Monday, June 28, 2010

တံတိုင်းတခု…

ပြတင်းပေါက်က တဆင့် လွင့်စင် ဖြာကျလာတဲ့ မိုးစက် မိုးပေါက်လေးတွေကို ကြည့်နေရင်း မျက်နှာပေါ်ကို မိုးရေ တချို့ ကပ်ငြိ စွန်းပေလို့ စိုထိုင်းစ ပြုလာပါပြီကော…။ ရင်ထဲမှာလည်း မျက်ရည်မိုးတွေ တစိမ့်စိမ့် ရွာနေတာကိုတော့ ကိုယ်တိုင်ကလွဲလို့ ဘယ်သူမှ သိနိုင်မှာ မဟုတ်ပါဘူးလေ..။

ဘယ်လောက်ကြာသွားလည်း မသိလိုက်ပေမဲ့ ဟိုးလွန်ခဲ့တဲ့ တချိန်က ခုလို မိုးရွာနေတဲ့ နေရာလေး တခုကို အမှတ်မထင် ရောက်သွားတာကို အမှတ်ထင်ထင် သိလိုက်ရတယ်..။

`ပလုံ´ …….`ပလုံ´……..`ပလုံ´…………

ရေကန်ထဲကို စိတ်ရှိလက်ရှိ ပစ်ပေါက်နေတဲ့ ခဲလေးတွေကို ကြည့်ပြီး ပစ်ပေါက်ပါစေ ဆိုပြီး ကြည့်နေတဲ့ `ကို့´ ကို ကျေးဇူးတင်မိတယ်.။ စိတ်ရှိတိုင်း လုပ်ခွင့်ပေးလို့ပါ…။

အို……… ကျမ စိတ်သက်သာရာရအောင် လုပ်နေတာကို ထိုင်ကြည့်နေတဲ့ `ကို့´ ကို ထပ်ပြီး ကျေးဇူးတင်နေမိတယ်.။

လောလောဆယ် ကျမကို မတားကြပါနဲ့ လွတ်လွတ်လပ်လပ် လုပ်ခွင့်ပြုပါလို့ စိတ်ထဲကနေ အထပ်ထပ် တောင်းဆိုနေမိတယ်……..။ ငိုချင်ရင်လည်း အားရအောင် ငိုလိုက်ပါ……. စိတ်ကိုမထိန်းထားနဲ့တဲ့……..

တဒင်္ဂ ငြိမ်သက်သွားမိတယ်……. ထိန်းချုပ်ထားရင်းနဲ့ အလိုအလျောက် မျက်ရည်တွေ ကျလာပြီးမှ ရှိုက်ကြီးတငင် ငိုချလိုက်မိတော့တယ်..။ ကျမကို နောက်ဆုံးအနေနဲ့ အားရအောင် ငိုခွင့်ပြုပါ………။

ဟုတ်တယ်…… နက်ဖန်ဆို `ကို´က ကျမနဲ့ အဝေးဆုံး နေရာတခုကို ထွက်သွားတော့မှာပဲလေ..။ တားပိုင်ခွင့် မရှိတဲ့ ကျမကို ငိုခွင့်ပြုရုံ ငိုခွင့်ပြုကြပါ..။

ဝေးတယ်ဆိုတာကို ပထမဆုံးအကြိမ် ခံစားရတဲ့ ခံစားမှု တရပ်အနေနဲ့ ဝေးကွာခြင်း ဒုက္ခကို ဘယ်လောက်ထိ ခံစားနေရအုံးမှာလဲ မသိပေမဲ့ သေချာတာကတော့ ကျမတို့ကို ဝေးကွာမှုဆိုတဲ့ တံတိုင်းကြီး တခုက ခြားနားထားလိုက်ကြပြီ…။

ဝေးကွာမှု ဆိုတဲ့ တံတိုင်းကြီးက ဘယ်လိုတံတိုင်းကြီးလဲ…… ကျမဖြင့် မုန်းလိုက်တာ……… ဘယ်လို အကြောင်းကြောင့် ကျမတို့ နှစ်ဦးကို ခွဲခွါခဲ့ရတာလဲ………

တံတိုင်းကြီးရဲ့ နောက်မှာရော ဘာတွေရှိနေလဲ… ရှိနေတဲ့ အရာတွေထဲမှာတော့ ဓနဂုဏ် အင်အားတွေ ပါနေမယ်ဆိုတာ…. !!!

တကယ်ဆို နှုတ်ဆက် လက်ပြ ထွက်ခွါသွားမှာကို မကြည့်လို မမြင်လိုလို့ `ကို´ သွားမဲ့ နေ့မှာ လိုက်မပို့တော့ဖို့ ဆုံးဖြတ်ထားပြီးသား..။

ဟုတ်တယ်…….. ကျမဆိုတဲ့ ကျမကလည်း… လေ…

ကျမကို အရင် နှုတ်ဆက် ထွက်သွားမှာကို မလိုလားတဲ့ သူ..။ ကျမရှေ့က ထွက်ခွါသွားမှာကို မကြည့်ချင်တဲ့သူ…။ အတ္တကြီးတဲ့သူပေါ့…။ ကျမကသာ နှုတ်ဆက် ထွက်သွားချင်သူ.. ကျမသာ ဦးဆုံး ထွက်သွားချင်သူ.. ကျမသာ ဦးဆုံး နှုတ်ဆက်ချင်သူ..

ဒါကြောင့် `ကို´ ကလည်း ကျမ လိုက်မပို့တာကို နားလည် စာနာနိုင်ခဲ့တာပေါ့…။

`ကို´ ကလည်း ကျမကို ကျန်းမာရေး ဂရုစိုက်ဖို့.. သူခေါ်ရင် သူ့နောက်ကို လိုက်ဖို့ အဆင်သင့် လုပ်ထားဖို့ .. မှာတမ်းချွေနေလေရဲ့…

ဘယ်လိုပဲဖြစ်ဖြစ် ကျမအနေနဲ့ `ကို့´ နောက်ကို ဘယ်တော့မှ လိုက်ဖြစ်မှာ မဟုတ်ဘူး ဆိုတာ သိနေလေတော့….

`ကို့´ ကိုလည်း ကျမ မလိုက်ဖြစ်မဲ့ အကြောင်း ပြောမထွက်ရက်ဘူးလေ..။

`ကို´ ပြောတဲ့ စကားလုံးတိုင်း ကျမ နားထောင်နိုင်စွမ်း မရှိတာကို ခွင့်လွှတ် နားလည်စေချင်တာ ကလွဲလို့…

သေချာတာကတော့ တံတိုင်းကြီးရဲ့ နောက်ကွယ်က မာယာထောင်ချောက်တွေနဲ့ ပြည့်နှက်နေမဲ့ နေရာတွေထဲမှာ ကူးခပ်ဖို့ စိတ်အင်အား ရှိမှာ မဟုတ်လို့ပါ `ကို…´။

Thursday, June 17, 2010

ကျမချောင်းနေရတဲ့ ကြောင်လေးများ


ကျမတို့ရုံးမှာ လွန်ခဲ့တဲ့ ခြောက်လလောက်က ဘယ်ကမှန်းမသိတဲ့ ကြောင်နှစ်ကောင် ရောက်လာပါတယ်.။ ကြည့်လိုက်တော့ ကြောင်တွေက ကြောက်ကြောက်ရွံ့ရွံ့ ပုံလေးတွေနဲ့..။ ဒါနဲ့ ကျမက ညနေ တညနေမှာ ကြောင်လေးတွေ စားဖို့ ထမင်းလေးနယ်ပြီး ကျွေးမလို့ လုပ်တော့ ကျမကိုလည်း မြင်ရော အပြင်းအထန် ထွက်ပြေးလိုက်တာ တကောင်က သစ်ပင်ပေါ် အတင်းတက်ပြေးတာ အလယ်လောက်ရောက်တော့ ပြုတ်ကျပါရော… ပြုတ်ကျတာတောင် ထပ်ပြီး သစ်ပင်ပေါ်ရအောင် တက်ပြေးပြီး ဟိုဘက်ခြံထဲ ပြေးသွားတယ်… နောက်တကောက်ကတော့ ခြံအုတ်တံတိုင်းပေါ် တက်ပြေးလိုက်တာ… ဟိုဘက်ခြံထဲပဲ ရောက်သွားရော.. ကျမမှာသာ အငေးသားနဲ့ ဘာဖြစ်လို့ ထွက်ပြေးတာလဲ မသိဘူးဆိုပြီး တကိုယ်တည်း မေးခွန်းထုတ်နေမိတာပေါ့..။

သူတို့ ဆာမှာစိုးလို့ ကျွေးချင်လို့ လာကျွေးတာကို ကျမကိုမြင်တာနဲ့ ထွက်ပြေးလိုက်တာ အလုအယက်ပါလား……..။

ဒါနဲ့ပဲ ကျမတယောက် ကြောင်ကြောက်ကြီး ဖြစ်သွားပါတော့တယ်..။ ရုံးက လူတွေက နင် ကြောင်ကို သွားမကျွေးနဲ့တော့.. ကြောင်တွေလည်း မမြင်စေနဲ့တော့တဲ့.. ကိုင်း…. မခက်ပေဘူးလား…..

ရုံးမှာ ရှိတဲ့ မိန်းခလေး နှစ်ယောက်လုံးကို ကြောင်ကလည်း အကြောက်ကြီး ကြောက်နေလေတော့ ကျမတို့ နှစ်ယောက်ကလည်း ခပ်ဝေးဝေးပဲ နေဖြစ်ပါတယ်..။ ဟုတ်တယ်… ကြောင်တွေကလည်း ကျမတို့ နှစ်ယောက်ကို မမြင်လိုက်နဲ့.. မြင်တာနဲ့ ထွက်ပြေးတော့တာပဲ..။ သိပ်မကြာပါဘူး… အဲဒီကြောင်နှစ်ကောင်လုံး ပျောက်သွားလိုက်တာ ပြန်မလာတော့ဘူး..။ ကျမတို့နှစ်ယောက်ကြောင့်ပဲ ပြန်မလာတော့သလိုလို ဖြစ်သွားတော့တာပေါ့……..။ ဘယ်ကမှန်း မသိရောက်လာပြီး ဘယ်ကိုပြန်သွားမှန်းလည်း မသိရပါလား…။

အော်… လွန်ခဲ့တဲ့ လကတော့ အဲဒီ် ကြောင်နှစ်ကောင် ပြန်ရောက်လာပြီး ကြောင်လေးတွေ လေးကောင် ပေါက်ပါရော…။ ရုံးက ပြောပြန်ရော.. ကျမတို့ကို သွားမကြည့်နဲ့တဲ့.. နောက်ထပ် ထွက်ပြေး သွားအုံးမယ်တဲ့လေ… (အဲလို နာမည်ရတာ…….).

ကြောင်လေးတွေ ကလည်း သူ့မိခင် ကြောင်မလေး လိုပဲ ကြောက်တတ် လိုက်တာ..။ ကျမတို့မှာ ကြောင်လေးတွေကို ကြည့်ချင်လို့ သွားချောင်းလိုက်.. ကြောင်လေးတွေက ထွက်ပြေးသွားလိုက်နဲ့ တခါတလေ စိန်ပြေးတမ်း ကစားနေသလိုတောင် ဖြစ်ရတယ်.။

ဟိုတနေ့ ညနေကလည်း ကြောင်လေးတွေ အားလုံး ၀ရန်တာပေါ်မှာ ရှိနေတာနဲ့ နီးနီးလေးတော့ သွားမကြည့်ရဲဘူးပေါ့..။ အောက်ကနေ ချောင်းတာ ကြောင်လေးတွေကလည်း သူ့အမေအပေါ်ကနေ ပြန်ချောင်းလိုက် ကျမက ဟိုဘက်ပုန်းနေလိုက် ကြောင်လေးကလည်း တိုင်ဘေးနား သွားပြီး ပြန်ချောင်းလိုက်နဲ့…။ ကျမနဲ့ ကြောင်လေးတွေနဲ့ ချောင်းတိုင်း ဆော့သလိုတောင် ဖြစ်နေကြတယ်..။ ကြောင်လေးတွေကလည်း ကျမကို အကဲခတ်ပေါ့… ဘာများလုပ်မလဲဆိုပြီး..။

မနေ့ညနေကတော့ ကျမပြန်ခါနီး ကြောင်လေးတွေကို တခါ သွားချောင်းသေးတယ်…။ ကျမကိုလည်း မြင်ရော ကြောင်ပေါက်လေး လေးကောင်လုံး စတိုခန်းထဲ ပြန်ပြေးလိုက်ကြတာ.။ ကျမလည်း ဘီစကွတ် ယူလာပြီး ချေပြီးတော့မှ သူတို့စားတဲ့ ပန်းကန်ထဲ ထည့်ပေးထားလိုက်တယ်.. ပြီှးတော့ ပြန်လာပြီး ကွယ်ရာကနေ ချောင်းတာပေါ့..။ သူတို့တွေ ဟိုကြည့်ဒီကြည့်နဲ့ ထွက်လာကြတယ်.. ပြီးတော့ ပန်းကန်ထဲက ဘီစကွတ်တွေ တကြွတ်ကြွတ်နဲ့ ၀ါးနေလိုက်တာ….. အဲဒီတော့မှ သူတို့ ဘီစကွတ်စားသားပဲ… ဆိုပြီး နောက်ထပ် ကျွေးဖို့ ထပ်ယူလာတော့ ပြန်ပြီးထွက်ပြေး သွားတယ်..။ ဒါနဲ့ပဲ ပန်းကန်ထဲ ထည့်ထား ခဲ့လိုက်ပြီးတော့ ကြောင်လေးတွေကို ပြန်ချောင်းတာပေါ့… ကျမလည်း သူတို့ စားနေတာကို ပီတိဖြစ်ပြီး ချောင်းနေလိုက်တာ..

အဲ.. တော်တော်ကြာတော့မှ ကျမ ခြံရဲ့ အုတ်တံတိုင်းပေါ် ကြည့်မိလိုက်တာ…

အလို…. ကြောင်လေးတွေရဲ့ အမေက ကျမကို သေချာကြည့်နေတာကိုး…။ ကြောင်လေးတွေကို ကြည့်လိုက် ကျမကို ကြည့်နေလိုက်နဲ့.. သူလည်း လာမစားဘူးလေ…။ ကြောင်လေးတွေကို ဘာများလုပ်မလဲလို့ ကျမရဲ့ အရိပ်အခြေ ကိုစောင့်ကြည့်နေပုံရတယ်..။ ကျမသာ သူ့ကလေးတွေကို တခုခု လုပ်မယ်ဆိုရင် ဘာများပြန်လုပ်မလဲ မသိဘူးနော်..။ ကျမမှာလည်း ရဲရဲတင်းတင်း မကျွေးရတော့ ခုလိုပဲ ချောင်းမြောင်းပြီး ကျွေးရပေအုံးမယ်..။ ကျမရဲ့ ကြောင်ချောင်းရတဲ့ အဖြစ်လည်း တဒုက္ခပါလားလို့သာ ညည်းချင်း ထုတ်ပြီး ထပ်ပြီး ချောင်းပေရအုံးမှာပေါ့...။

Monday, June 14, 2010

`ငါ…´ ပြန်လာနိုင်ပါတော့မလားးးးးးးးး

`………………..´ ရေ

အိပ်မက်တွေ တပွေ့တပိုက်နဲ့ လှမ်းလျှောက် လာခဲ့တဲ့ ခရီးလမ်းမှာ အနာဂတ် ဆိုတာ မရေရာ မသေချာ ခဲ့ဘူး..။

သေချာတာကတော့ ၀မ်းနည်းမှု၊ စိတ်အားငယ်မှု၊ သတိရမှု၊ ခွဲခွါခဲ့ရမှု၊ ဝေးကွာမှု၊ ဆိုတဲ့ ဒဏ်ရာ တွေနဲ့သာ ပြည့်နှက်လို့… ရှေ့မှာ ရင်ဆိုင်ရမဲ့ အရာ မှန်သမျှကို ဘယ်လို သတ္တိ ခွန်အားတွေနဲ့ ရင်ဆိုင် ဖြည့်စွမ်းရမလဲ ဆိုတာသာ အထပ်ထပ် ပေါ်နေခဲ့တော့တယ်…။

ခရီးလမ်းကြမ်းမယ် ဆိုတာ သိပေမဲ့ အမှန်တရား အစိုင်အခဲက ရင်ထဲ၊ နှလုံးသားထဲမှာ ထုဆစ်ပြီးသားမို့ လျှောက်ခဲ့တဲ့လမ်း ဘယ်လောက်ပဲ ကြမ်းကြမ်း၊ ဘယ်လောက်ပဲ ခက်ခဲပါစေ အားတင်းပြီး လျှောက်ဖို့သာ ဇောကပ်နေမိတယ်…။

ဖြစ်ချင်တဲ့ ဆန္ဒတွေက ကိုယ်နဲ့ ရင်းနှီးနေခဲ့ပေမဲ့ ရှေ့မှာ မြင်ရမဲ့ လမ်းက ချောမွေ့ချင်မှ ချောမွေ့မှာ သိပေမဲ့ ဒီလမ်းကိုမှ ရွေးပြီးလျှောက်ခဲ့တာကိုတော့ သိနားလည်ချင်မှ နားလည်ကြမှာပါ….။

အဲဒီ ဖြစ်ချင်ခဲ့တဲ့ ဆန္ဒတွေ အောင်မြင်ဖို့၊ အကောင်အထည်ဖေါ်ဖို့ အတတ်နိုင်ဆုံး ကြိုးစားရတော့မယ်.. စိတ်ဓါတ်ခိုင်မာရတော့မယ်.. အရာရာ သည်းခံရတော့မယ်… ဆိုတာ တွေကလည်း ရစ်ပတ်ချည်နှောင်လို့….။

အတ္တမပါတဲ့ ဆန္ဒတွေနဲ့ လျှောက်နေတဲ့ လမ်းမှာ အဖုအထစ်တွေ များမယ်… ဆိုတာလည်း မသိမဟုတ်…… ။

မရေရာမှုတွေကို တတ်နိုင်သလောက် မောင်းထုတ်ရင်း သေချာတဲ့ အမှန်တရား ကိုအထပ်ထပ် ထုပ်ပိုးလို့ လျှောက်နေခဲ့ပေါ့…။

`…………..တွေ´ က

နင် ပြန်မလာတော့ဘူးလား တဲ့………….

ဘယ်ဘက်ရင်အုံထဲက တင်းကျပ်မှုတခုက နာနာကျင်ကျင် ဆွဲဆောင့်လိုက်ရင်း စည်းချက် မမှန်တဲ့ ရင်ခုန်သံတွေကြောင့်….ငါ…….. ဘာပြန်ပြောရမလဲ …….။

အဖြေတခု အနေနဲ့ `ငါ….. နာနာကျင်ကျင်... ဟားတိုက် ရယ်မောပစ်ခဲ့တယ်´……….

တနေ့ပေါ့………..???

ဆန္ဒ ရှိနေတဲ့ အရာတွေ၊ ဖြစ်ချင်နေတဲ့ အရာတွေ၊ စိတ်ရှိတိုင်း လုပ်ခွင့်ရဖို့ .… စိတ်ခွန်အား အပြည့်နဲ့ ကြိုးစားတည်ဆောက်ပေါ့….။

ငါ့..ရဲ့ ဆန္ဒ တစုံတရာကို `..........တို့´ ကို သိခွင့်ပေးဖို့၊ သိနားလည်ပေးဖို့လည်း အခြေအနေ မပေးခဲ့လေတော့…

ခုချိန်မှာ `ငါ…တို့တွေ…´ မသိခဲ့တဲ့၊ မသိသေးတဲ့ ခါးသီးတဲ့ ဘ၀တွေ အသေင်္ချေ ရှိနေတယ်လို့ ပြောချင်နေမိတာ ရင်နဲ့အပြည့်ပေါ့…။

အဲဒါတွေပြောဖို့ဆို တထောင့်တည ပုံပြင်တောင် မှီနိုင်မယ် မထင်တော့ဘူး….။ `ငါ…´ လေ `………တွေ´ ကို ခါးသီး နာကျင်စရာတွေ ရှိတဲ့ ဘ၀တွေကို မတွေ့နိုင်၊ မသိနိုင်ကြတာကိုတော့ သိလာအောင်၊ နားလည်လာအောင် ပြောချင်နေမိတယ်… ဒါမှလည်း `ငါ..´ ဆိုတဲ့ `ငါ…´ လည်း တစုံတခု အတွက် တာဝန်ကျေတဲ့ သူတယောက် ဖြစ်မှာ….။ `ငါ…´ တာဝန်ကျေတဲ့ သူတယောက်တော့ ဖြစ်ချင်တယ်….။

ဒီလိုမျိုး ဘ၀တွေကို သိနားလည်ခဲ့ရင်၊ စာနာနိုင်ခဲ့ရင် ကိုယ်ကိုယ်တိုင် မတ်နိုင်သမျှလည်း မတ်အောင် လုပ်နေရင်း ဘေးနားဝန်းကျင်က လဲကျနေတဲ့ သူတွေကိုလည်း မတ်နိုင်အောင် ထူပေးသင့်သလောက် ထူပေးနိုင်ဖို့ ခွန်အား သတ္တိတွေ၊ နားလည်မှုတွေ မွေးမြူလာနိုင်လိမ့်မယ်…။

`……….တို့´ တွေ ပြောသလို အရင်ဆုံး ကိုယ်ကိုယ်တိုင် မတ်နိုင်မှ ဖြစ်မှာဆိုတဲ့ စကားကြောင့် ….. ကိုယ်ကိုယ်တိုင်လည်း မတ်မတ်နေနိုင်အောင် ကြိုးစားရင်း ၀န်းကျင်မှာရှိတဲ့ ဘ၀လေးတွေကိုလည်း မတ်မတ် ဖြစ်နေအောင်၊ မတ်မတ်နေနိုင်အောင် ကြိုးစားပေးရလိမ့်မယ်…။

ဟုတ်တယ်လေ… ကိုယ်ကိုယ်တိုင် မတ်မတ်မနေနိုင်ရင် တခြားဘ၀လေး တွေကိုလည်း ဘယ်မှာ မတ်လို့ရအောင် လုပ်နိုင်ပါ့မလဲ…..။ ကိုယ်တယောက်တည်း မတ်နေအောင်ပဲ အရင်ကြိုးစား လိုက်အုံးမယ် ဆိုရင်လည်း ဘယ်အချိန်မှာမှ ကိုယ့်ကိုယ်ကို မတ်နေနိုင်ပြီလို့ သိကြလိမ့်မလဲ… အတောသတ်နိုင်ပါ့မလဲ..။

`………..တို့´ က `ငါ့..´ကို ကောက်ချက်ချတာက သွေးအေးလိုက်တာတဲ့..….။ စိတ်ဓါတ်က မာကျောလိုက်တာတဲ့…။ `..............ငါတို့အားလုံး´ ဘ၀တွေထဲမှာလည်း အထူးဆန်းဆုံးပဲတဲ့……..။

`ငါ….´ ဘာပြန်ပြောရမလဲ…………။

`ငါ့… မှာ `............တို့တွေ´ သိနားလည်လာအောင် လောလောဆယ် ပြန်ပြောဖို့ အကောင်းဆုံး စကားလုံးတွေ ရှာဖွေနေမိတယ်..။

`ငါ..´ ပြောချင်တာက `ငါ..´ အားမာန်အပြည့်၊ ယုံကြည်မှုအပြည့်နဲ့ ယုံကြည်ရာလမ်းကို သစ္စာရှိရှိ၊ သမာဓိရှိရှိနဲ့ ရဲရဲလျှောက်လှမ်း နေပါတယ် ဆိုရင် `……….တို့´တွေ `ငါ့………´ ကို ဘာပြန်ပြောမလဲလို့......။

Wednesday, June 9, 2010

လွဲနေသည့် ဆုံမှတ်များ

ဘဝ လမ်းကြောင်းကြီးထဲတွင် မိမိရည်မှန်းသော ဆုံမှတ်တခု ရှိကြပါသည်။ ရှိလည်း ရှိနေအုံးမည် ဖြစ်ပါသည်။ လူတယောက်၏ ဆုံမှတ် ဆီသို့သွားရန် အကွာအဝေး၊ စိတ်ဓါတ်ကြံ့ခိုင်မှု၊ တန်ဖိုး၊ အတိမ်အနက်၊ အရည်အသွေး၊ အသိပညာ၊ အတတ်ပညာ၊ ရဲရင့်မှု၊ ကိုယ်ကျင့်တရား၊ သိက္ခာတရား၊ မေတ္တာတရား၊ သည်းခံခြင်း၊ ဖြူစင်မှု၊ သစ္စာရှိမှု၊ ဆိုသည့် ကကွက် ပုံစံများ အမျိုးမျိုး ရှိကြမည် ဖြစ်သည်။ ကိုယ်တိုင် သတ်မှတ်ထားသည့် ဆုံမှတ်တွင် မိမိအကျိုးတခုတည်း အတွက် ဆုံမှတ်၊ သို့မဟုတ် သူတပါးအကျိုးအတွက် ဆုံမှတ်၊ မိမိနှင့်သူတပါး အကျိုးဖြစ်စေမည့် ဆုံမှတ်၊ ဆိုသည့် ဆုံမှတ်များ ရှိကြသည်။ မည်သို့ပင်ဖြစ်စေ ဆုံမှတ်တခုကို ရောက်ရှိရန် မျှတသော နည်းလမ်းမျိုးစုံဖြင့် ကြိုးစားနေကြရမည် ဖြစ်သည်။


ဆုံမှတ်။


မည်ကဲ့သို့သော ဆုံမှတ်ဖြစ်ပါမည်နည်း၊ မိမိ၏ ဘဝသက်တမ်းတလျှောက် အဓိကကျမည့် ဆုံမှတ်ကို သွားရန်အတွက် မည်ကဲ့သို့သော အရည်အသွေးများ လိုအပ်ပါမည်နည်း၊ မည်ကဲ့သို့ ကြိုးစားပြီး ရောက်အောင် သွားပါမည်နည်း၊ မည်ကဲ့သို့ လမ်းကြောင်းနှင့် ရောက်အောင် သွားပါမည်နည်း။ မိမိ၏ ဆုံမှတ်ကို အမှန်တကယ် သိအောင်လုပ်ပြီး လိုအပ်မည့် အရာဟူသမျှကို အသိပညာရှိရှိ ဇွဲသတ္တိရှိရှိဖြင့် သွားပြီး အရောက်လှမ်းရပါမည်။ မည်သူတဦးတယောက်မျှ မိမိဆုံမှတ်နှင့် လွဲချင်သောသူ မရှိနိုင်ပါ။ မိမိမျှော်လင့်မထားသော်လည်း မိမိမလိုချင်သော်လည်း လွဲသွားသော ဆုံမှတ်၊ လွဲနေသော ဆုံမှတ်၊ ဆုံးရှုံးသွားသော ဆုံမှတ်များ တွေ့ကြရပါလိမ့်မည်။ မိမိကိုယ်တိုင် မည်မျှပင် ကြိုးစားကြိုးစား လွဲသွားသော ဆုံမှတ်များ ဒုနဲ့ဒေး ရှိနေပါသည်။ ဆုံမှတ်ကို သွားရန် ဆူးညောင့်ခလုတ်များသည် အထင်းသား ရှိနေပါလိမ့်မည်။ ဟန်ဆောင်မှုတွေသည် များနေပါလိမ့်မည်။ မာယာ ထောင်ချောက်များ အထပ်ထပ် ကာဆီးထားပါလိမ့်မည်။ ဆုံမှတ်နှင့် လွဲသွားလျှင်လည်း စိတ်ဓါတ် ခိုင်ခိုင်မာမာ အဓိကထားပြီး နေထိုင်တတ်ရန် ကြိုးစားရပါမည်။ လွဲသွားသည့် အခါတွင်လည်း မည်သူ့ကြောင့်ထက် ဘာကြောင့်ဆိုတာကသာ အရေးကြီးပါသည်။ ဘာကြောင့်ဆိုသည့် အဖြေကို သိပြီးလျှင် လျှောက်ရမည့် လမ်းကြောင်း လွယ်ကူသွားပါလိမ့်မည်။ အဖြေ သိရန်သာ ဦးဆုံး ကြိုးပမ်းကြရမည် ဖြစ်ပါသည်။


သို့ဖြစ်လျှင်


မိမိသွားရမည့် လမ်းကြောင်း လွဲနေပြီလား၊ သွားနေသည့် လမ်းကြောင်းတလျှောက် ဦးတည့်ရာ လျှောက်သွားနေမိပြီလား၊ ငေးငိုင်နေမိပြီလား၊ သွားနေသည့် လမ်းကြောင်း မှားနေပြီလား၊ တပါးသူ လျှောက်လှမ်းမှုကိုသာ ကြည့်နေမိပြီလား၊ သို့မဟုတ် တပါးသူ၏ လျှောက်လှမ်းမှု နောက်မှ လိုက်နေမိပြီလား၊ ချော်လဲရောထိုင် နေမိပြီလား၊ ချော်လဲခဲ့သည်ဆိုလျှင် ကိုယ်ကိုယ်တိုင် ပြန်ထပြန်မတ်ပြီး ပြန်လျှောက်လှမ်းနိုင်ရမည်။ သွားနေသည့် လမ်းကြောင်း မညီညာ၍လား၊ သို့ဖြစ်လျှင် ညီညာ ချောမွေ့ရန် လုပ်ရပေလိမ့်မည်။ အဓိကမှာ ကိုယ်သတ်မှတ်ထားသည့် ဆုံမှတ် တခုကို သိက္ခာရှိရှိ၊ ဖြူစင်မှုရှိရှိ ရောက်ရမည် ဖြစ်ပေသည်။ မိမိ၏ ဆုံမှတ်ကိုဖြင့် ရောက်ပါ၏၊ မိမိ၏ အတ္တ တခုတည်းကိုသာ ရှေ့တန်းတင်ပြီး ရောက်ရမည့် ဆုံမှတ်မျိုးကို သတိရှိရှိ ဖယ်ရှားနိုင်ရပေမည်။ မိမိ၏ ကိုယ်ကျင့်တရား၊ မိမိ၏ သိက္ခာဖြင့် အလဲအလှယ် လုပ်လိုက်ရမည့် ဆုံမှတ်မျိုး၊ ရိုးသားဖြူစင်မှုကို ဟားတိုက်ခံလိုက်ရပြီးမှ ရလာမည့် ဆုံမှတ်မျိုး၊ ယုံကြည်မှုကို တိုက်စားသွားမည့် ဆုံမှတ်မျိုး၊ မေတ္တာတရားကို ချနင်းခံရမည့် ဆုံမှတ်မျိုး၊ သစ္စာတရားကို ဖုံးလွှမ်းခံရမည့် ဆုံမှတ်မျိုး၊ ထိုကဲ့သို့သော ဆုံမှတ်မျိုးများနှင့် ရင်ဆိုင်ကြရသည့်အခါ မိမိ၏ စိတ်အခြေနှင့်ပင် တန်ပြန်တိုက်ခိုက်ရပေလိမ့်မည်။


မိမိလိုချင်နေသည့် ဆုံမှတ် တခုတည်းကိုသာ ကြည့်ပြီး သူတပါး၏ လမ်းကြောင်းကို နင်းသွားရမည့် အဖြစ်မျိုး မပြုလုပ်မိရန်၊ သူတပါး မြတ်နိုးနေသည့် အရာကိစ္စ ဟူသမျှကို တလေးတစားနှင့် ရှောင်ကျဉ်သွားနိုင်ရန်၊ သူတပါး လေးစားသော အရာကိစ္စများကို မိမိကလည်း တန်ဖိုးထား လေးစားတတ်ရန် လိုအပ်ပေမည်။ မိမိလိုချင်နေသည့် ဆုံမှတ်တခုကိုဖြင့် ရောက်ပါ၏၊ သို့သော် သူတပါး လေးစားမြတ်နိုးသည့် အရာတခုကို ဖျက်ဆီးလိုက်ရမည့် အဖြစ်များ၊ သူတပါး စိတ်ထိခိုက်ရမည့် အဖြစ်များ၊ ဝါသနာကို ဟန့်တားလိုက်စေမည့် အဖြစ်များ၊ ဖြူစင်သည့် စိတ်လေးတခုကို အရောင်ဆိုးလိုက်သည့် အဖြစ်များ ဖြစ်ခဲ့လျှင်လည်း မိမိ၏ ဆုံမှတ်သည် စိတ်ချမ်းသာရမည့် ဆုံမှတ်တခု ဖြစ်လာမည် မဟုတ်ပေ။ ဆုံမှတ်တခုကို ရောက်ရန်အတွက် စိတ်ချမ်းသာပြီး မိမိကိုယ်တိုင် လွတ်လပ် ပျော်ရွှင်နိုင်မည့်၊ စိတ်ပေါ့ပါး လန်းဆန်းနိုင်မည့်၊ တပါးသူ မထိခိုက်နိုင်မည့်၊ လမ်းကြောင်း ဖြစ်ရန် လိုအပ်ပါသည်။ မည်သူတဦးတယောက်မျှ ဆုံမှတ်နှင့် မလွဲချင်ကြပေ။ သို့သော်လည်း လွဲပြီးရင်း လွဲနေရသည့် ဆုံမှတ်များလည်း ရှိမည် ဖြစ်ပါသည်။ ရှိလည်း ရှိနေဆဲ ဖြစ်ပါသည်။


ဆုံမှတ်တခုကို မရောက်မီ မဖြစ်နိုင်ပါဘူးဆိုသည့် မရေရာသော အကြောင်းပြချက်များနှင့် လမ်းကြောင်းသွေဖီခြင်းမရှိပဲ မိမိရည်ရွယ်ရာ ဆုံမှတ်တခုသာ မဟာအင်အားတခု ဖြစ်သည်ဆိုကာ အသက်ရှူလိုက်တိုင်းမှာ စည်းချက်ကျနေရပေလိမ့်မည်။ စည်းချက်လိုက်တိုင်းတွင် အင်အားအသိ တိုးလို့ တိုးလို့ ရလာလျှင် မည်မျှ ကောင်းပေမည်နည်း။



ဆုံမှတ်နှင့် လွဲသည့် အခိုက်အတန့်တွင်လည်း စိတ်ဓါတ်မကျ၍ သတ္တိရှိရှိ စိတ်ခွန်အား အပြည့်ဖြင့် ရင်ဆိုင် ကျော်လွှားနိုင်ပြီး တချိန်တွင် မလွဲမသွေ ဆုံမှတ်ကို ရောက်ရမည် ဆိုသည်ကို ယုံကြည်ပြီး ဆက်လက်ကြိုးစားပါလျှင် အရာအားလုံး လွယ်ကူချောမွေ့စွာ အောင်မြင်နိုင်မည် ဖြစ်ပေသည်။


အားလုံးသော သူများ ရည်မှန်းထားသည့် ဆုံမှတ် လမ်းကြောင်းပေါ်သို့ တန်ဖိုးရှိရှိ၊ အဓိပ္ပါယ်ရှိရှိ၊ မှန်ကန်သည့် လမ်းကြောင်းတခုဖြင့် အရောက်လှမ်းနိုင်ပြီး လူမှုအကျိုးများကို ပုံသဏ္ဍာန်မတူစွာ ဖေးမလက်တွဲ၍ ဘဝအမောများ ပြေပျောက်ရန် ရည်သန် ဆန္ဒပြုမိပါသည်။။။

Tuesday, June 1, 2010

တဘ၀စာဖြစ်ခွင့်ပေးပါ….

အဲဒီနေ့ကိုတော့ တသက် ဘယ်တော့မှ မေ့လို့ရမှာ မဟုတ်တော့ပါဘူး။ ဘာလို့လဲဆိုတော့ မတွေ့နိုင်တော့ ပါဘူးလို့ ထင်နေတဲ့ ချစ်ရတဲ့ ချစ်သူ နဲ့ ဆုံတွေခွင့် ရခဲ့လို့ပါ။ ကိုယ့်ကိုကိုယ်တောင် သံယောဇဉ် ရှိခဲ့ဖူး ပါတယ်ဆိုတာတောင် မေ့ထားခဲ့တာကိုး…. ချစ်သူ…….။

မတွေ့ခဲ့ရတဲ့ နှစ်တွေက ဆယ်စုနှစ် နှစ်ခုနီးပါး ရှိသွားခဲ့ပြီ ချစ်သူ……..။

ကျမရဲ့ စိတ်အစဉ် ကလည်း ဟိုးလွန်ခဲ့တဲ့ နှစ်ပေါင်း ၁၈ နှစ်လောက်ကို ပြန်ပြောင်း ရောက်သွားခဲ့တယ်…။

ကျမရဲ့ ရင်ထဲမှာ မပြောင်းမလဲ တည်ရှိနေခဲ့တဲ့ စိတ်ကူးတွေက မယိမ်းမယိုင် ဆက်လက်ပြီး တည်ရှိမြဲပဲလေ…။ ရင်ထဲမှာ သန္ဓေတည်လာခဲ့တာ တဖြည်းဖြည်းနဲ့ ထုထည် ကြီးမားရင်း ကြီးမားရင်း အမြစ်တွယ်လာခဲ့ရတယ်။ အမြစ် ဆိုတာ နှုတ်ရ ခက်သလို ရင်ထဲက အစိုင်အခဲ အမြစ်ကြီးကလည်း ပိုလို့တောင် နှုတ်ရ ခက်ခဲ့တာပေါ့ ချစ်သူ……….။

တကယ်တော့ ဘ၀မှာ ကိုယ်ဖြစ်စေချင်သလို ဖြစ်မယ်၊ ဆုတောင်းတိုင်းသာ ပြည့်ဝမယ်ဆို ချစ်သူရဲ့ ချစ်ခြင်းကိုပဲ လိုလားတောင့်တမိ ပါတယ် ချစ်သူ………။

ဘ၀ဆိုတဲ့ လမ်းကြောင်းကြီးပေါ်မှာ တခါတလေ တော့လည်း အလိုက်သင့် လှုပ်ရှားလို့.. တခါတလေတော့လည်း စိတ်ထဲပေါ်လာတဲ့အတိုင်း လုပ်ကြည့်လို့… တခါတလေတော့လည်း ထိန်းချုပ်မှု ဆိုတဲ့ ခေါင်းစဉ်တခု အောက်မှာပေါ့… တခါတလေတော့လည်း မျက်ရည်ကိုသာ အဖေါ်ပြုလို့… တခါတလေတော့လည်း ကြိတ်ခံစားလို့… တခါတလေတော့လည်း ဘ၀ရဲ့ လှုပ်ရှားမှုတွေကို အားဖြည့်လို့… တခါတလေ တော့လည်း ဦးနှောက်ရဲ့ ခေါ်ဆောင်မှုနောက်ကို အလိုက်သင့် လိုက်လျောလို့… တခါတလေ တော့လည်း ဦးနှောက်နဲ့ စိတ် ရဲ့ လွန်ဆွဲပွဲ တခုလည်း ဖြစ်နေလေရဲ့… တခါတလေ တော့လည်း နှလုံးသားရဲ့ စေစားမှု ဒဏ်ကြောင့် မျောပါသွားလေရဲ့… တခါတလေတော့လည်း ပညတ်ချက်တွေ များလွန်းလို့ အဝေးကို ထွက်ပြေး သွားလိုက်ချင်ရဲ့…. ချစ်သူ….

တခါတလေတော့လည်း လူ့ဘ၀ကြီးမှာ မထင်မှတ်စရာ အကြောင်း ကိစ္စတွေ၊ မျှော်လင့် မထားတဲ့ ဖြစ်ရပ်တွေ၊ မျှော်လင့် မထားတဲ့ အခြေအနေတွေကြောင့် ပြန်ဆုံ တွေ့ခဲ့ရတယ် ချစ်သူ…။

>ပြန်ဆုံတဲ့ အချိန်မှာလည်း မပြောင်းလဲတဲ့ အခြေအနေတွေ၊ ဟိုးအရင်က အခြေအနေ အတိုင်း ချစ်သူကို တွေ့လိုက်ရလို့ ကျမ ရင်ထဲမှာ ဖေါ်ပြလို့ မရလောက်အောင် အံ့သြမှုတွေ၊ ၀မ်းသာမှုတွေနဲ့ အတူ ပိုင်ဆိုင်လို စိတ်တွေ ဖြစ်သွားခဲ့ရတယ်။

မတွေ့ရတာ ဆယ်စုနှစ်တွေ ကြာရှည် ပေမဲ့လည်း နှလုံးသားမှာ ထင်ကျန်နေတဲ့ ပုံရိပ်တွေ၊ စစ်မှန်တဲ့ ချစ်ခြင်း မေတ္တာတရားတွေ၊ သံယောဇဉ် ကြီးမားတဲ့ စိတ်ခံစားမှုတွေက မပြောင်းလဲခဲ့ပါဘူး ချစ်သူ…။ ရာသီ အလီလီ ပြောင်းခဲ့ပေမဲ့ မပြောင်းခဲ့တာက ကျမရဲ့ စိတ်ကူးပေါ့ ချစ်သူ…။ အဲဒီ စိတ်ကူးတွေက နုပျိုလန်းဆန်းဆဲပါ ချစ်သူ… ကျမကိုတော့ အတိတ် တစ္ဆေ ခြောက်လှန့် နေပြီလေ …။

ဒီ ခံစားမှုတွေကို နားလည်နိုင်ပါ့မလား... ချစ်သူ….!

နားလည်နိုင်ပါစေလို့လည်း မရဲတရဲ မျှော်လင့်မိလေရဲ့…!

ကျမရဲ့ စိတ်ခံစားမှု မပေါ်လွင်သရွေ့၊ စိတ်ထဲမှာပဲ ထားတတ်တဲ့ အကျင့်ရှိသရွေ့၊ မဖေါ်ပြသရွေ့တော့ အရာရာဟာ ဝေးနေအုံးမယ် ထင်ပါရဲ့….

ဝေးတယ်ဆိုတာ!!!!!!!!!

စိတ်ချင်းဝေးတာလား…….. လူချင်းဝေးတာလား…… နှလုံးသားချင်း ဝေးတာလား…….. ယုံကြည်ချက်ချင်း ဝေးတာလား…….. ခံယူချက်ချင်း ဝေးတာလား……… နားလည်မှုချင်း ဝေးတာလား……….. သဘောထားချင်း ဝေးတာလား…….. ၀ါဒချင်း ဝေးတာလား……. အယူအဆချင်း ဝေးတာလား……… !

လူချင်းဝေးတာကို ဝေးတယ်လို့ဆိုရင် လူချင်းမဝေးပဲ စိတ်သဘောချင်း ဝေးတာ ကိုရော နီးတယ်လို့ ပြောလို့ရပါရဲ့လား…………!

အရေးကြီးတာကတော့ စိတ်ချင်း နီးနေတာ… ခံယူချက်ချင်း နီးနေတာ… အယူအဆချင်း နီးနေတာ… သဘောထားချင်း နီးနေတာ… ယုံကြည်ချက်ချင်း နီးနေတာ… သာ အခရာကျတယ်လို့ ဆိုရင်ရော လက်ခံနိုင်ပါ့မလား………….!

ဒါကို လက်ခံနိုင်မယ် ဆိုရင် လူချင်း အနေ ဝေးပေမဲ့ စိတ်ကူးစိတ်သန်းချင်း၊ ခံယူချက်ချင်း၊ ယုံကြည်ချက်ချင်း၊ အပြုအမူချင်း နီးနေရင် နှလုံးသားချင်း၊ ရင်ခုန်သံချင်း နီးနိုင်မယ်လို့ ယုံကြည်မိပါရဲ့…။

တယောက်နဲ့ တယောက် နားလည်မှုတွေနဲ့ ဆက်ဆံနိုင်မယ် ဆိုရင်လည်း နီးနေကြတဲ့ သူတွေ ဖြစ်လာကြမယ် မဟုတ်လား။ ကျမရဲ့ နားလည်မှုတွေနဲ့ ချစ်သူရဲ့ နားလည်မှုတွေကို အပြန်အလှန် အမှီသဟဲ ပြုရင်း လောကကောင်းကျိုးတွေကို သယ်ပိုးဆောင်ရွက် ပေးချင်နေမိတယ် ချစ်သူ……။

ဒါပေမဲ့လည်း တယောက်နဲ့ တယောက် ချစ်နေကြပြီဆိုရင် အရာအားလုံး နီးနေတာသာ အကောင်းဆုံးပေါ့… လူချင်းလည်း နီးချင်တယ်… စိတ်ချင်းလည်း နီးချင်တယ်… အယူအဆချင်းလည်း နီးချင်တယ်… နားလည်မှုတွေလည်း နီးချင်တယ်… သဘောထားချင်းလည်း နီးချင်တယ်… ခံယူချက်ချင်းလည်း နီးချင်တယ်… ယုံကြည်ချက်ချင်းလည်း နီးချင်တယ်… ချစ်သူ!

အရာအားလုံး နီးနေချင်းကသာ ရေရှည်အတွက် အကောင်းဆုံး ဘ၀တွေကို ဖန်တီးနိုင်မယ် မဟုတ်လား…။

တယောက်နဲ့တယောက် နားလည်မှုတွေနဲ့ `….. နီးချင်းတွေနဲ့သာ´ ရှိနေမယ်ဆိုရင် ဘာတွေပဲ ဖြစ်ဖြစ်၊ ဘယ်လို အခက်အခဲပဲ ဖြစ်ဖြစ်၊ ဘယ်လို ပြဿနာပဲ ဖြစ်ဖြစ်၊ အတူ ကျော်ဖြတ် သွားနိုင်မှာပါ..။

ဝါသနာ အရသော်လည်းကောင်း၊ စိတ်ဝင်စားမှု အရသော်လည်းကောင်း၊ အများအကျိုး လိုလားမှု အရသော်လည်းကောင်း၊ ဖြစ်ချင်စိတ် ပြင်းထန်မှု အရသော်လည်းကောင်း၊ ပြုလုပ်ရမဲ့ အလုပ်တွေမှာ အနီးဆုံး လုပ်ခွင့်ရရင်၊ အကောင်းဆုံး ဖြစ်အောင် ကျမ အစွမ်းကုန် လုပ်နေမှာပါ ချစ်သူ…..။

ချစ်သူ. စိတ်ချမ်းသာအောင် ချစ်သူ ဖြစ်စေချင်တဲ့ အတိုင်း ဖြစ်မြောက်အောင် လုပ်ဖို့ ရည်ရွယ်ပြီးသားပါ..။

လူတယောက်နဲ့ တယောက်ရဲ့ နီးချင်း ဝေးချင်း ဆိုတာကလည်း ကံဆိုတဲ့ ဖူးစာရှင် ဇာတ်ဆရာ အလိုကျ ကကြရမှာ ဖြစ်တယ်လေ…။

ဒါကြောင့် လူတယောက်နဲ့ တယောက် နီးချင်း ဝေးချင်းထက် စိတ်ဓါတ်နဲ့ လုပ်ရပ်ကသာ အဓိက ဖြစ်မယ်လို့လည်း အားတင်း ထားပါတယ် ချစ်သူ…။ စိတ်ဓါတ်ရေးရာ နီးဖို့နဲ့ လုပ်နေတဲ့ လုပ်ရပ်တွေက နီးနေဖို့ လိုလားမိတယ်…။

အရာရာ နီးနေနိုင်ပါစေလို့ စိတ်ကူးထဲက ပုံရိပ်အတိုင်း ဖြစ်လာဖို့ ရောင်နီဦး အလင်းဖြာ ထွက်ပေါ်လာမဲ့ အချိန်ကိုလည်း မျှော်လင့် တမ်းတမိရင်း…:100%;" >ဘ၀အဆက်ဆက် မတောင်းဆိုလိုပါဘူး.. ချစ်သူ…
ဒါပေမဲ့ ကျမကို ချစ်သူရဲ့ တဘ၀စာတော့……

ဖြစ်ခွင့်ပေးပါ……….. ချစ်သူ
ဖြစ်ခွင့်ပေးပါ…………………….. ချစ်သူ
ဖြစ်ခွင့်ပေးပါ…………………………………… ချစ်သူ!!!!!!!!