေတ္တ အယောင်ဆောင်ထားရခြင်းလား. အခြေအနေတစ်ခုအတွက်လား. ကိုယ်ကျိုးအတွက်လား. သူတပါး၏ စိတ်ချမ်းမြေ့စေမှုအတွက် ဆိုသည့် ယောင်ချာချာ စိတ်ကူးအတွက်လား. ဆိုသည့်  အကြောင်းများကြောင့်လားဟု ကျမတွေးမိခဲ့ပါသည်။ အချို့အတွက်မူ အယောင်ဆောင်ခြင်း အတုအယောင် ဆိုသည်ကိုပင် အစစ်ဖြစ်သည်ဟု အခိုင်အမာ ယူဆသွားခြင်းလည်း ဖြစ်နိုင်ပါသေးသည်။ 

အချို့သူများကမူ ဆက်ဆံရသည့် တဘက်သား၏ ပြုမူပုံအရ အယောင်ဆောင်ထားသော စိတ်အတုဖြင့် တန်ပြန်ခဲ့ကြပေသည်။ ထိုသို့သော ဆက်ဆံမှုမျိုးသည် ဘဝတခုအတွက် နေထိုင်ရမည့် အချိန်ကာလတွင် ယုံကြည်မှု ဆိတ်သုဉ်းပြီး စစ်မှန်သော တန်ဖိုးရှိမည့် စိတ်ထားတစ်ခု ဖြစ်လာမည် မဟုတ်တော့ပေ။ ဆက်ဆံရေးကို ရေရှည်ထိန်းသိမ်းထားနိုင်ရန် တစ်ဦးနှင့်တစ်ဦး၊ လူမှုတစ်ဖွဲ့နှင့်တစ်ဖွဲ့ ယုံကြည်မှုရရန် စစ်မှန်သော စိတ်အစစ်ဖြင့် ဦးစွာတည်ဆောက်ရပေသည်။ ဆက်ဆံမှု အစမပျိုးခင်မှာပင် အယောင်ဆောင်ထားသော စိတ်အတုများဖြင့် ဖြစ်စေ ရည်ရွယ်ချက်ရှိရှိ ဆက်ဆံမည်ဆိုလျှင် ဘယ်သောအခါမှ စစ်မှန်သော အရာတစ်ခုကို ရလာမည်မဟုတ်ပေ။ ထိုသို့သော  စိတ်အတုများဖြင့် နေထိုင်နေသော သူများတွင်လည်း အစစ်လား၊ အယောင်ဆောင်ထားသောအစစ် (အတုအယောင်) လား၊ ဆိုသည်ကိုပင် ခွဲခြား မသိမြင်နိုင်တော့ပဲ သက်ရှိလူသားများ ကြိုက်နှစ်သက်သည့် အစစ်ဟူသော ဝေါဟာရ တစ်ခုအနေဖြင့်ပင် အယောင်ဆောင်ထားသော စိတ်ဖြင့် ခရီးဆက်လျှောက်နေပေလိမ့်မည်။ 

ပို၍ဆိုးသည်ကား မိမိကိုယ်တိုင် အယောင်ဆောင်ခြင်းပင် ဖြစ်ပေလိမ့်မည်။ မိမိ၏စိတ်နှလုံး၊ မိမိ၏အရိပ်၊ မိမိ၏ သစ္စာတရား၊ မိမိ၏မေတ္တာတရားကို အယောင်ဆောင်ထားမိလျှင် မိမိကိုယ်တိုင်ပင် ချေဖျက်ရပေမည်.။ အယောင်ဆောင်ထားသော စိတ်တစ်စုံကြောင့် မိမိမဟုတ်သော အခြားတစ်ယောက်. လူ့အဖွဲ့အစည်းအတွင်း တွင် နာကျင်စရာ၊ ဆုံးရှုံးစရာများ ဖြစ်နိုင်လာလိမ့်မည်။ 

စိတ်နှလုံး စစ်မှန်မှု နှင့် အတုအယောင်ကို သက်ရှိလူသားများသည် မည်ကဲ့သို့ ပေတံဖြင့် တိုင်းတာကြသနည်း။ မိမိအပေါ်တွင် မိမိလိုလားမည့် အပြုအမူဖြင့် ပြောဆိုဆက်ဆံသည်ကို အစစ်အမှန်ဟု ပြောနိုင်ပါမည်လား၊ သို့မဟုတ် မိမိမလိုလားမည့် ထိုသူ၏အတုံ့အပြန်ကိုကြည့်၍ အတုအယောင်ရှိသော စိတ်ဟု ပြောဆိုကြမည်လား။ ကနဦး ပြောဆိုဆက်ဆံနေစဉ်တွင် မိမိ၏စိတ်အတွင်း အမှန်တကယ် လိုလားသည့်စိတ်၊ အမှန်တကယ် မလိုလားသည့်စိတ်၊ အမှန်တကယ် ပြုမူဆက်ဆံလိုသောစိတ်၊ အမှန်တကယ် မဆက်ဆံချင်သောစိတ်၊ အမှန်တကယ် ထားနိုင်သော မေတ္တာတရားစိတ်၊ အမှန်တကယ် မထားနိုင်သော မေတ္တာတရားစိတ်၊ အမှန်တကယ် မထားနိုင်သော အမူအယာရှိခဲ့လျှင်လည်း မထားနိုင်သည့်စိတ်၊ များဖြင့် ဆက်ဆံခဲ့မည်ဆိုလျှင် အစစ်နှင့် အတုအယောင် ကို ခွဲခြားနိုင်ပေမည်။ မိမိ၏စိတ်တွင် ထင်ဟပ်လာသည့်စိတ်. မိမိ၏စိတ်အရင်းခံဖြင့်သာ တုံပြန်ပြောဆိုသင့်ပေသည်။ သို့မဟုတ်ပါက တဘက်လူသား၏ စိတ်တွင် မိမိပြောဆိုဆက်ဆံနေသည့် စိတ်ကို အစစ်ဟုသာ ထင်နေခဲ့ပြီး အချိန်ကာလ တစ်ခုကို ရောက်ခဲ့၍ မိမိပြောဆိုဆက်ဆံခဲ့သော စိတ်သည် အစစ်အမှန်မဟုတ်ပဲ တဘက်သားအပေါ် အတုအယောင်စိတ် ဖြစ်နေခဲ့သည်ကို သိရှိခံစားခဲ့လျှင် အတိုင်းအဆမရှိ ဝမ်းနည်းကြေကွဲ နာကျင်ရလိမ့်မည်။ ထိုသို့ ဝမ်းနည်းနာကျင်မှုမျိုးကို မိမိမခံစားချင်သလို မိမိမဟုတ်သော သူတပါးကိုလည်း မခံစားရစေရန် မိမိကပင် နေထိုင်ဆက်ဆံတတ်ရန် အထူးလိုအပ်လှပေသည်။ မိမိ၏ စိတ်ရင်းစိတ်မှန် စိတ်အစစ်ဖြင့် တပါးသူ၏ စိတ်နှလုံးကို တန်ဖိုးထားရပေမည်။ 

အယောင်ဆောင်ထားသောစိတ်ဖြင့် မည်သူတစ်ဦးတစ်ယောက်ကိုမျှ မတုံ့ပြန်မိစေရန်၊ အတုအယောင်စိတ်ဖြင့် မပြုမူ မဆက်ဆံမိစေရန်၊ မိမိကိုယ်တိုင် သတိပေးရင်း စစ်မှန်သော စာနာမှုများ ပြည့်နှက်နေသော စိတ်တစ်စုံဖြင့် စိတ်ရင်းအမှန်အတိုင်း မပြောင်းမလဲသော စိတ်အစစ်များကို ပိုက်ထွေး၍ လောကဝန်းကျင်တွင် အလှဆင် ပြုမူနိုင်ကြရန် ဤစာစုလေးဖြင့် ဆန္ဒပြုရည်မှန်းပါသည်။။။

အောင်မြေတစ်နေရာမှ ...လွမ်းချင်း သို့

မိုးယံထက်ထိ အောင်မြင်မှုအသံများ ကြားနေရသည့် အောင်မြေတစ်နေရာတွင် ဘာတွေများ လုပ်နေပါ့မလဲ ဟူသည့် အတွေးက ကျမ၏ စိတ်နှလုံးကို ပြင်းပြင်းထန်ထန် လာရောက် ရိုက်ခတ် နေပါသည်။ အောင်မြေနင်းပြီး အောင်မြင်မှုတွေ ရရှိထားသည့် နေရာတစ်ခုအတွင်း နေထိုင်နေသော သူတစ်ယောက် ဖြစ်နေပါလျက် သူ့အနေဖြင့် မည်သည့် အခန်းမှ ပါဝင်ခဲ့ပါသနည်း ဟူသည့် အတွေးကို တွေးရင်း တရားဓမ္မဖြင့် အမှန်တရား တစ်ခုဘက်မှာပင် ရှိနေမှာပါဟု အကောင်းမြင် ယူဆရင်း သူနေထိုင်သည့် အောင်မြေတစ်နေရာ အတွက် ဂုဏ်ယူနေမိပါသည်။

မှားခြင်း မှန်ခြင်း ဆိုသည်မှာ တစ်ဦးနှင့်တစ်ဦး အယူအဆ၊ နေထိုင်ပုံခြင်းရာများ၊ လက်တွေ့ဓမ္မဓိဌာန်ကျမှုများ၊ မိမိဘဝပေး အခြေအနေများ၊ ပတ်ဝန်းကျင်မှ တန်ပြန်မှုများ၊ ဝေဖန်ဆန်းစစ်နိုင်မှုများ၊ အသိပညာများ၊ မှတဆင့် လူ့အဖွဲ့အစည်းကြီး တစ်ခုလုံးအတွင်းတွင် နေထိုင်နေကြရသည့် တည်ဆောက်မှုပုံစံများထိ အလွန်ကျယ်ပြန့်လှပါသည်။

လူ့အဖွဲ့အစည်းကြီးတစ်ခုအတွင်း တစ်ဦနှင့်တစ်ဦး၊ လူများစုမှ လူနည်းစု၊ အင်အားကြီးတစ်ခုမှ အင်အားငယ်တစ်ခု၊ အာဏာကြီးသူမှ အာဏာမဲ့သူ၊ လက်နက်ရှိသူမှ လက်နက်မဲ့သူ၊ ပညာတတ်မှ ပညာချို့တဲ့သူ၊ ငွေကြေးချမ်းသာသူများမှ ဆင်းရဲသူများ သို့ မတရား အမူအကျင့်များဖြင့် လူမဆန်စွာ နိုင်ထက်စီးနင်း ပြုမူ လိုမှုများပါဝင်ပေသည်။

ယင်းသို့ ပြုမူပုံများကိုကြည့်၍ မှားခြင်း မှန်ခြင်းကို ဝေဖန်ပိုင်းခြား စဉ်းစားတတ်ပြီး မှန်ကန်သည့်ဘက်မှ နေ၍ မှန်ကန်သည့်အလုပ်ကို ကြောင်းကျိုးသင့်လျော်စွာ မျှမျှတတ ပြုမူရပေမည်ဟု ကျမ ယုံကြည်ပါသည်။ ကျမယုံကြည်သည့်အတိုင်း ယုံကြည်လိမ့်မည်ဟု တထစ်ချ မှတ်ယူနေမိသည်မှာလည်း လွန်မည်မထင်ပါ။

ပညာသင်နေစဉ် ကာလတွင်ပင် အမှန်တရားကို ခွဲခြားတတ်နေပြီးဖြစ်သော သူတစ်ယောက်သည် လက်တွေ့ဘဝတွင်လည်း အမှားအမှန်ကို ပိုင်းခြားတတ်နေပေလိမ့်မည်။ မတရားမှုများကို ငုံ့ခံမနေတတ်သော သူများ၏ အမူအယာ၊ စိတ်နှလုံး နူးညံ့မှု၊ လွတ်လပ်စွာ တွေးခေါ်မှု တို့ဖြင့် ပြည့်နေသောသူ၏ အကျင့်သည် မည်သည့်အချိန်မှာဖြစ်ဖြစ် အကြောက်တရားနှင့် ကင်းဝေးနေပေလိမ့်မည်။

လိုချင်ပြင်းပြသော စိတ်၊ လုပ်ချင်စိတ်နှင့် မှန်ကန်သည့်ခံယူချက် ကြီးမားသောသူ၏စိတ်က အကြောက်တရားကို ဖုံးလွှမ်း သွားပေလိမ့်မည်။ တခါတရံတွင် အကြောက်တရားကြောင့် မိမိကြောက်သောအရာ၏ သားကောင်ဖြစ်သွားခဲ့ရခြင်းလည်း ရှိတတ်သည် မဟုတ်လား။

အောင်မြေတစ်နေရာတွင် ခြေချခွင့်ရနေသော သူသည် အမှန်တရားဖြင့် ဂုဏ်သိက္ခာရှိစွာ နေထိုင်သည် ဆိုသည်ပင်လျှင် ထိုနေရာသည် သူ၏အောင်မြေ ဖြစ်နေပေလိမ့်မည်။ လူ့လောကတွင် နေထိုင်စဉ် မိမိနေထိုင်ခွင့် ရနေသော နေရာသည် မိမိ၏ အောင်မြေဖြစ်ရန် လိုအပ်လှပေသည်။

ထိုနေရာတွင် ဓမ္မတစ်ခုအတွက်. တရားမျှတမှုအတွက်. အမှန်တရားဖြင့် ပြည့်နှက်နေမည့် ရပ်ဝန်းတစ်ခုကို တည်တံ့နေစေရန် .. အစဉ်ကြိုးပမ်းရပေလိမ့်မည်။ စီးချင်းထိုးလျှင်လည်း ထိုးရပေလိမ့်မည်။

အောင်မြေတစ်ခုပေါ်တွင် နေထိုင်သော်လည်း သူ၏လုပ်ရပ်နှင့် အပြုအမူများသည် လူအများ၏ ပြစ်တင်ကဲ့ရဲ့စရာ၊ ဓမ္မဘက်မှ ရဲရဲမလျှောက်ရဲသော သူတစ်ယောက် ဖြစ်ခဲ့လျှင်ဖြင့် နေထိုင်ရာ နေရာတွင် လိပ်ပြာမလုံမည့် သူအဖြစ်နှင့် အကျည်းတန် နေပေလိမ့်မည်။ အကျည်းတန်သူများ များပြားနေသော နေရာတစ်ခုသည် ဘယ်သောအခါမှ အောင်မြေတစ်ခု ဖြစ်လာမည် မဟုတ်ပေ။ ဘဝတလျှောက်တွင် မိမိတစ်ယောက်တည်း အတွက်သာ ကြည့်တတ်ပြီး အများအတွက်၊ လောက ဝန်းကျင်အတွက် အနှစ်သာရမရှိသူ ဖြစ်နေမှာကို ကျမ ထိတ်လန့်မိသည်မှာ ဆိုဖွယ်ရာ မရှိတော့.။

အောင်မြေတစ်ခုပေါ်တွင် နေထိုင်နေသောသူသည် ဝန်းကျင်အတွင်းတွင် မျှတမှုရှိသော.၊ အမှန်တရားကို မြတ်နိုးသော၊ ကိုယ်ချင်းစာစိတ် အပြည့်ရှိသော၊ အပြန်အလှန် တန်ဖိုးထားမှုရှိသော၊ လေးစားမှုရှိသော၊ စည်းကမ်းရှိသော၊ မေတ္တာများနှင့် ပြည့်ဝနေသော သူတစ်ယောက် ဖြစ်နေလိမ့်မည်ဟု အကြွင်းမဲ့ ယုံကြည်ပါသည်။ ကျမ ယုံကြည်သည့်အတိုင်း ဖြစ်နေမည်ဟု ကျမ ရည်မှန်း မျှော်လင့်မိပါသည်.။

လူ့လောက လူ့အဖွဲ့အစည်းတွင် နေထိုင်စဉ် အချိန်ကာလအတွင်း မိမိနေထိုင်ခွင့် ရနေသော နေရာတွင် မိမိနှင့်အတူ လောကလူ့အဖွဲ့အတွင်းရှိ လူအများ၏ အောင်မြေ အဖြစ် ဖန်တီးနိုင်ကြပါစေ...ဟု..။

မတ်လမှာ..

မတ်လမှာ အမှတ်တရနေ့တွေ များခဲ့
မတ်လမှာ အရောင်တွေပြောင်းသွားခဲ့
မတ်လမှာ တချို့မျက်နှာတွေ စည်းနှောင်ခဲ့
မတ်လမှာ တချို့ ဝိညဉ်ပျောက်ခဲ့
မတ်လမှာ တချို့ အိမ်နဲ့ဝေးခဲ့
မတ်လမှာ တချို့ကျောင်းတော်ကြီးနဲ့ ဝေးခဲ့
မတ်လမှာ တချို့ စာသင်ခုံနဲ့ ကျောခိုင်းခဲ့
မတ်လမှာ တချို့ ချစ်သူကို စွန့်လွှတ်ခဲ့
မတ်လမှာ တချို့ အိပ်မက်တွေ စတေးခံခဲ့
မတ်လမှာ တချို့ အရာတွေ ထားပစ်ရစ်ခဲ့
မတ်လမှာ တစ္ဆေတွေနဲ့ စီးချင်းထိုးခဲ့
မတ်လမှာ နေ့တစ်နေ့ကနေ..
နေ့တစ်နေ့အဖြစ် အရေခွံ လဲခံ ရခဲ့..။

မတ်လမှာ ရာဇဝင်တွေ ပြောင်းခဲ့သလို
သူရဲကောင်းတွေ ပေါ်ထွက်ခဲ့တယ်၊
မတ်လမှာ သင်ရိုးညွှန်းတမ်းတွေနဲ့ ဝေးခဲ့သလို
ပညာရှင်တွေ ပေါ်ထွန်းခဲ့တယ်၊
မတ်လမှာ ဖြူစင်သန့်ရှင်းတဲ့ ရေပြင်ကနေ
နီရဲလွန်းတဲ့ သတ္တိသွေးတွေ ပြနိုင်ခဲ့တယ်၊
မတ်လမှာ အနုပညာတွေ ပျောက်ဆုံးခဲ့သလို
အနုပညာချစ်သူချင်း လက်တွဲခဲ့တယ်။
မတ်လမှာ အတောင်တွေ ချိုးခံခဲ့ရသလို
နူးညံ့တဲ့ လက်တွေ မာကျောခဲ့တယ်၊
မတ်လမှာ လွမ်းစရာ တနင့်တပိုးတွေ ထမ်းပိုးခဲ့ရသလို
မျှော်လင့်ချက်တွေ ရှင်သန်ခဲ့တယ်၊

မတ်လမှာ ကမ္ဘာ့ကဗျာနေ့လေးအတွက်
ကဗျာချစ်သူတွေ အတုန်းအရုန်းထကြ
ကဗျာချစ်သူတွေ အစွမ်းကုန်အင်အားပြကြ
ကဗျာချစ်သူတွေ ကဗျာသီကျူးကြ
ကဗျာချစ်သူတွေ ရင်ထဲကသံစဉ်တွေ လှစ်ဟပြကြ
ကဗျာချစ်သူတွေ ခံစားချက်ချင်း တူးဖေါ်ကြ
ကဗျာချစ်သူတွေ နှလုံးသားချင်း ဖလှယ်ကြ
ကဗျာချစ်သူတွေ စိတ်ကိုစိတ်ချင်း ထပ်ကြ

မတ်လမှာ ကဗျာချစ်သူတွေ
ကလောင်တံနဲ့ ဂုဏ်ယူ
ကိုယ့်လက် ကိုယ်နမ်းရှိုက်
ကိုယ့်သွေး ကိုယ်ဖေါက်
ကိုယ့်သစ္စာ ကိုယ်သောက်
ကိုယ့်ကဗျာ အတွက်
ဝိညဉ် ပူးကပ် နေခဲ့ကြတယ်။။

(မတ်လ ၂၁ ရက် ၂၀၁၂ ခုနှစ်၊ ကမ္ဘာ့ကဗျာနေ့လေးအတွက် အမှတ်တရ ရေးဖွဲ့ပါသည်။)

ငါးထောင်တန်ဖုန်းအပေါ် ဘလော့ဂ်ဂါတို့အမြင်(တဂ် ပို့စ်)

ဘလော့ဂါ သက်တန့်နဲ့ ညီမငယ် မဒမ်ကိုးတို့ တဂ်ထားတဲ့ ငါးထောင်တန်ဖုန်းအပေါ် ဘလော့ဂ်ဂါတို့အမြင်မှာ ပြောပြခွင့်ရတဲ့ အတွက်ကျေးဇူးတင်ပါတယ်။

၁ ။ ယခု ဆက်သွယ်ရေးက ချထားပေးမယ့် နှစ်သိန်းဝန်းကျင် ဖုန်းကို တန်ဖိုးနည်းဖုန်းလို့ သင်မြင်ပါသလား ။

Sim Card (ဆင်းမ်ကဒ်) တန်ဖိုးကိုပြောတာလို့ သဘောပေါက်မိပါတယ်။ နိုင်ငံတကာမှာတော့ ဆင်းမ်ကဒ်တစ်ခုရဲ့ တန်ဖိုးက အဲလောက်တန်ဖိုးမရှိတဲ့အတွက် နှစ်သိန်းဝန်းကျင်ဖုန်းကို တန်ဖိုးနည်းဖုန်းလို့ မမြင်မိပါဘူး။ ဖုန်းအလုံးကတော့ ကောင်းရင်ကောင်းသလို တန်ဖိုးအမျိုးမျိုးရှိတဲ့ အတွက် သင့်တော်သလို သုံးနိုင်ပါတယ်။ ဆင်းမ်ကဒ်ကို နှစ်သိန်းဝန်းကျင်နဲ့ ဝယ်ရတာဆိုရင် တန်ဖိုးအရမ်း ကြီးလွန်းနေပါတယ်။


၂ ။ ငါးထောင်တန်ဖုန်းပေါ်လာစေဖို့ စတေကာကပ်ခြင်း နဲ့ တီရှပ်များ ပြုလုပ်ခြင်းအပေါ် သင်ဘယ် လိုမြင် မိပါသလဲ ။

စနစ်ကျ စည်းကမ်းရှိတဲ့ ဦးဆောင်မှုကောင်းတဲ့သူတွေနဲ့အတူ လက်တွဲလုပ်မယ်ဆိုရင် အများပြည်သူအတွက် အကျိုးရှိမယ့် အလုပ်တစ်ခု ဖြစ်မယ်လို့ မြင်ပါတယ်။

၃ ။ ငါးထောင်တန်ဖုန်း ပေါ်လာစေဖို့ စုပေါင်းလက်မှတ်ထိုးပြီး လွှတ်တော်ကို တင်ပြခြင်းအပေါ် သင်ဘယ် လိုမြင်မိ ပါသလဲ ။

တရားမျှတမှုရှိဖို့ အဓိကကျပါတယ်။ လူအဖွဲ့အစည်းတစ်ခုမှာ တရားမျှတဖို့၊ လေးစားရမယ့် ဥပဒေကို လေးစားဖို့၊ လူလူချင်း တန်ဖိုးထားဖို့၊ လူသားတစ်ဦးရဲ့ ဂုဏ်သိက္ခာကို မြှင့်တင်တတ်ဖို့၊ လူတွေရဲ့ ရပိုင်ခွင့်၊ အခွင့်အရေးကို လေးစား လိုက်နာတတ်မယ်ဆိုရင် မှန်ကန်ကောင်းမွန်တဲ့ လူ့အဖွဲ့အစည်းကြီးတစ်ခု ဖြစ်လာမှာပါ။ အဲလို ကောင်းမွန်မှန်ကန်တဲ့ လူ့အဖွဲ့အစည်းကြီးကသာ မျှတမှုရှိတဲ့ ဝန်းကျင်တစ်ခုကို ဆောက်တည်ပြီး လူသားတွေရဲ့ ရပိုင်ခွင့်တွေကို ပေးနိုင်မယ်လို့ ယုံကြည်မိပါတယ်။

၎ ။ ငါးထောင်တန် ဖုန်း များပေါ်ပေါက်လာစေဖို့ သင့်အနေနဲ့ ကြိုဆိုပါသလား ။

ပြည်သူအားလုံးတန်းတူညီမျှ တယ်လီဖုန်း အသုံးပြုနိုင်လာခဲ့ရင်ဆိုတဲ့ စိတ်ကူး အိပ်မက်လေးနဲ့တင် ဝမ်းသာပျော်ရွှင်ပြီး ငါးထောင်တန်ဖုန်းများ ပေါ်ပေါက်လာဖို့ ကြိုဆိုလိုက်ပါတယ်။

၅ ။ ငါးထောင်တန် ဖုန်းအပေါ် သင့်အမြင်လေး တစ်ပိုဒ်လောက်ချရေးပေးပါ ။

ဆက်သွယ်ရေး ဧရိယာ၊ ဆက်သွယ်ရေး ပစ္စည်းတွေနဲ့ ဆက်သွယ်ရေး ကွန်ယက်ဖွံ့ဖြိုးတိုးတက်ဖို့ အတွက် ကောင်းမွန် လျင်မြန်စွာ လုပ်ကိုင်နိုင်ဖို့ မျှော်လင့်မိပါတယ်။ လူသားတစ်ဦးနဲ့တစ်ဦး ဆက်သွယ်ရေး အဆင်ပြေဖို့၊ ပြားလာတဲ့ ကမ္ဘာကြီးပေါ်မှာ လူသားတစ်ဦးနဲ့တစ်ဦး အနီးကပ်ဆုံး ခင်မင်နိုင်ပြီး အလွမ်းပြေစေနိုင်ဖို့၊ လုပ်ငန်းဆောင်တာတွေ မြန်မြန်ဆန်ဆန် သိလာဖို့၊ သတင်း အချက်အလက်တွေကို မျှဝေဖို့၊ သဘာဝ ပတ်ဝန်းကျင်ကြောင့် ရုတ်တရက် ကျရောက်လာမယ့် ဘေးအန္တရာယ်တွေကို ကြိုတင်သိရှိနိုင်ဖို့၊ အရေးကြီးတဲ့ အခြေအနေအချိန်မှာ အလျင်အမြန် ဆက်သွယ်နိုင်ဖို့၊ သေရေးရှင်ရေးတမျှ ဖြစ်ပြီး အရေးကြီးလာခဲ့ရင် ဆက်သွယ်ဖို့၊ ဆက်သွယ်ရေး ကိရိယာဆိုတာ လိုအပ်ပါတယ်။ အရေးပါတဲ့ ဆက်သွယ်ရေး ကိရိယာတဖြစ်လဲ တယ်လီဖုန်းကို အသုံးပြုပြီး ဆက်သွယ်တဲ့အခါ အရည်အသွေးပြည့်မှီပြီး အမြဲတမ်း ဖုန်းလိုင်းကောင်းဖို့ အရေးကြီးပါတယ်။ ဒါမှလည်း စိတ်ချမ်းသာစွာနဲ့ အလွယ်တကူ ဆက်သွယ်နိုင်မှာပါ။ ဆက်သွယ်ရေး ကိရိယာ တယ်လီဖုန်းကို မတန်တဆ ဈေးနှုန်းမြှင့်ထားလို့ လူတန်းစားခွဲခြားထားပြီး အရေအတွက် နည်းလွန်းလှတဲ့ လူဦးရေလောက်သာ ကိုင်နိုင်တဲ့အတွက် ဆင်းမ်ကဒ်တစ်ခုရဲ့ တန်ဖိုး ငါးထောင်သာဖြစ်ခဲ့မယ်ဆိုရင် နိုင်ငံတကာမှာ လူတိုင်းကိုင်နိုင်တဲ့ ဖုန်းတစ်လုံးကို မိမိတို့ တိုင်းပြည်မှာရှိကြတဲ့ ပြည်သူတွေလည်း အသုံးပြုနိုင်လာမှာကို တွေးမြင်မိပါတယ်။

ငါးထောင်တန်ဖုန်းများ ပေါ်ပေါက်လာအောင် ကြိုးပမ်းဆောင်ရွက်နေသူ အားလုံးကို လေးစားရင်း၊ ဖုန်းလိုင်းကောင်းကောင်းနဲ့ နိုင်ငံတကာနဲ့ ရင်ဘောင်တန်းနိုင်တဲ့ ပြည်သူအားလုံးရဲ့ လက်ထဲကတဆင့် နှလုံးသားများ ပြုံးပျော်နိုင်ဖို့ ဆန္ဒပြုမိပါတယ်။

မြို့ပျက်ညတွေထဲမှာ

မြို့ပျက်ညတွေထဲမှာ...
ကျမ.. လမ်းလျှောက်လာခဲ့တယ်
မြို့ပျက်ညတွေထဲမှာ နှလုံးသားတွေ ပျက်စီးယိုယွင်းနေတဲ့ လူသားများ
မြို့ပျက်ညတွေထဲမှာ ပျောက်ဆုံးသွားတဲ့ လင်းရောင်ခြည်များ
မြို့ပျက်ညတွေထဲမှာ ပြန်မရနိုင်တော့တဲ့ ကာလရွေ့လျားမှုများ
မြို့ပျက်ညတွေထဲမှာ ဖုံးလွှမ်းခံလိုက်ရတဲ့ အပြင်းစားမှိုင်းတိုက်မှုများ
မြို့ပျက်ညတွေထဲမှာ တိုက်စားခံလိုက်ရတဲ့ သစ္စာတရားများ
မြို့ပျက်ညတွေထဲမှာ လုယူခံလိုက်ရတဲ့ မေတ္တာတရားများ
မြို့ပျက်ညတွေထဲမှာ ဆုံးရှုံးသွားခဲ့ရတဲ့ မျှော်လင့်ချက်များ
မြို့ပျက်ညတွေထဲမှာ လဲဖြိုခံလိုက်တဲ့ အမှန်တရားများ
မြို့ပျက်ညတွေထဲမှာ မျက်နှာဖုံးစွပ် မင်းသားများ
မြို့ပျက်ညတွေထဲမှာ ဒယီးဒယိုင် လျှောက်လဲချက်များ
မြို့ပျက်ညတွေထဲမှာ ကူးလူးနေကြတဲ့ မျက်နှာတုများ
မြို့ပျက်ညတွေထဲမှာ မေ့နေကြတဲ့ ကိုယ်ကျင့်တရားများ
မြို့ပျက်ညတွေထဲမှာ မေ့ချင်ယောင်ဆောင်လိုက်ကြတဲ့ ဒုက္ခများ
မြို့ပျက်ညတွေထဲမှာ ဟန်ဆောင်နေကြ အပြုံးလေးများ
မြို့ပျက်ညတွေထဲမှာ ရိုးသားဟန်ခြေရာလေးများ
မြို့ပျက်ညတွေထဲမှာ အသံတိတ် သက်ပြင်းချသံများ
မြို့ပျက်ညတွေထဲမှာ လိုင်စင်မဲ့ လူသားများ
မြို့ပျက်ညတွေထဲမှာ ဖက်တွယ်ထားမိရက်သား အတ္တလူသားများ
မြို့ပျက်ညတွေထဲမှာ ရမ်းကားနေကြ လက်ညှိုးများ
မြို့ပျက်ညတွေထဲမှာ ရယ်မောချင်စရာ ပြက်လုံးများ
မြို့ပျက်ညတွေထဲမှာ အရောင်ပြောင်း သစ်ငုတ်များ
မြို့ပျက်ညတွေထဲမှာ လွမ်းဆွတ်ဖွယ် အမည်နာမများ
မြို့ပျက်ညတွေထဲမှာ ထူးဆန်းအံ့သြဖွယ် ကတိကဝတ်များ
မြို့ပျက်ညတွေထဲမှာ နာကျင်ဖွယ် ဒဏ္ဍာရီပုံပြင်များ
မြို့ပျက်ညတွေထဲမှာ ခေါင်းပါးလွန်းတဲ့ ကိုယ်ချင်းစာတရားများ
မြို့ပျက်ညတွေထဲမှာ ဆန့်ကျင်ဘက် တုံ့ပြန်မှုများ
မြို့ပျက်ညတွေထဲမှာ ပူလောင်မှုတွေပေးခဲ့တဲ့ လိုချင်မှုများ.. နဲ့
မြို့ပျက်ညတွေထဲမှာ ကျမရဲ့ အသည်းနှလုံး လုံးပါးပါးခဲ့တယ်။


မြို့ပျက်ညတွေထဲမှာ...
မောပန်းနေတဲ့ အပြုံးမျက်နှာလေးတခု
မြို့ပျက်ညတွေထဲမှာ...
ယုံကြည်ချက် ခိုင်မာတဲ့ လက်တစ်စုံ
မြို့ပျက်ညတွေထဲမှာ...
တည်ကြည်တဲ့ စကားလေးတစ်ခွန်း
မြို့ပျက်ညတွေထဲမှာ...
ခမ်းနားလှပတဲ့ နှလုံးသားတစ်နေရာ
မြို့ပျက်ညတွေထဲမှာ...
ထည်ဝါပြတ်သားတဲ့ အတွေးတစ်ခု
မြို့ပျက်ညတွေထဲမှာ...
ကမ္ဘာကြီးကို လှုပ်နှိုးခဲ့တဲ့ ရိုးသားဖြူစင်တဲ့မျက်နှာလေး
မြို့ပျက်ညတွေထဲမှာ...
ခက်ခက်ခဲခဲ ရှာဖွေတွေ့ရှိခဲ့တယ်။

ကမ္ဘာ့ကဗျာနေ့...မှာရေးချမိခဲ့သော...

ကမ္ဘာမှာ အုပ်အော်သောင်းနင်းနဲ့
ဟိုဘက်တဘက်က ဆူနာမီနဲ့ မြေငလျင်...
ဟိုဘက်တဘက်က ငိုကြွေးပူပန်မှု...
ဟိုဘက်တဘက်က တော်လှန်ရေး...
ဟိုဘက်တဘက်က ဆာလောင်ငတ်မွတ်မှု...
ဟိုဘက်တဘက်က ပြေးလွှားနေကြရသူတွေ..
ဟိုဘက်တဘက်က အသေခံသမားတွေ...
ဟိုဘက်တဘက်မှာတော့ အာဏာရှင်တွေက
အဆိုးဆုံး ဖိနှိပ်မှုတွေနဲ့ မာန်ဖီကြွ
ဟိုဘက်တဘက်မှာ ညီညွတ်ရေးဆိုတာ ဖွေရှာတုန်း

ဟော...
လနဲ့ ကမ္ဘာအနီးဆုံးရောက်သတဲ့
လရဲ့ ဆွဲငင်အားကြောင့်
ပထဝီ.. အနေအထား...
စိတ်..အခြေအနေပါ ပြောင်းလဲမယ်ဆိုပါ့...လား

နှစ်ပေါင်းများစွာ..
မာန်တချီချီနဲ့ မပြောင်းလဲခဲ့တဲ့
အာဏာရှင်စိတ်ကိုရော.
ဆွဲငင်အားနဲ့ ပြောင်းလဲပေးနိုင်တယ်ဆိုတဲ့
လ..........က....
ဘယ်လိုလုပ်ပေးမှာလဲ၊

ကမ္ဘာ့ကဗျာနေ့မှာလည်း
ကဗျာမဆန်တော့အောင်...
အဆိပ်ဓါတ်ငွေ့တွေနဲ့ လောင်ကျွမ်း..
စိတ်တွေ ကပိုကရိုနဲ့..
ဒုန်းဒုန်းကျ..
........

ကမ္ဘာလည်း မှောင်အတိ.
ကဗျာလည်း မှောင်အတိနဲ့..
မှောင်ကမ္ဘာဖုံးနေတဲ့
လောကကမ္ဘာထဲ
.....................

ကမ္ဘာမှာ ကဗျာဆန်လာတဲ့
နေ့တနေ့အဖြစ်..
မြင်တွေ့ခွင့်ရအောင်
..................တို့အားလုံး
အတူ
.......................................
.................................နဲ့
..........................
...................
မီးအိမ်လေးကိုဆွဲပြီး
ခရီးဆက်ကြစို့.............!!!

(မနှစ်က မတ်လ ၂၁၊၂၀၁၁ ခုနှစ် ကမ္ဘာ့ကဗျာနေ့မှာ ချရေးမိထားတာလေးပါ)

အတွေးနှင့် အသက်ဆက်သူများ

သက်ရှိလူသားတစ်ယောက်၏ အတွေးထဲတွင် စီးမြောနစ်ဝင်နေသော အရာသည် ထိုသူ၏ နှလုံးသားထဲတွင် စွဲနစ်နေသော ပုံရိပ်အချို့ပင် ဖြစ်ပေလိမ့်မည်။ ထိုပုံရိပ်မှ ထင်ဟပ်လာသော အရာအချို့ကို စာရွက်ပေါ်တွင်အစက်ချမလား၊ သံစဉ်တေးသွားအဖြစ် သီဆိုဖေါ်ကျူးလေမလား၊ ကဗျာအဖြစ် အသွင်ပြောင်းလေမလား၊ ပန်းချီအဖြစ် ပုံဖေါ်ဆွဲခြစ်လေမလား၊ စာတပုဒ်အဖြစ် ချပြလေမလား၊ စသည်ဖြင့် ဘဝတစ်ခုကို အမျိုးမျိုးသော ပုံသဏ္ဍာန်များဖြင့် အကောင်အထည်ဖေါ်ကြမည် ဖြစ်ပေသည်။

လွတ်လပ်သော လူသားတစ်ယောက်ဖြစ်ခဲ့လျှင်ပေ့ါ။

လွတ်လပ်သော လူသားတစ်ယောက်တွင် ရှိနေသော အတွေးတခုကို လုပ်ဆောင် ကြိုးပမ်းခွင့် ရမည် ဖြစ်သော်လည်း ကိုယ်အားဖြင့် လွတ်လပ်မှုမရှိသော သူတစ်ယောက်၏ အတွေးတခုကို မည်ကဲ့သို့ ဖြစ်မြောက်အောင် လုပ်ခွင့်ရှိပါမည်လဲ။ သို့သော် ကိုယ်အားဖြင့် လွတ်လပ်မှု မရှိသော်လည်း စိတ်လွတ်လပ်မှု ရှိနေသော လူသားတစ်ယောက်၏ အတွေးကို မည်သူတစ်ဦးတစ်ယောက်မျှ ချုပ်နှောင်ထား၍ ရမည်မဟုတ်ပေ။ ကိုယ်အားဖြင့် လွတ်လပ်မှုရှိလာသော အချိန်တခုတွင် သူ၏အတွေးကို တည်ဆောက်နိုင်မည်မှာ မလွဲဧကန်ပင်။ ထိုကဲ့သို့ လုပ်ဆောင်မည်ဟူသည့် အတွေးတစ်ခုထဲနှင့်ပင် အသက်ဆက်ရှင်နိုင်ရန် အင်အားတစ်ခု ရခဲ့ပေလိမ့်မည်။ အတွေးနှင့်ပင် အသက်ဆက်လက် ရှင်သန်ရန် စိတ်ခွန်အား ရခဲ့ပေမည်။

ကိုယ်အားဖြင့် လွတ်လပ်မှုမရှိသော သူတစ်ဦးသည်အတွေးဖြင့်ပင် အသက်ကိုဆက်၍ မျှော်လင့်ချက်တခုဖြင့် အချိန်ကာလကို မျောလွင့်ရင်း ကုန်လွန်ခဲ့ရပေလိမ့်မည်။ ထိုအတွေးဖြင့်ပင် တွေးမိသမျှများကို စိတ်ကူးဖြင့်ပင် ထုဆစ်ရင်း မိမိ၏စိတ်ကို အတွေးဖြင့်ပင် ကုစားရပေမည်။ ထိုသူ၏အတွေးထဲတွင် လှပသော အနာဂတ်တခု ရှိနေပေလိ့မ်မည်။ ရိုးရှင်းသော အတွေးတခုတွင် ကိုယ်ချင်းစာတရားများ ပြည့်နှက်နေသော လူ့ဘောင်လောကလေးတခုကို တည်ထောင်နေပေလိမ့်မည်။ စိမ်းစိုလန်းဆန်းသော ဥယျာဉ်ကြီးတစ်ခုကို ဖန်တီးနေပေလိမ့်မည်။ မျှတသော ဝန်းကျင်တစ်ခုဖြစ်လာရန် ကြိုးပမ်းနေပေလိမ့်မည်။

ကိုယ်ခန္ဓာကို နှောင်ဖွဲ့ထားခြင်းခံရသော သူသည် လေးဘက်လေးတန် ပိတ်လှောင်နေသော နံရံလေးဘက်၏ အခန်းတခုထဲတွင် မှုန်ပြပြ အလင်းရောင်တခု ရှိချင်ရှိမည်၊ သို့မဟုတ် မှောင်ပိန်းနေပြီး အလင်းရောင်မရှိသော အခန်းတခု ဖြစ်ချင်ဖြစ်နေလိမ့်မည်၊ မည်သို့ပင်ဖြစ်စေကာမူ ကိုယ်ခန္ဓာကို နှောင်ဖွဲ့ထားသော်လည်း နှလုံးသား ဝိညဉ်တခုကိုတော့ အဘယ်အရာကမျှ ချုပ်နှောင်၍ ရမည်မဟုတ်ပါ။ ထိုသူ၏ စိတ်၊ ထိုသူ၏ အတွေးသည် လွတ်လပ်စွာဖြင့် ဖြန့်ကျက် နေပေလိမ့်မည်။ အတွေးဖြင့်ပင် လုပ်စရာ ရှိသည်များကို ထွင်းထုနေပေလိမ့်မည်။


ကိုယ်လွတ်လပ်မှု ရှိလာသော အချိန်တွင် မိမိ၏ အတွေးများကို စိတ်စွမ်းအားရှိသလောက် လုပ်ဆောင်နိုင်မည် ဖြစ်ပေမည်။ ထိုအချိန်ကာလသည် အလွန် ကြည်နူးစရာကောင်းပြီး တန်ဖိုးရှိသော နေ့ရက်များ ဖြစ်ပေလိမ့်မည်။ မိမိကဲ့သို့ လူသားများကို စိတ်နှလုံး ချမ်းအေးစေနိုင်အောင် လုပ်ဆောင် ပေးခွင့်ရမည့် အတွေးထဲမှ အတွေးတစ်ခု ဖြစ်နေလိမ့်မည်ဟု ယုံကြည်မိပါသည်။ ထိုယုံကြည်မှုနှင့်အတူ ထပ်ဆင့်၍ အတွေးထဲမှ အတွေးများကိုလည်း လုပ်ဆောင်နိုင်ခွင့်ရ ကြမည်ဟု တောင့်တမိပါသည်။

လူတစ်ယောက်၏ အတွေးထဲတွင် အတိတ်၊ ပစ္စုပ္ပန်၊ အနာဂတ် ဆိုသော ကာလသုံးပါး၏ အကြောင်းခြင်းရာ များကား အုပ်မိုးထားပေလိမ့်မည်။ အတိတ်ကာလက ဖြစ်ပျက်ခဲ့သော ကောင်းခြင်း ဆိုးခြင်းများကို တွေးတောရင်း၊ ပြင်ဆင်ပြုပြင်စရာ ရှိသည်များကို ပြုပြင်ရင်း ပစ္စုပ္ပန်ကာလတွင် အကောင်းဆုံး နေထိုင်ကြလျှင် အေးချမ်းသော အတိတ် ကာလတခုကို ပိုင်ဆိုင်ခွင့် ရမည်ဖြစ်ပေမည်။

လွတ်လပ်သော ဘဝလေးတစ်ခုတွင် လွတ်လပ်သော အတွေးများစီကုံးကာ လင်းရောင်ပေးနိုင်သော လက်တစ်စုံ ပိုင်ဆိုင်သူအဖြစ် အသက်ဆက်နိုင်သူ လူသားတစ်ဦး အနေနှင့် လျှောက်လှမ်းခွင့် ရနိုင်ကြစေရန် မျှော်မှန်း ရည်သန်မိပါသည်။။။

သစ္စာတရားကို ရှာဖွေခြင်း

လူတယောက်ဟာ အမှန်တရားကို ရှာဖွေဖို့ ထွက်လာခဲ့တယ်။ သူစပြီးတွေ့ဆုံခဲ့တဲ့ ဘာသာရေး ကိုင်းရှိုင်းတဲ့ပုဂ္ဂိုလ်တယောက်ဟာ သူ့ရွာရဲ့အပြင်ဘက်က သစ်ပင်အောက်မှာ ထိုင်နေတာကို တွေ့ခဲ့တယ်။

ကျွန်ုပ်က ထိုပုဂ္ဂိုလ်ကို အမှန်တရားနဲ့ သစ္စာတရားရှိတဲ့သူကို ရှာဖွေနေတာလို့ ပြောခဲ့ပါတယ်။ အဲလိုလူမျိုးတွေရဲ့ ထူးခြားတဲ့ လက္ခဏာတွေကို ပြောပြပေးဖို့ တောင်းပန်ခဲ့ပါတယ်။ ထိုပုဂ္ဂိုလ်ရဲ့ ဖွင့်ဆိုထားတဲ့အချက်လေးက သိပ်ကို ရိုးရှင်းလှပါတယ်။" ဒီလိုမျိုး သစ်ပင်အောက်မှာ ထိုင်နေတဲ့သူမျိုး၊ ဒီလို ဟန်ပန်အနေအထားရှိတဲ့သူမျိုး၊ ဒီလိုအမူအယာမျိုး ရှိတဲ့သူမျိုး"ပေ့ါ၊ အဲလိုပုဂ္ဂိုလ်မျိုးက မင်းရှာဖွေတဲ့ပုဂ္ဂိုလ်မျိုးပါပဲ။

ရှာဖွေမယ့် ကျွန်ုပ်ဟာ စပြီးထွက်ခွါလာခဲ့ပါတယ်။ နေရာအနှံ့လျှောက်သွားနေခဲ့တာ နှစ်ပေါင်းသုံးဆယ်ကျော် ကြာခဲ့တယ်။ သူဟာ နေရာပေါင်းစုံရောက်ခဲ့တယ် ဒါပေမယ့် သူတွေ့ဆုံချင်တဲ့ ပုဂ္ဂိုလ်မျိုးကို မတွေ့ခဲ့ပါဘူး။

သစ္စာရှိသည်ဟု ဆိုသူများကိုတွေ့ခဲ့ပြီး မည်သူတဦးတယောက်မျှ သစ္စာတရားရှိသူများ မဟုတ်ခဲ့ပါဘူး။ သူဟာ အလွန်အမင်း မောပန်းနွမ်းနယ်ပြီး နေရပ်ကိုပြန်လာခဲ့တော့တယ်။

သူပြန်လာတဲ့အခါ အလားတူသစ်ပင်အောင်မှာ ထိုင်နေတဲ့ အဖိုးအိုကိုတွေ့လို့ မယုံကြည်နိုင်လောက်အောင် အံ့အားသင့်ခဲ့ပါတယ်။ "သူပြောတဲ့အတိုင်း သစ်ပင်အောက်မှာ ထိုင်နေတယ်၊ သူ့ရဲ့ ဟန်ပန်အနေအထားကလည်း သူပြောတဲ့အတိုင်းပါပဲလား"။ "လွန်ခဲ့တဲ့ နှစ်ပေါင်း သုံးဆယ်က ဒီလို ထိုင်နေခဲ့တယ်၊ ကျွန်ုပ်မျက်လုံး ကွယ်နေလို့လား" သူ့ရဲ့မျက်နှာနဲ့ သူ့ရဲ့အမူအယာတွေကို အရင်အတိုင်း တွေ့ရတယ်။

ကျွန်ုပ်က ကျွန်ုပ်ရဲ့ခံစားချက်ကို...
"ပထမစတွေ့ခဲ့တုန်းက ဘာဖြစ်လို့ကျွန်ုပ်ကို မပြောခဲ့တာလဲ"
"နှစ်ပေါင်းသုံးဆယ်လောက် ဘာဖြစ်လို့ လမ်းမှားကို ပို့လိုက်ရတာလဲ"
"အမှန်တရားနဲ့ သစ္စာတရားရှိတဲ့သူလို့ ဘာဖြစ်လို့ မပြောတာလဲ" လို့ ပြောတော့ အဖိုးအိုက "မင်းနားလည်သဘောပေါက်မှာ မဟုတ်သေးတဲ့အတွက်ကြောင့်ပဲလို့" ပြောခဲ့တယ်။

"ဝေးလံတဲ့နေရာကို လျှောက်မသွားပဲ မင်းအိမ်ကို ပြန်လာဖို့ စိတ်ကူးမှာမဟုတ်ဘူး။ မင်းဟာ ကိုယ့်ရဲ့နေရာကို ရောက်လာဖို့အတွက် နေရာပေါင်းများစွာကို သွားခဲ့ပြီးပြီ၊ မင်းပြန်လာမှ ဒီလိုအပင်အောက်မှာ အစခပ်သိမ်းရှိတယ်လို့" ပြောခဲ့တယ်။ "ငါထိုင်တဲ့ ပုံစံမျိုးပေ့ါ၊ ဒါပေမယ့် မင်းစိတ်တွေက ဆန္ဒစောလွန်းတယ်၊ မင်းနားမထောင်ဘူး၊ မင်းရေးကြီးသုတ်ပြာ အလောတကြီး လုပ်ခဲ့တယ်"။

"မင်းဟာ သစ္စာတရားရှိတဲ့သူကို ရှာဖွေဖို့အတွက် နေရာတကာကို သွားခဲ့တယ်။ မင်းအတွက် ရှာဖွေတာက အရေးကြီးနေတယ်၊ အမှန်တရားက အရေးမကြီးခဲ့ဘူး။ ဒါပေမယ့် မင်းဘာဖြစ်လို့ ပြန်လာတာလဲကွာ! ငါပင်ပန်းလှပြီ၊ မင်းအတွက် ဒီပုံစံအတိုင်း အဆက်မပြတ် ထိုင်နေခဲ့တာ အတော် ပင်ပန်းနေခဲ့ပြီ"

"မင်းဟာ နှစ်ပေါင်းသုံးဆယ်လောက် လျှောက်သွားခဲ့ပြီးပြီ၊ ဒါပေမယ့် သစ်ပင်အောက်မှာ ငါထိုင်နေတယ်ဆိုတာ စဉ်းစားနေမိလိမ့်မယ်၊ မင်းတနေ့ ဒီနေရာကို ပြန်ရောက်လာမယ်ဆိုတာ ငါသိပါတယ်၊ ဒါပေမယ့် ငါကွယ်လွန်သွားခဲ့ရင် မင်းဘာလုပ်မလဲ၊ ငါမင်းကိုစောင့်နေခဲ့တယ်၊ မင်းပြန်ရောက်လာခဲ့ပြီ၊ နှစ်ပေါင်းသုံးဆယ်လောက် လျှောက်သွားခဲ့ရပြီးပြီ၊ ဒါဟာ မင်းရဲ့ အမှားပဲ၊ သစ္စာရှိတယ်ဆိုတဲ့ သူဟာ ဒီမှာပါပဲကွာ"

"ငါတို့ဟာ ငါတို့နားမှာဘာရှိလဲ၊ ငါတို့ဘေးမှာ ဘာရှိလဲဆိုတာ မမြင်နိုင်တာ ငါတို့ဘဝမှာ အကြိမ်ပေါင်း များစွာဖြစ်ခဲ့ပါတယ်၊ ဟိုးအဝေးက သာယာတဲ့အသံလေးက ငါတို့ကို ဆွဲဆောင်တယ်၊ ဝေးလံတဲ့ စိတ်ကူး၊ အိပ်မက်တွေက ငါတို့ကို ဆွဲခေါ်သွားခဲ့တယ်၊"

ကိုယ့်ကိုယ်ကို ယုံကြည်စိတ်ချဖို့ ကြိုးစားပါ၊ ပြီးတော့ ကိုယ့်စိတ်ကို သိအောင်ကြိုးစားပါ၊ မင်းဟာ မင်းရဲ့စိတ်အတွင်းမှာ သစ္စာတရားရှိတယ်ဆိုတာကို မင်းကိုယ်မင်း မယုံကြည်ခဲ့ဘူး။

www.funzug.com မှ Try to believe in yourself ကို ဘာသာပြန်ဆိုသည်။

၂၀၁၁…

၂၀၁၁ နိဂုံးမှာ
ငါမလိုချင်တဲ့ အနိဌာရုံ
ငါမလိုချင်တဲ့ သွေးစက်
ငါမလိုချင်တဲ့ မျက်ရည်
ငါမလိုချင်တဲ့ ရင်တွင်းသောက
ငါမလိုချင်တဲ့ ကြေကွဲမှု
ငါမလိုချင်တဲ့ ဒဏ်ရာ
ငါမလိုချင်တဲ့ ကြောက်စိတ်
ငါမလိုချင်တဲ့ ခေါင်းပေါင်းအတု
ငါမလိုချင်တဲ့ တောင်ရှည်အတု
ငါမလိုချင်တဲ့ မေတ္တာအတု
ငါမလိုချင်တဲ့ သစ္စာအတု
ငါမလိုချင်တဲ့ ဘဝအတု
ငါမလိုချင်တဲ့ ချစ်ခြင်းအတု
ငါမလိုချင်တဲ့ အပြုံးအတု တွေ ရလိုက်တယ်။

အတုလွန်တဲ့ ဘက်ခြားမှာ
ငါတို့လိုချင်တာ အမှန်တရား
ငါတို့လိုချင်တာ ငြိမ်းချမ်းမှု
ငါတို့လိုချင်တာ တရားမျှတမှု
ငါတို့လိုချင်တာ ညီညွတ်မှု
ငါတို့လိုချင်တာ စစ်မှန်မှု
ငါတို့လိုချင်တာ ဝမ်းဝမှု
ငါတို့လိုချင်တာ လုပ်ခမျှမျှရမှု
ငါတို့လိုချင်တာ ယုံကြည်မှု
ငါတို့လိုချင်တာ လူလူချင်းတန်ဖိုးထားမှု

သူတို့ ငါတို့ကိုပေးတာက
ငါတို့ မလိုချင်တာတွေ………….။။။