Friday, September 23, 2011

ဧရာဝတီမြစ်ဆုံဆည်ကြောင့် ရိုက်ခတ်လာမည့် ဆိုးကျိုးများ



မြန်မာနိုင်ငံ၏ အချက်အချာဒေသများကို ဖြတ်သန်းစီးဆင်းနေသော အာရှတိုက်၏ အဓိကမြစ်ကြီး တသွယ် ဖြစ်သည့် ဧရာဝတီမြစ်ကို ဆည်ဖို့ကြပေတော့မည်။

ဧရာဝတီမြစ်ကိုပိတ်၍ (၁၅၂) မီတာ အမြင့်ရှိသော ဧရာမဆည်ကြီး တခုကို တည်ဆောက်ပြီး လျှပ်စစ်ဓါတ်အားကို တရုတ်ပြည်သို့ ပို့လွှတ်ရောင်းချရန် တရုတ်ကုမ္ပဏီအား ရင်းနှီးမြှုပ်နှံခွင့်ပြုခဲ့သည်။

ဧရာဝတီမြစ်သည် ကချင်ပြည်နယ်ရှိ မလိခနှင့် အင်မိုင်ခ(မေခ) မြစ်ဖျားပေါင်းစုံရာမှ နေ၍ စတင်စီးဆင်းသည်။ ဤမြစ်ဖျားခံရာ မြစ်နှစ်စင်းလုံးသည် ဟိမဝန္တာတောင်တန်း၏ အရှေ့တောင်ပိုင်းဒေသ မှ မြစ်ဖျားခံလာခြင်းဖြစ်သည်။ အင်မိုင်ခမြစ်သည် ပူတာအို မြောက်ဘက်ရှိ လင်ဂွေလာ ရေခဲတောင်ထွဋ်မှာ စတင်ပေါ်ထွန်းသည်။ မြစ်ဆုံသည် ကချင်ပြည်နယ် မြို့တော် ဖြစ်ကြီးနားမြို့၏ မြောက်ဘက် (၂၈) မိုင် အကွာတွင် တည်ရှိသည်။

ရေအားလျှပ်စစ်လုပ်ငန်း စီမံချက်(၇) ခုမှာ ဧရာဝတီမြစ်ဆုံ၊ ချီဗွေ၊ ပါရှီး၊ လာကင်၊ ဖီဇော၊ ခေါင်ဂလန်ဖူ၊ လိုင်ဇာ ဖြစ်သည်။

ဧရာဝတီမြစ်ဆုံဆည်သည် ဤမြစ်ကြောင်းတလျှောက် တရုတ်တို့က တည်ဆောက်မည့် ဆည်ကြီး (၇) ခုအနက် ပထမဦးဆုံးဆည်လည်း ဖြစ်သည်။

ဧရာဝတီမြစ်ဆုံဆည် တည်ဆောက်ပြီးသည်နှင့် ဆည်၏ အထက်ပိုင်းတွင် ရေလှောင်ကန် အတွင်းသို့ ရေဖြည့်သွင်းသည် နှင့်တပြိုင်နက် ရေလှောင်ကန်ကြီး၏ အမြင့်ဆုံး ရေချိန်မှတ်ထက် နိမ့်သောနေရာများမှ လူထုများ ပြောင်းရွှေ့ပေးရတော့မည်။ သူတို့၏ အိုးအိမ်များ၊ စိုက်ပျိုးမြေယာများ၊ ဘိုးဘွားပိုင် မြေနေရာများနှင့် အထွဋ်အမြတ် ထားရာနေရာ များလည်း ရေအောက်သို့ ရောက်ရှိ မြုပ်ကွယ်သွားပေမည်။ ကျေးရွာပေါင်း ၄၇ ရွာကို လုံးဝရေဖုံးလွှမ်း သွားမည်ဖြစ်ပြီး၊ လူဦးရေ ခန့်မှန်းချေအားဖြင့် ၁၀၀၀၀ မျှ အိုးအိမ်မဲ့ဖြစ်ကာ ရွှေ့ပြောင်းကြရပေမည်။ လုံးဝရေလွှမ်းခံရမည့် ကျေးရွာများ အပြင် အခြားကျေးရွာ အများသည်လည်း လယ်ယာခြံမြေများ ဆုံးရှုံးနိုင်ခြင်း၊ သစ်တောများ ဆုံးရှုံးခြင်း၊ ကူးသန်းသွားလာရေး လမ်းကြောင်းများ ရေမြုပ် သွားခြင်းများ ရေလွှမ်းခံရခြင်းကြောင့် ပြောင်းရွှေ့လာသည့် လူထုများ ဝင်ရောက်လာခြင်း၊ စသည့် အကျိုးဆက် များကိုလည်း ခံစားကြရပါလိမ့်မည်။

ဒေသခံများသည် တိုင်းရင်းဆေး သစ်ဥသစ်ဖုများကို သင့်လျော်သည့်အချိန်၊ ရာသီတွင် ရှာဖွေ စုဆောင်းကြသည်လည်း ရှိကြသည်။ နောင်မျိုးဆက်များအထိ ဆက်လက်သုံးစွဲနိုင်ရန် သစ်ပင်၏ ပင်စည်မှ အပွေးကိုမယူဘဲ အကိုင်းအခက်များကိုသာ ယူကြပါသည်။ တိုင်းရင်းဆေးဝါးများအပြင် အချို့သော အမျိုးသမီးများကလည်း သစ်မဟုတ်သော တောထွက်ပစ္စည်းများအပေါ် မှီခို၍ အသက်ရှင်သန် ရပ်တည်နေကြရသည်။ မှိုများ၊ ဟင်းရွက်မျိုးစုံ၊ တောထွက် သစ်သီးမျိုးစုံကို ရောင်းချကာ ဝင်ငွေရှာ ကြသည်။ ဤတောများသည် ကျေးလက်နေ လူထုများအတွက် ဘဏ်တခုသဖွယ် တန်ဖိုးရှိလှသည်။

မြစ်ဆုံဆည် ဆောက်လိုက်သည့်အချိန်တွင် ဤတောများမှာ ရေအောက်ရောက်သွားတော့မည် ဖြစ်ပြီး ရှင်သန်နေထိုင်နိုင်သည့် ဘဝများလည်း ပျက်စီး ပြိုကွဲကြရပေတော့မည်။

မြစ်ဆုံဒေသ၏ သဘာဝအလှအပနှင့် ကချင်လူမျိုးများ၏ ကြွယ်ဝလှသော ယဉ်ကျေးမှုကြောင့် လူများစွာ လာရောက် လည်ပတ်လေ့ရှိပါသည်။ ခရီးသွားလုပ်ငန်းမှနေ၍ ဒေသခံများ ဝင်ငွေ ရရှိနေပါသည်။ ယဉ်ကျေးမှုဆိုင်ရာ အရေးပါသည့်နေရာများ ရေမြုပ်ဆုံးရှုံးရတော့မည် ဖြစ်သဖြင့် လူအများ ဂုဏ်ယူခဲ့ရသော နေရာများသည် နောင်မျိုးဆက်များစွာတိုင် ဆုံးရှုံးသွားတော့မည် ဖြစ်သည်။

ဆည်တည်ဆောက်လိုက်မှုကြောင့် မြစ်ညာဒေသတွင် ငါးများရွှေ့ပြောင်း အခြေချ သားပေါက်မှုကို ပိတ်ပင်လိုက်သကဲ့သို့ ဖြစ်သွားစေမည်ဖြစ်သည်။ ထို့ကြောင့် ရေကာတာ အတွင်းနှင့် မြစ်အောက်ပိုင်း ဒေသများတွင် ငါးအရေအတွက် ကျဆင်းလာနိုင်သကဲ့သို့ ငါးမျိုးစိတ် များလည်း လျော့နည်းလာနိုင်သည်။

မြစ်အောက်ခြေမြစ်ကြောင်း တလျှောက်နှင့် မြစ်ကြောင်းနှင့် နီးစပ်ရာဒေသများတွင် နေထိုင်ကြသော လူမှုအသိုင်းအဝိုင်းများတွင် ဆည်ကြီးများ တည်ဆောက်ခြင်းကြောင့် ဖြစ်ပေါ်ရသော ဆိုးကျိုးများကို သိသိသာသာ ကြုံတွေရနိုင်ပါသည်။

အထူးသဖြင့် မြစ်၏ ရေစီးဆင်းမှုများ ပြောင်းလဲသွားပြီး ရေလွှမ်းနုံးတင်သော လွင်ပြင်များကို ပြောင်းလဲ သွားစေနိုင်ပါသည်။ ဤသို့ ဖြစ်သည်နှင့်အမျှ မြစ်ရေကျချိန်တွင် စိုက်ပျိုးရေး၊ တံငါလုပ်ငန်း၊ အိမ်မွေးတိရစ္ဆာန်မွေးမြူရေးလုပ်ငန်း၊ နုံးတင်မြေနုလွင်ပြင်များတွင် သစ်တောထွက် ပစ္စည်းများ ရှာဖွေ စားသောက် နေထိုင်ကြသော သူများ၏ သက်မွေးဝမ်းကျောင်းလုပ်ငန်းများသည်လည်း များစွာ ဆိုးကျိုး သက်ရောက်နိုင်ပါသည်။ ဆည်တည်ဆောက် လိုက်ခြင်းနှင့် သဘာဝ အရ ရေတက်မှုများ လျော့နည်း ကျဆင်းလာသည်နှင့် အမျှ မြစ်အောက်ခြေ ဒေသနေလူထုများ၏ စီးပွားရေးကို ထိခိုင်လာနိုင်ပါသည်။ သို့ဖြစ်သည်နှင့်အမျှ မိမိတို့ တတ်ကျွမ်းထားသည့် သက်မွေးဝမ်းကျောင်းဆိုင်ရာ ကျွမ်းကျင်မှုများမှာ အလုပ်မဖြစ်နိုင်တော့ဘဲ နောက်ဆုံး ပြောင်းရွှေ့အခြေချခြင်း၊ မြို့ပြဒေသများ၌ ကျပမ်းလုပ်ငန်းများတွင် အလုပ်လုပ်၍ ငွေရှာရခြင်းနှင့် ဆင်းရဲမွဲတေမှုများ ဖြစ်လာစေနိုင်သည် ဟု ကမ္ဘာ့ဆည်များဆိုင်ရာ ကော်မရှင်က ဆိုထားပါသည်။

ဧရာဝတီမြစ်သည် ကမ္ဘာပေါ်တွင် ပဉ္စမမြောက် နုံးမြေအနည်အနှစ် အကျဆုံး ဖြစ်ပါသည်။ အနည်အနှစ် များမှုကြောင့် ရေလှောင်ကန်ကြီးအတွင်း အနည်အနှစ် ပို့ချမှုနှုန်း ပိုမြန်ပြီး သိုလှောင်နိုင်စွမ်းလည်း အလျင်အမြန် လျော့နည်း ကျဆင်းစေပါလိမ့်မည်။

ဆည်တာတမံများက မြစ်များသယ်ဆောင်လာသော အနယ်အနှစ်များကို တားဆီးထားလိုက်ပါသည်။ ထို့ကြောင့် မြစ်အောက်ပိုင်းသို့ မရောက်ရှိနိုင်တော့ပါ။ ဤအနယ်အနှစ်များသည် ပုံမှန်အားဖြင့် မြစ်အောက်ပိုင်းဒေသရှိ ရေလွှမ်းနေတတ်သော မြေနုလွင်ပြင်များနှင့် မြစ်ဝကျွန်းပေါ်ဒေသများတွင် သီးနှံအထွက်ကောင်းစေရန် မြေသြဇာအဖြစ် ဖြည့်ဆီးပေးကြပါသည်။ ထို့ပြင် ရေနေအပင်များနှင့် ငါးများအတွက်လည်း အာဟာရဓါတ် ဖြစ်စေပါသည်။ ဆည်များ တည်ဆောက်လိုက်ခြင်းကြောင့် သဘာဝအရ ရေလွှမ်းမိုးတတ်သည့် ပုံစံကို ပျက်စီး သွားစေပြီး နုံးတင် ဒေသများနှင့် မြစ်အောက်ခြေရှိ နုံးတင် လွင်ပြင်များသို့ သဘာဝအရ ရေနှင့် မြေဆီဓါတ်များ ဖြည့်တင်းပေးမှုကို ဟန့်တား လိုက်သည့်နှယ် ရှိစေပါသည်။ ဤသို့ဖြင့် ဧရာဝတီမြစ်ကြောင်း တလျှောက်တွင် စိုက်ပျိုးရေး အထွက်နှုန်းကို ထိခိုက်စေပါသည်။ မြန်မာနိုင်ငံ၏ မြစ်ဝကျွန်းပေါ်ဒေသသည် မြန်မာ့ဆန်အထွက်၏ ၆၀% ကို ထုတ်လုပ်ပေးနေသော ဒေသလည်း ဖြစ်ရာ များစွာ ဆိုးကျိုး သက်ရောက်မှု ရှိလာစေနိုင်ပါသည်။

ကြီးမားသော ရေအားလျှပ်စစ်ထုတ် လုပ်ငန်းများကြောင့် ပုံမှန်မဟုတ်သော ရေစီးဆင်းမှုများ ဖြစ်ပေါ်စေပြီး ဤအတွက်ကြောင့် မြစ်ကြောင်းရှိ မြစ်ကမ်းပါး တိုက်စားမှုများ ဖြစ်ပေါ်စေနိုင်သည်။ ရေလှောင်ထားသည့် ဆည်မှ ရေထုတ်လွှတ်လိုက်သည့်အခါ ဆည်သည် ဆာလောင်နေသည့်နှယ် ဖြစ်လာပါသည်။ တာတမံအနောက်တွင် အနယ်ထိုင်နေသော အနယ်အနှစ်များကို ပြန်လည် ဖြည့်ဆီးနိုင်ရန် အတွက် မြစ်ကမ်းပါးများကို တိုက်စားမှုများ ဖြစ်စေပြီး ဤအတွက်ကြောင့် ကမ်းပါးတိုက်စားမှုများ ပို၍ ဖြစ်စေပါသည်။ မြစ်ကမ်းပါးများ ရုတ်တရက် တိုက်စားပြိုကျခြင်းသည် အန္တရာယ်တခု ဖြစ်သကဲ့သို့၊ ကျေးရွာနေလူထုများမှာ ၄င်းတို့၏ အိမ်များကို ကုန်းတွင်းပိုင်းသို့ ပို၍ ပြောင်းရွှေ့ကြရသည့် အခြေအနေ ဖြစ်ပေါ်စေပါသည်။ မြစ်ဆုံအနီးတွင် များသော လူထုများမှာ မိုးရာသီတွင် စပါးစိုက်ပျိုးကြပြီး၊ နွေရာသီတွင် ဟင်းသီးဟင်းရွက် စိုက်ပျိုးကြပါသည်။ အမျိုးသမီးများ သည် မြေဆီကြွယ်လှသော မြစ်ကမ်းဒေသကို အသုံးချ၍ စိုက်ပျိုးကြပြီး မိသားစုစားရန် အတွက် မှီခိုနေကြရပါသည်။ အကယ်၍ ဤမြစ်ကမ်းပါးသာ တိုက်စားပြိုကျခဲ့ပါက ဤမြေဆီကြွယ်ဝလှသော မြေများတွင် သူတို့မှီခိုနေထိုင် ကြရသည့် အခွင့်လည်း ဆုံးရှုံးသွားရဖွယ် ရှိပါသည်။

ငလျင်ကြီးများ၏ ပြင်းအား၊ တည်နေရာနှင့် ထူးခြားချက်များကို လိုက်၍ ငလျင်များကြောင့် ဆည်များ၌ အက်ကြောင်းများကို ဖြစ်ပေါ်စေနိုင်ပြီး တခါတရံ ဆည်ပြိုကျ ကျိုးပေါက်သည်အထိ ဖြစ်စေနိုင်ပါသည်။ ကမ္ဘာလုံးဆိုင်ရာ ငလျင်ကြောင့် ဖြစ်သော အန္တရာယ်များ လေ့လာအကဲဖြတ်ရေး အစီအစဉ် (Global Seismic Hazard Assessment Program) ၏ အချက်အလက်များအရ မြန်မာနိုင်ငံသည် ငလျင်အန္တရာယ် မြင့်သော အခြေအနေမှ အလွန်တရာ မြင့်မားစွာ တည်ရှိနေသော ဒေသအတွင်းတွင် ကျရောက်နေပြီး မြောက်ပိုင်း ကချင်ပြည်နယ် နှင့် စစ်ကိုင်းတိုင်း အတွင်းတွင် တသမတ်တည်း မြင့်မားစွာ ရှိနေခဲ့ပါသည်။ ဧရာဝတီ မြစ်ဆုံဆည်သည် မြန်မာနိုင်ငံကို ဖြတ်သွားသော ယူရေရှားမြေပြတ်လွှာနှင့် အိန္ဒိယမြေပြတ်လွှာတွေ့ဆုံရာ ငလျင်အက်ကြောင်းမှ ကီလိုမီတာ ၁၀၀ အောက်လျော့နည်းသော ဒေသအတွင်း ကျရောက်နေပါသည်။ စစ်ကြောင်း မြေလွှာပြတ်ကြောင်းတွင် တိုင်းတာမှုအရ ပြင်းအားအဆင့် (M 7.0- 8.0) အဆင့်ရှိသော ငလျင်များကိုလည်း တွေ့ကြုံခဲ့ရဖူးပါသည်။ ဆည်ကြီးများ တည်ဆောက်မှုကြောင့် ငလျင်များဖြစ်ပွားစေရန် ပိုမိုတွန်းအားပေး သကဲ့သို့ ဖြစ်စေနိုင်ပါသည်။ ဆည်များကြောင့် ငလျင်ဖြစ်ပေါ်ရမှုများကိုလည်း တွေ့ရှိခဲ့ကြရပြီး အပိုတိုးလာသော ရေဖိအားများကြောင့် ဆည်အောက်ခြေရှိ မြေအက်ကြောင်းငယ်များတွင် ဖိအားပိုတိုးလာစေခြင်းကြောင့် ဖြစ်ပေါ်ရခြင်း ဖြစ်ပါသည်။

ရေကာတာမှ ရေလျှံကျသည်ဖြစ်စေ၊ ဆည်ကျိုးပေါက်သည်ဖြစ်စေ ရုတ်တရက် ရေလွှမ်းမှု ဖြစ်စေနိုင်ပါသည်။ ထိုသို့မဟုတ်လျှင်လည်း ရေအားလျှပ်စစ်ထုတ်သော စက်ရုံများတွင် ချိန်ခါမဟုတ်ဘဲ ရုတ်တရက် တာတမံမှ ရေစွန့်ထုတ်သည့် အဖြစ်မျိုး ရှိနိုင်ပါသည်။ ရေစွန့်ထုတ်လိုက်သည့်အခါ ရေအမြင့် ချက်ချင်းတက်လာပြီး မြစ်အခြေပိုင်းရှိ လူထုများမှာ ကြိုတင်သတိပေးမှု မရှိဘဲ ရေအန္တရာယ်နှင့် ကြုံတွေ့ရနိုင်ပါသည်။ လူအများအဖို့ ၄င်းတို့၏လှေများ၊ ငါးဖမ်းကိရိယာများ ဆုံးရှုံးကြရပြီး ရုတ်တရက် ရေမြင့်တက်လာမှုကြောင့် အချို့မှာ ရေနစ်သေဆုံး ကြရပါလိမ့်မည်။

ထင်ရှားသော ပညာရှင်တဦးက ဧရာဝတီမြစ်သည် ကမ္ဘာ၏ထင်ရှားသော မြစ်ကြီးများတွင် တစင်း အပါအဝင် ဖြစ်သည်ဟု ဖေါ်ပြခဲ့ပါသည်။ အထူးသဖြင့် ၄င်း၏စီးဆင်းမှုပမာဏ၊ အရှည်အလျားနှင့် ဤမြစ်ကြောင်းတလျှောက် ထိန်းသိမ်းထားသော စုံလင်လှသည့် ဇီဝမျိုးကွဲများအရ တန်ဖိုးသတ်မှတ်ခြင်း ဖြစ်ပါသည်။ ကျယ်ပြန့်လှသော ရေစီးဆင်းရာ လမ်းကြောင်း တလျှောက်ရှိ သဘာဝဂေဟဗေဒစနစ်ကို ထိန်းသိမ်းထားရန်သည် အရေးကြီးလှပြီး မြစ်ကြောင်း အတွင်းရှိ ထူးခြားတန်ဖိုးရှိသည့် ရေညှိရေမှော်များ၊ အကောင်ငယ်များနှင့် မြစ်ကြောင်းကို မှီခိုရှင်သန်နေကြရသော ပြည်သူလူထုများအတွက်လည်း အသက်သွေးကြောပင် ဖြစ်ပါသည်။

ဆည်ကြီးများ တည်ဆောက်လိုက်ခြင်းဖြင့် ဆိုးကျိုးများ ဖြစ်ပေါ်စေပါသည်။ မြစ်ကြောင်းရှိ သဘာဝဂေဟစနစ် တည်တံ့နေမှုကို မထိန်းသိမ်းနိုင်တော့ပဲ မြစ်ကြောင်း၏ ဂေဟစနစ်ကို ပြိုကွဲစေပါသည်။ ဆည်ကခြားထားလိုက်သော မြစ်၏ အထက်နှင့်အောက် ဇီဝမျိုးကွဲများကို သီးသန့်ပိုင်းခြားသလို ရှိစေပြီး၊ မျိုးရိုးဗီဇ ထိန်းသိမ်း ရှင်သန်မှုစနစ်ကို ဖြစ်စေသော ဇီဝသတ္တဝါများ ရွှေ့ပြောင်းသွားလာမှုကို ပိုင်းခြားဖြတ်တောက် သလို ဖြစ်စေပါသည်။ ထို့ပြင် ယခင်က ရေလွှမ်းနုံးတင်သော လွင်ပြင်များနှင့် မြစ်ရေကိုလည်း ထိတွေ့မှု ကင့်မဲ့လာစေပါသည်။ ဆည်မှစွန့်ထုတ်လိုက်သော ရေများတွင် အနယ်အနှစ် ပါဝင်မှုနည်းပြီး၊ ဓါတုသဘောအရလည်း ပြောင်းလဲမှုများ မြစ်ရေ တွင်ဖြစ်လာစေပါသည်။

ဒေသပေါက် ဌက်မျိုးကွဲများသည် ဧရာဝတီမြစ်ကြောင်း တလျှောက်တွင် ကျက်စားကြပြီး ဧရာဝတီမြစ် အလယ်ပိုင်းဒေသသည် တိဘက်နှင့် ဟိမဝန္တာမြောက်ပိုင်း အခြားဒေသများမှ ရွှေ့ပြောင်းနေထိုင် ကြသော ရေပျော်ဌက်များအတွက် ဆောင်းခိုရာအတွက်၊ နားခိုအခြေချရာ နေရာဖြစ်ပါသည်။ ရေ၏ အရည်အသွေး ပြောင်းလဲသွားခြင်း၊ ငါးများတည်ရှိမှု အရေအတွက် ပြောင်းလဲသွားခြင်းအတွက် ဌက်များ အခြေချမှုများတွင်လည်း ထိခိုက်ပြောင်းလဲမှုများ ဖြစ်ပေါ်စေလိမ့်မည်။ ကမ္ဘာ၏ အခြားသော ဒေသများတွင် ရှာဖွေမတွေ့နိုင်သော ဌက်မျိုးများပျောက်ကွယ် ဆိတ်သုဉ်းရမည့် အခြေအနေလည်း ဖြစ်စေနိုင်ပါသည်။

ဤသို့ သားကောင်များ ပျောက်ကွယ်သွားရခြင်းသည် ရွှေ့ပြောင်းအခြေချမှု ပုံစံပျက်ယွင်းသွားစေခြင်း၊ ရေ၏ အရည်အသွေး ကျဆင်းသွားခြင်း၊ ရေ၏ မြစ်ကြောင်း စီးဆင်းမှု သဘာဝပြောင်းလဲ သွားခြင်းတို့ကြောင့် ဖြစ်ပေါ်နိုင်ပါသည်။ ဧရာဝတီ မြစ်ဆုံဆည် တည်ဆောက်ရေးနှင့် အင်မိုင်ခ(မေခ) မြစ်ပေါ်တွင် တည်ဆောက်မည့် အဆိုပြုထားသော အခြားသော ဆည်များကြောင့် ယခုကာလကတည်းက မျိုးတုန်းလုနီးပါးဖြစ်နေသော အထူးရှားပါးနေပြီ ဖြစ်သည့် ဧရာဝတီ လင်းပိုင်များ ကိုလည်း အန္တရာယ် ရှိစေနိုင်ပါသည်.။ မြစ်အထက်ပိုင်းတွင် ဆည်တည်ဆောက်မှုကြောင့် ဖြစ်ပေါ်လာနိုင်သော ပြဒါးဓါတ်များ ဇီဝသတ္တများတွင် စုပုံသိပ်သည်း လာခြင်းကြောင့်လည်း ပို၍ ဆိုးရွားစေနိုင်ပါသည်။ ပြဒါးဆိပ်သင့်မှု ပြဿနာမှာ ဖြစ်လာနိုင်ဖွယ် ရှိသည့် ကြီးလေးသော ပြဿနာတခု ဖြစ်ပါသည်။ ဤဓါတ်မှာ လူတို့၏ ဗဟိုအာရုံကြောစနစ်ကို အဆိပ်အတောက် ဖြစ်စေသော ဓါတ်တမျိုးဖြစ်ပါသည်။

မလိခနှင့် အင်မိုင်ခ(မေခ)မြစ်များသည် ကချင်ပြည်နယ်အတွင်း အဓိက ရွှေတူးဖေါ် ရှာဖွေကြရာ နေရာများဖြစ်နေပါသည်။ ရွှေတူးဖေါ်ထုတ်လုပ်ရာ နေရာများသည် ဆည်တည်ဆောက်မည့် နေရာ၏ မြစ်ညာပိုင်းဖြစ်ပြီး၊ ရေတွင် ပြဒါးဓါတ်ပါဝင်မှုနှုန်း မြင့်နေပြီး ဖြစ်နေပြီဟု ယူဆနိုင်ဖွယ် ရှိပါသည်။ ၂၀၀၃ တွင် စမ်းသပ်စစ်ဆေးချက်အရ ဧရာဝတီ မြစ်ကြောင်း တလျှောက်အတွင်း နေထိုင်သော ငါးအမျိုး(၂၂) မျိုးအတွက် ပြဒါးပါဝင်မှုနှုန်း အမှန်ပင် မြင့်မားနေကြောင်း တွေ့ရှိရပါသည်။ ဤဒေသအတွင်း မြင့်မားစွာ ပါဝင်နေသော ပြဒါးဓါတ်များသည် တာတမံ၏ နောက်ကျောတွင် စုပုံနေကြမည် ဖြစ်ပြိး နောက်ပိုင်းတွင် မီသိုင်းလ် မာကျူရီအဖြစ် ပြောင်းလဲသွားမည် ဖြစ်ပါသည်။ ဆည်မှ ရေထုတ်လွှတ်သည့် အခါ မြစ်အောက်ပိုင်းတွင် နေထိုင်ကြသူများသည် ပြဒါးဆိပ်သင့်နေသော ရေနှင့် ငါးများကို ထိတွေ့ကြရတော့မည် ဖြစ်သည်။ ဤဆိုးကျိုးကို မြစ်ကြီးနားမြို့အောက်ဘက် ၂၈မိုင်အတွင်း နေထိုင်ကြသော လူဦးရေပေါင်း (၁၄၀၀၀၀) ကို ထိခိုင်ဖွယ် ရှိနေပါသည်။ ဧရာဝတီမြစ်ကြောတလျှောက် နေထိုင်ကြသော သန်းပေါင်းများစွာသော မြန်မာနိုင်ငံသားများ၊ ငါးများကို ဖမ်းစားကြသည့် ဌက်များနှင့် အခြားနို့တိုက် သတ္တဝါများသည်လည်း အဆိပ်သင့်ခံရဖွယ် ရှိနေပါသည်။ လူမှုအဖွဲ့အစည်းတခုလုံး၏ ကျန်းမာရေးကို ထိခိုက်လာစေတော့မည် ဖြစ်သည်။


ကမ္ဘာ့သဘာဝဝန်းကျင် ထိန်းသိမ်းရေးသမဂ္ဂ ( World Conservatiion Union) ၏ အဆိုအရ ရေမှော်ပင်များ ပိတ်ဆို့ထူထဲလာခြင်း၊ အခြေချနေထိုင်သော ဇီဝသတ္တများ လျော့နည်းသွားခြင်း၊ မာကျူရီ ပြဒါးဓါတ်များ စုပုံလာခြင်းတို့ကြောင့် မြစ်နေလင်းပိုင်ငါးကြီးများအတွက် အထူးအန္တရာယ် ရှိလာစေပါသည်။ ရေအတွင်း ဆည်များဆောက်လုပ်ခြင်းကြောင့်၊ ရေကာတာများနှင့် ရေတံတိုင်းများဆောက်လုပ်ခြင်းကြောင့် ဖြစ်စေပါသည်။ ရေတွင်း ဆောက်လုပ်မှုလုပ်ငန်းများကြောင့် သဘာဝပတ်ဝန်းကျင် ထိခိုက်ပျက်စီးမှုမှာ သိသိသာသာ ဖြစ်ပြီး၊ အတိုင်းအဆ အလွန်ကြီးမားလှပါသည်။ တည်ဆောက်မှုကြောင့် ဇီဝမျိုးကွဲများ ဦးရေကို ကွဲပြားတည်ရှိစေပြီး၊ မြစ်ရေဖြင့် ရှင်သန်ရေးအတွက် မှီခိုနေကြရသော ဇီဝသတ္တဝါများ၊ အပင်များပျောက်ကွယ်ကာ၊ သဘာဝပတ်ဝန်းကျင် ဆုတ်ယုတ်ကျဆင်းလာနိုင် စေပါသည်။

လွတ်လပ်စွာ စီးဆင်းနေသော ဧရာဝတီမြစ်ကို ဆည်ဖြင့် တားလိုက်သောကြောင့် ရေငြိမ်နေသော ကန်သဖွယ် ဖြစ်လာပေမည်။ ထိုအခါ အင်းဆက်များ၊ ပက်ကျိများနှင့် အခြားသော တိရိစ္ဆာန်များလည်း ပိုမို တိုးပွား လာနိုင်ပြီး ရောဂါပိုးသယ်ဆောင်နိုင်သော ကပ်ပါးများ၊ ပိုးမွှားများလည်း ပိုမို ပေါက်ဖွားလာစေနိုင်သည့် အန္တရာယ် ရှိပါသည်။ ကပ်ပါးသံကောင်များသည် ရောဂါမျိုးစုံကို ဖြစ်စေနိုင်ပြီး မလှုပ်ရှားနိုင်ခြင်း၊ ကြွက်သားများအား ပျော့သွားခြင်း၊ ကိုယ်ခန္ဓာ ချိနဲ့သွားခြင်း၊ အရေပြားရောဂါများ၊ အသည်းပျက်ခြင်းမှသည် ဝက်ရူးပြန်ရောဂါ၊ ကျောက်ကပ် အလုပ်မလုပ်နိုင်တော့သည်အထိ ပျက်သွားခြင်း၊ ကင်ဆာရောဂါများအထိ ဖြစ်စေနိုင်ပါသည်။ ရောဂါစွဲကပ် ခံရသူများသည် အခြားရောဂါများလည်း ထပ်မံ ကူးစက်ခံရစေရန် လွယ်ကူပါသည်။

(ကချင်လူမှုဖွံ့ဖြိုးရေးကွန်ယက်အဖွဲ့၏ အစီရင်ခံစာမှ ကိုးကားထားပါသည်)


ဧရာဝတီမြစ်ဆုံဆည်ကြောင့် မြန်မာနိုင်ငံ၏ ယဉ်ကျေးမှုဆိုင်ရာ ပျက်စီးဆုံးရှုံးမှုများ၊ အသက်မွေးဝမ်းကျောင်းမှုဘဝများ ပျက်စီးကြရခြင်းများ၊ မြစ်အောက်ပိုင်းရှိ မြေနုနုံးတင် စိုက်ခင်းများ ပျက်စီးစေခြင်း၊ သဘာဝပတ်ဝန်းကျင် ပျက်စီးဆုံးရှုံးခြင်းများ၊ ကျန်းမာရေးဆိုင်ရာ အန္တရာယ်များ ကို ကြုံတွေ့ကြရပေလိမ့်မည်။

ဧရာဝတီမြစ်ကို မှီတင်းနေထိုင်ကြသည့် လူသန်းပေါင်းများစွာတို့ ဆိုးကျိုးဒဏ် သင့်မှုများကို ခံစားကြရပေတော့မည်။ ဌက်ဖျားရောဂါ ပျံ့နှံ့ကူးစက်လာနိုင်သကဲ့သို့ ရေလှောင်တာတမံများမှ ထွက်လာသော ပြဒါးဆိပ်သင့်မှု ပြဿနာများကိုလည်း မြန်မာပြည်သူတို့ ခံစားကြရပေမည်။

မြန်မာနိုင်ငံသူ၊ နိုင်ငံသားအားလုံး၏ အမွေအနှစ်၊ မြန်မာနိုင်ငံ၏ ယဉ်ကျေးမှု၊ မြန်မာနိုင်ငံ၏ရာဇဝင်၊ သမိုင်း လည်း ပျောက်ပျက်ကုန်တော့မည် ဖြစ်ပေသည်။ အတိတ်ကာလတွင် လှပခမ်းနားစွာ ရှိခဲ့သော ဧရာဝတီမြစ်ကြီးသည် နောင်အနာဂတ်တွင် ပျက်စီးတိမ်ကော ပျောက်ပျက်သွားပေလိမ့်မည်။

ဤကဲ့သို့ အဖိုးတန် ဧရာဝတီမြစ်ကြီးကို ပျက်စီးအောင် လုပ်ခြင်းသည် မြန်မာတမျိုးသားလုံး၏ အသက်စည်းစိမ်၊ သဘာဝပတ်ဝန်းကျင်၊ ကျန်းမာရေး၊ လုံခြုံရေး၊ တိရစ္ဆာန်များ မျိုးတုန်းပျောက်ကွယ်မှု၊ ဂေဟစနစ်နှင့် လူသားအခွင့်အရေးများ ဆုံးရှုံး သွားစေမည် ဖြစ်သည့်အတွက် အမျိုးသားရေးတာဝန်တရပ် အနေနှင့် ထိန်းသိမ်း ကာကွယ်စောင့်ရှောက် ရမည်မှာ မြန်မာတမျိုးသားလုံး၏ တာဝန်ပင် ဖြစ်ပေသည်။

မြန်မာတမျိုးသားလုံး ပျက်စီးစေမည့်အရေး၊ လူမျိုးပါတိမ်ကောပျောက်ပျက်မည့် အရေးကို လျစ်လျူရှု၍ ဧရာဝတီမြစ်ဆုံဆည် စီမံကိန်းကို ဆက်လက် တည်ဆောက် အကောင်အထည်ဖေါ်မည် ဆိုပါက ပြုလုပ်သူများသည် သမိုင်းတရားခံများ ဖြစ်ကြပေမည်။။။

ဧရာဝတီမြစ်ဆုံဆည် စီမံကိန်းကို အကြွင်းမဲ့ ကန့်ကွက်ပါသည်။

37 comments:

ဇော်သိင်္ခ said...

ဧရာဝတီ မြစ်ဆုံ စီမံကိန်းကြောင့် ရရှိလာမယ့် ကောင်းကျိုး တစ်ရွေးသား ထက် ဆိုးကျိုး တစ်မျိုးလုံးပြုတ်မယ့် အရေးကို အကြွင်းမဲ့ ကန့်ကွက်ပါတယ် ဗျာ..

ခင်မင်စွာဖြင့်...
ဇော်သိင်္ခ

Myanmar Good Knowledg Co., Ltd said...

ဂွတ်တယ်။
ဒီလိုမျိုးကလည်း ဗဟုသုတရလို့ကျေးဇူးတင်ပါတယ်။

ငြိမ်းစိုးဦး said...

မြန်မာတို့၏ ဆိုးကျိုးအတွက် မြန်မာတွေမှာ တာဝန်ရှိတာကိ်ု သိမြင်အောင် မျှဝေပေးထားလို့ ၀မ်းသာလျက် ...

Candy said...

မမရေးတာလေး လာဖတ်သွားတယ်... မမပြောသမျှထောက်ခံတယ်.. :D

Cameron said...

ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ခြင်းကို ထပ်ဆင့် ထောက်ခံပါသည်..။

မြသွေးနီ said...

ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ခြင်းကို ထပ်ဆင့် (ထပ်ဆင့်) ထောက်ခံလိုက်ပါသည်..။

mstint said...

ရေးတာကောင်းတယ်။ ဗဟုသုတတွေအတွက် ကျေးဇူးပါသဒ္ဓါရေ။
မြန်မာပြည်သူ ပြည်သားများအားလုံးချစ်ခင်မြတ်နိုးတွယ်တာတဲ့ မြစ်ဧရာ ထာဝရအေးချမ်းပါစေသား။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

sosegado said...

ဧရာဝတီအရေးက ဝိုင်းဝန်းအဖြေရှာရမှပါ
ဧရာဝတီက အမြဲရှင်သန်နေမှာပါ သဘာဝပါပဲ၊
သဘာဝကို ပြောင်းပစ်လျှင် သဘာဝကလည်းပြန်ပြောင်းပစ်တတ်တယ်

ညီရဲ said...

ဒီမြစ်ဆုံကြီးပြီးသွားရင် ဖြစ်ပေါ်လာမဲ့ ဆိုကျိုးတွေက စိတ်မချမ်းသာစရာတွေချည်းပါပဲ အစ်မရ...
ဒါကြောင့် မြစ်ဆုံစီမံကိန်းကို ကန့် ကွက်ပါတယ်...

SHWE ZIN U said...

ညီမ သဒ္ဓါ ရေ

သုတရစရာလေး တွေ အပင်ပန်းခံ ဖော်ပြတဲ့ အတွက် အထူးကျေးဇူး
ဧရာဝတီ မြစ်ဆုံဆည် စီမံကိန်း ကန့်ကွက်ခြင်း ကို ထပ်ဆင့် ထောက်ခံပါသည်..

ချစ်တဲ့
အမရွှေစင်ဦး

အဖြူရောင်နတ်သမီး said...

ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ခြင်းကို ထပ်ဆင့် ထောက်ခံပါသည်..။

လင်းဦး(စိတ်ပညာ) said...

မိခင်ဧရာဝတီ

ငါတို့ချစ်တဲ့ဧရာဝတီ

သမိုင်းတစ်လျှောက် ရပ်တည်ခဲ့တဲ့ဧရာဝတီ

အတူကာကွယ် ရပ်တည်ကြပါစို့

ချော(အစိမ်းရောင်လွင်ပြင်) said...

ငလျှင်ကိုကြောက်တာ သဒ္ဓါရေ
ကချင်ပြည်နယ်သူဆိုတော့ တရုတ်နယ်စပ်တွေမှာ ဘယ်လိုငလျှင်လှုပ်တယ်ဆိုတာ သိနေတော့ သိပ်ကြောက်မိတယ်
ငလျှင်လှုပ်လို့ ဆည်ကြီးတစ်ခုခုဖြစ်ရင် မြစ်ကြီးနားမြို့ကြီး ပြေးစရာနေရာမရှိတော့ဘူး
ကချင်ပြည်နယ်ရဲ့ မြို့တော်ကြီးရေအောက်ေ၇ာက်သွားလိမ့်မယ်။
သိပ်ကြောက်ဖို့ကောင်းတာဘဲ
မဆင်မခြင်လုပ်နေတဲ့ ဒီစီမံကိန်းကြီး ရပ်တန့်ပစ်ဖို့ တောင်းဆိုရမှာပါ

seesein said...

ဆိုးကျိုးတွေကို ဘဘ၀န်မင်းများ ဖတ်စေချင်လိုက်တာဗျာ
ဗသုသုတတွေ ရယူသွားပါတယ်
စာတွေအတွက် ကျေးဇူးအထူးတင်ပါတယ်
ခင်မင်တဲ့
seesein

စံပယ်ချို said...

ဧရာဝတီ မြစ်ဆုံ စီမံကိန်းကြောင့် ရရှိလာမယ့် ကောင်းကျိုး တစ်ရွေးသား ထက် ဆိုးကျိုး တစ်မျိုးလုံးပြုတ်မယ့် အရေးကို အကြွင်းမဲ့ ကန့်ကွက်ပါတယ်....
အားလုံးရဲ့ကန့်ကွက်မှုကိုလဲ
ထောက်ခံပါတယ်ရှင်....
ချစ်ခင်တဲ့ jasmine

တောက်ပကြယ်စင် said...

အကြွင်းမဲ့ ကန့်ကွက်ခြင်းကို ထပ်ဆင့်ထောက်ခံပါကြောင်း...ထပ်ဆင့်ထောက်ခံပါ
ကြောင်း။

Anonymous said...

ဧရာဝတီ မြစ်ဆုံဆည် စီမံကိန်းကို အကြွင်းမဲ့ ကန့်ကွက်ခြင်းကို ထပ်ဆင့် ထောက်ခံပါသည်..။
မြစ်ဆုံဆည် စီမံကိန်း ပျက်စီးပါစေ.....

ဧရာဝတီမြစ်ဘေးနေ မကွေးသား

Anonymous said...

ဘယ်လောက်အကျိုးအမြတ်ရမလဲ။ ဧရာဝတီကို မှီခိုနေ တဲ့သူတွေကို သနားညှာသာမှုမရှိတဲ့ လုပ်ရက်ပဲ။ ဘယ်သူသေသေ အသေမာရင်းပြီးရောဆိုပြီးလုပ်တာ။
အပြင်းအထန်းကန့်ကွက်သင့်ပါတယ်။

ကိုအောင်(ပျူနိုင်ငံ) said...

မြစ်ဆုံရေကာတာ တည်ဆောက်မှုကို ထပ်တူထပ်မျှ ကန့်ကွက်ပါတယ်၊ ဧရာဝတီမြစ်ကြီး အဓွန့်ရှည်ပါစေ ...

Anonymous said...

ဗဟုသုတရစေတဲ့ ပို့စ်ကိုဖတ်ရင်း
မြစ်ဆုံစီမံကိန်းကိုကန့်ကွက်သွားတယ်ဗျာ


မောင်ဘကြိုင်

Anonymous said...

အမကြီးရေ....
ဒို့ ပြည်သူညီစေ
ဧရာဝတီ ကိုတည်စေ
ဧရာဝတီ ရှင်သန်စေရမည်
ဧရာဝတီ စီးဆင်းစေရမည်
ဧရာဝတီ လှပ စေရမည်။

မြစ်ဆုံရေကာတာ စီမံကိန်း ကိုအကြွင်းမရှိကန့်ကွက်ပါတယ်။

မေသိမ့်သိမ့် ကျော် said...

မသိသေးတာတွေ အများကြီးသိလိုက်ရတယ်ရှင်။ ကျေးဇူးအထူးတင်ပါတယ်။ ဧရာဝတီ အဓွန့်ရှည်တည်ပါစေရှင်။


ခင်တဲ့
မေသိမ့်

blackroze said...

ဒီစီမံကိန်းကြီးကို လုံးဝလုံးဝကန့်ကွက်ပါတယ်..

မအိမ်သူ said...

လက်တစ်ဆုပ်စာ ကောင်းကျိုးလေးအတွက် တပြည်လုံးကပေးဆပ်ရမဲ့ ဆိုးကျိုးတွေက မနှိုင်းသာအောင်များနေတာကိုသိသိကြီးနဲ့ ရှေ့ဆက်တိုးချင်ကြသူများကိုတော့ အံ့သြခြင်းမက အံ့သြမိပါရဲ့။
မြန်မာပြည်မှာ မြစ်ဆုံဆည်ဆိုတာ ဘယ်တော့မှ ရှိမလာစေရအောင် လုံးဝဥဿုံ အကြွင်းမဲ့ ကန့်ကွက်ကြဖို့ အမှန်တကယ်ကိုလိုပါတယ်ညီမရေ။

လင်းခေတ်ဒီနို said...

ကျွန်တော်တို့ ဆန္ဒတွေ ဖြစ်မြောက် အောင်မြင်ပါစေလို့ ဆုတောင်းမိရင်းး . . .

မြတ်မွန် said...

ဧရာဝတီ ကမ္ဘာတည်သရွေ့ထာဝရတည်ရှိနေပါစေလို့ပဲ ဆုတောင်း ပြုမိပါတော့တယ် မသဒ္ဓါရေ..။

ညိုလေးနေ said...

မြစ်ဆုံဆည် ဗျူဟာစီမံကိန်းအား အပြင်းအထန် ကန့်ကွက်ပါသည်။

မြစ်ကျိုးအင်း said...

စိတ်တူကိုယ်တူပါပဲ မသဒ္ဒါရေ

ဧရာဝတီ မြစ်ဆုံဆည် စီမံကိန်းကို လုံးဝ ကန့်ကွက်ပါတယ်။

ညီလင်းသစ် said...

မြစ်ဆုံဆည် ပြီးသွားရင် ဖြစ်လာမယ့် ဆိုးကျိုးတွေကို အကိုးအကားတွေနဲ့ အချက်အလက်စုံစုံ တင်ပြထားလို့ တထိုင်တည်းဖတ်၊ တခါတည်းသိ သွားစေမယ့် ဆောင်းပါးကောင်း တစ်ပုဒ်ပါပဲ မသဒ္ဓါရေ..၊ ဒီဆည် စီမံကိန်းကို လုံးဝ ကန့်ကွက်တဲ့ အသံတစ်သံကိုလည်း ထပ်တိုးခဲ့ပါတယ်...။

ကိုဇော် said...

ရေးထားတာ အရမ်းကောင်းပြီး ဗဟုသုတတွေ ရစေပါတယ်ဗျာ။

ထပ်တူ ထပ်မျှ မြစ်ဆုံစီမံကိန်းကို ကန့်ကွက်ပါတယ်။

အင်ကြင်းသန့် said...

မမသဒ္ဓါရေ....
နည်းနည်းချင်းစီ လိုက်လိုက်ဖတ်နေရတာနဲ့ ဒီနေ့မှရောက်ဖြစ်တော့တယ်။

ဗဟုသုတတွေ အများကြီးရစေလို့ ကျေးဇူးပါ မမ။

ဧရာဝတီမြစ်ဆုံဆည် စီမံကိန်းကို အရိုးကျေကျေ အရည်ခန်းခန်း လုံးဝလုံးဝ ဆက်လက် ကန့်ကွက်သွားမယ်....

မဒမ်ကိုး said...

ဆိုးကျိူးတွေကိုမမြင်ပဲ ပိုက်ဆံတွေပဲမြင်နေကြလေရော့သလားဟယ်း(

အပြင်းအထန်ကိုကန့်ကွက်ပါတယ်..
(နေမကောင်းလို့ခုမှရောက်ခဲ့ရပါတယ် မမသဒ္ဒါရေ ခွင့်လွတ်ပေးပါဦး )

ခင်တဲ့

မဒိုးကန်

...အလင်းစက်များ said...

ပြတ်ရွေ့ကျောပေါ်ရှိနေတဲ့ အတွက် စီချွမ်ငလျင်လို့ သာ ဖြစ်သွားရင် ကျနော်တို့  ကိတ်စပြတ်ပြီ။ ပြဒါးတို့ ဘာတို့ က နောင်ရေရှည်ကိတ်စတွေ။ လက်ငင်းတွေက ကို အတော်လေးဆိုးတယ်။ လူပေါင်းများစွာ အကျိုးအမြတ် မရှိပဲ... ဒုက်ခ ရောက်ကြဦးမယ်။

ရေသန့် said...

ကန့်ကွက်တာ အောင်မြင်သွားလို့ ၀မ်းသာပါတယ်

jr said...

သဒ္ဓါရေ..
ခုတော့လဲ ဒီအဖြစ်ကြီးက ဘယ်လိုတွေ ဆက်ဖြစ်ဦးမယ် မသိဘူးနော်။
အကောင်းဆုံးဖြစ်ပါစေလို့ပဲ ဆုတောင်းမိပါတယ်။

စာမရေးတာကြာပြီနော်။

ခင်မင်လျှက်

အင်းတော်ရှမ်း said...

အရင်ကတည်းက ကန့်ကွက်ခဲ့ပါတယ်။ခုချိန်တော့ ဧရာဝတီလေး နာလန်ထလာပေမဲ့ စိတ်မချရသေးဘူးဗျ...
ဒီကဗျာလေးနဲ့ နောက်ထပ်
http://www.indawshan.com/2011/11/blog-post.html

Anonymous said...

ဟုတ်တယ်ဗျာ....ကျွန်တော်လဲပပြင်းအထန် ကန့်ကွက်တယ်.....မလုပ်သင့်ဘူး....ဧရာဝတီင မြန်မာပြည်ရဲ့ အသက်ဘဲ........